Morgunblaðið - 19.12.2002, Blaðsíða 51
UMRÆÐAN
MORGUNBLAÐIÐ FIMMTUDAGUR 19. DESEMBER 2002 51
ÞAÐ er ótrúleg upplifun að skoða
nýbirtan lista sjávarútvegsráðuneyt-
isins með forsendum skiptingar
byggðakvóta á milli landsvæða.
Þar hefur ráðherra sjávarútvegs
látið embættismenn sína draga sjáv-
arplássin í flokka eftir þar til gerðum
mælikvarða. Aðferðafræðin gengur
út á að finna mestu „vesalingana“
meðal sjávarbyggða þessa lands.
Þetta er gert með tilliti til tekna,
íbúafjölda á síðasta ári, fólksfækkun
frá árinu 1995, minnkun í afla og
aflaheimildum heimabáta, og minnk-
un í afla til vinnslu. Byggðunum eru
gefnir punktar eða prik þannig að
þær sem verst hafa komið út úr hinu
dásamlega kvótakerfi fá flest stigin.
Þessar „vesalingabyggðir“ geta svo
átt von á jólagjöf frá Árna Mathie-
sen.
Ráðherrann hyggst víst nefnilega
skammta tvö þúsund tonnum af svo-
kölluðum byggðakvóta til þeirra
sjávarbyggða sem hafa vinninginn í
aumingjadilkadrætti sjávarútvegs-
ráðuneytisins fyrir jólin 2002.
Þegar litið er yfir niðurstöðurnar
og skoðað hvaða sveitarfélög fá
flesta punkta í þessum vafasama
jólaleik, rekur mann í rogastans.
Hafnarfjörður, Keflavík, Sand-
gerði, Vatnsleysustrandarhreppur,
Þingeyri, Hólmavík, Blönduós, Hrís-
ey og Þórshöfn. Allir þessir staðir
skora hátt.
Hvernig má það vera að íbúar í
þessum útvegsbyggðum eru nú allt í
einu orðnir að opinberum þurfaling-
um í eigin landi? Öll þessi sjávar-
pláss liggja mjög vel við einum gjöf-
ulustu fiskimiðum heims. Þetta eru
staðir sem byggðust upp á sjávar-
útvegi og hafa hýst stolta íbúa í aldir.
Á öllum þessum stöðum og fleiri
meðfram ströndum landsins, er að
finna dugandi fólk. Það vill fá að lifa
af því sem landið gefur, og þeim nátt-
úruauðæfum sem finnast við strönd-
ina. Þrátt fyrir að vita að fiskurinn
bíður fyrir utan eins og hann hefur
gert í aldir, þá verður þetta fólk nú
víða að bíða árlega í ofvæni eftir
staðfestingu sjávarútvegsráðuneyt-
isins. Til að fá að vita hvort kvóta-
kerfi ríkisstjórnarinnar hafi ekki
örugglega farið nógu illa með það
sjálft og þeirra heimabyggð, svo það
eigi nú kannski einhvern möguleika
á að fá náðarsamlegast leyfi frá hinu
háa ráðuneyti til að bjarga sér og
sínum.
Með öðrum orðum að fá skammt-
aðan svokallaðan byggðakvóta eins
og skít úr hnefa sjávarútvegsráð-
herra. Hungurlús frá yfirvaldinu til
lífsbjargar. Þetta minnir óþyrmilega
á aldagamla hataða einokun Dana.
Allir vita að reynslan hefur sýnt að
þessi ömurlega stjórnvaldsákvörðun
yfirvalda leysir engan vanda, heldur
elur á úlfúð og sundrungu í sjávar-
plássum sem eiga allt sitt undir því
að sína samstöðu á örlagastund. Hún
hefur heldur ekkert með fiskveiði-
stjórnun að gera.
Þrátt fyrir það er þessi aumkunar-
verði leikur endurtekinn árlega og
skammlaust af sjávarútvegsráð-
herra og pótintátum hans.
Náttúrulega gerist þetta allt undir
heiftarlegum ekkasogaleiksýningum
frá LÍÚ-forkólfunum sem tóku þátt í
að ræna fólk réttinum til sjósóknar
með því að kýla í gegn og verja með
kjafti og klóm núgildandi lög um
fiskveiðar sem heimila þá svívirðu að
lifibrauð og mannréttindi fólksins í
sjávarbyggðunum eru nú orðin að
meira eða minna vafasömum hluta-
bréfum í Kauphöll Íslands. Blindir af
hroka, græðgi og valdasýki þykjast
þessir aðilar eiga allt sitt undir því að
fólkið í landinu fái ekki að njóta auð-
æfa sinna með tilvísun til aldagam-
alla laga og einfaldra réttlætissjón-
armiða.
Og réttindin safnast saman á æ
færri fyrirtæki sem kannski verða
ekki nema fjögur eftir nokkur miss-
eri ef fer fram sem horfir. Og þeim
fyrirtækjum verður stjórnað af
fámennri klíku peninga- og valda-
fíkla sem með réttu geta þá barið sér
á brjóst af gleði yfir því að drottna
nú loks yfir bæði landinu og miðun-
um.
Kannski þegnunum líka?
Þurfalingar
í eigin landi
Eftir Magnús Þór
Hafsteinsson
„Hvernig má
það vera að
íbúar í þess-
um útvegs-
byggðum
eru nú allt í einu orðnir
að opinberum þurfaling-
um í eigin landi?“
Höfundur er fréttamaður og
fiskifræðingur.
C vítamín 400 mg
með sólberjabragði
Bragðgóðar tuggutöflur.
Eflir varnir.
Nýtt frá Biomega
Fæst í apótekum
Hörpuskel og krabbi „mille feuille“
með rósmarínsmjörsósu
Dúfurúlla og foie gras ravioli
með sósu „Arabica“
Steiktur barri og humar
með kampavíns-kavíarsósu
Hreindýravöðvi „Pineau“
með trufflukrókettum og Griottes sósu
Spænskur „Manchego“ með portvínssírópi
Gyllt hindberjakaka
með súkkulaðifrauði „Gianduja“ og épice ís
Kaffi og konfekt
Verð: 15.000 kr.
BERGSTAÐASTRÆTI 37 • SÍMI: 552 5700 • FAX: 562 3025
E-MAIL: holt@holt.is • http://www.holt.is
viðskiptavinum okkar gleðilegra jóla
og farsæls komandi árs
Óskum
N Ý Á R S F A G N A Ð U R
Matseðill
Nýársfagnaður á Hótel Holti
G a l a k v ö l d v e r ð u r 2 0 0 3