Íslendingaþættir Tímans - 20.09.1968, Blaðsíða 16

HUNDRAÐ ÁRA MINNING:
Hjónin Sigurður Jósefsson
og Sesselja Davíðsdóttir
Þann 26. júlí s.l. mættu að
kirkjustaðnum Ökrum í Mýrasýslu
sjö synir og ein dóttir ásamt mök-
um þeirra. Hér voru komin börn
Sesselju Davíðsdóttur og Sigurðar
Jósefssonar, sem lengi bjuggu í
Hraunhreppi og áttu kirkjusókn
að Ökrum. Tilefni þessarar heim-
sóknar var 100 ára afmælisdagur
Sesselju þennan dag, og létu börn-
in veglegan minnisvarða á leiði
foreidra sinna í tilefni dagsins. Þá
fór fram sálmasöngur og orgel-
spil í kirkjunni af þessu tilefni.
Siðan var ekið í Borgarnes og
neitt kvöldverðar á Hótel Borgar-
ness í boði elzta bróðurins og
konu hans — en þau búa í Borg
arnesi.
Sesselja var fædd að Hrafnkels
stöðum í Hraunhreppi 26 júlí
1868 dóttir Davíðs Jóhannessonar
bónda þar og konu hans, Guðrún-
ar Sigurðardóttur, Erlendssonar
frá Hofstöðum, Jónssonar bónda
í Krossnesi. Sesselja ólst upp í for
eldrahúsum þar tii hún var full-
vaxta, en fór þá í vist til vanda-
lausra og vann fyrir sér. Uppvaxt-
ar- og æskuár þessarar konu voru
ein mestu harðindaár nítjándu ald-
ar, þegar alþýða manna bjó við
þröngan kost óg fjöldi fólks varð
að flýja land til að bjarga lífinu.
Sesselja Davíðsdóttir óx líka upp
við þröngan kost og mikla vinnu.
En það var mikið í hana spunnið,
svo hún kom óskemmd og full-
þroskuð gegnum eldraun harð-
indaáranna. Sesselja var fríð kona
og góðum gáfum gædd. Glaðlynd
tápmikil og dugnaðarforkur til
allra verka. Kjarkurinn var óbil-
andi á hverju sem gekk.
Árið 1896 byrjuðu þau búskap
að Einholtum í Hraunhreppi, Sess-
elja Davíðsdóttir og unnusti henn-
ar Sigurður Jósefsson. Nokkrum
mánuðum síðar gengu þau í hjóna-
band og bjuggu í Einholtum í 16
ár, til vorsins 1912. Þar eignúðust
þau 8 börn, sjö syni og eina dótt-
ur, sem öll eru á lífi. Börn þeirra
eru þessi. Jón áður bóndi og hrepp
stjóri í Skíðsholtum í Hraunhreppi
nú starfsmaður hjá Kaupfélagi
Borgfirðinga í Borgarnesi. Davíð
áður bóndi i Miklaholti í Hraun-
hreppi, en fluttist til Reykjavíkur
fyrir fáum árum, Þórarinn, starfs-
maður á bílaviðgerðarverkstæði í
Borgarnesi, Þorleifur, starfsmaður
í Mjólkurstöð Reýkjavífeur, Gúð-
rún búsett í Reykjavík, Hjörleifur
múrarameistari í ReykjaVík, Oddur
bóndi í Kolviðarnesi í Eyjahreppi
og Stefán bóndi á Ytri-Rauðamel í
Eyjahreppi.
Sigurður var fæddur að Belgs-
holti í Staðarsveit á Snæfellsnesi
13. júní 1854, en dó í Skíðsholt-
um í Hraunhreppi 24. júní 1940.
Ég sem þessar línur rita man vel
eftir þessum hjónum frá því ég var
lítill drengur. Þau komu oft á
heimili foreldra minna þvi þar var
kirkjustaður.
í Einholtum bjuggu þau Sesselja
og Sigurður lengst af við lítil efni
en björguðust af með ráðdeild og
fyrirhyggju. Tveir synir þeirra
voru teknir í fóstur á unga aldri
af vinafólki. Hjörleifur til hjón-
anna Jörundínu og Þorsteins Þor-
steinssonar bónda að Saurum en
þau voru barnlaus. Og Oddur til
ekkjunnar Þotbjargar Ármanns-
dóttur á Stórakálfalæk. Hin sex
börnin ólust öll upp í foreldra-
húsum. Mér er sérstaklega minn-
isstæð ferð að Einholtum vorið
1912 þegar Sesselja og Sigurður
fluttu þaðan. Það atvikaðist svo að
faðir minn keypti af þeim kú, sem
þau vildu selja vegna flutningsins.
Ég var sendur ásamt vinnumanni
föður míns til að sækja kúna. Ég
gleymi aldrei þeim höfðinglegu
viðtökum, sem við fengum á þessu
fátæka heimili. í Einholtum var
gamall torfbær, en allt var þar
innan sem utan dyra með sérstök-
um snyrti'brag, sem bar vott um
þrifnað búenda.
Þau hjón voru mjög samhent og
sambúð öll til fyrirmyndar. Það
var ekki æðrast þótt syrti í álinn,
heldur búizt til varnar og erfið-
leikunum boðiwn birginn.
Sigurður var sagður geta verið
hrjúfur á yfirborði, það var eins
konar skel sem hann hafði tekið á
16
ÍSLENDINGAÞÆTTIR