Morgunblaðið - 24.01.2007, Blaðsíða 29

MORGUNBLAÐIÐ MIÐVIKUDAGUR 24. JANÚAR 2007 29
MINNINGAR
SPENNAN eykst með hverjum
deginum sem nær líður að lokum Co-
rus-ofurmótsins sem fer fram þessa
dagana í strandbænum Wijk aan Zee
í Hollandi. Azerski stórmeistarinn
Teimour Radjabov (2.729) vann hvern
sigurinn á fætur öðrum og að loknum
fimm umferðum hafði hann fjóra og
hálfan vinning á meðan fyrrverandi
heimsmeistararnir Veselin Topalov
(2.783) og Viswanathan Anand (2.779)
komu næstir með 3½ vinning. Í sjöttu
umferð gerði Radjabov jafntefli við
fyrrverandi FIDE-heimsmeistarann
Ruslan Ponomarjov (2.723) á meðan
Anand laut í lægra haldi með svörtu
gegn heimsmeistaranum Vladimir
Kramnik (2.766) og Topalov þurfti að
sætta sig við skiptan hlut gegn tékk-
neska undrabarninu David Navara
(2.719).
Búlgarinn Topalov er þekktur fyrir
sína frábæru endaspretti á skákmót-
um og tefldi við Ponomarjov í sjöundu
umferð. Keppnisharka Topalovs er
mikil enda tekur hann að þessu leyti
til skákstíl Fischers til fyrirmyndar.
Sá búlgarski hafði svart í skákinni og
tefldi djarft til sigurs og þó að ein-
stökum sinnum hafi hallað á hann í
hinum miklu flækjum sem upp komu
stóð hann uppi sem sigurvegari. Ind-
verjinn Anand hafði með hvítu unnið
tafl gegn Radjabov en ónákvæmni
hans gerði að verkum að forystusauð-
ur mótsins slapp með skrekkinn og
jafntefli varð niðurstaðan. Kramnik
teflir ákaflega traust og gerði einu
sinni sem oftar jafntefli með svörtu í
litlausri skák gegn Armenanum Le-
von Aronjan (2.744). Sá eitilharði Ar-
meni gerði sér lítið fyrir í áttundu um-
ferð og skellti Azeranum Radjabov á
meðan eftirfarandi gerðist í skák Ve-
selins Topalovs og Viswanathan An-
ands:
Hvítt: Veselin Topalov (2.783)
Svart: Viswanathan Anand (2.779)
1. d4 Rf6 2. c4 e6 3. Rf3 b6 4. g3
Ba6 5. b3 Bb4+ 6. Bd2 Be7 7. Bg2 c6
8. Bc3 d5 9. Re5 Rfd7 10. Rxd7 Rxd7
11. Rd2 0–0 12. 0–0 Rf6 13. e4 dxe4
14. a4
Í stað þess að losa um stöðuna með
því að undirbúa eða leika c6-c5 fórnar
svartur manni í því skyni.
14. … Rd5 15. cxd5 Bxf1 16. d6
Bxg2 17. dxe7 Dxe7 18. Kxg2 f5
Enn sem komið er hefur ekkert
nýtt gerst frá áður þekktum skákum
þar sem staðan kom upp nýverið í
skák milli Indverjans Sasikirans og
Rússans Motylevs. Nú er röðin komin
að Topalov að galdra fram nýjung
sem setur svartan í vanda.
Stöðumynd 1
19. b4!
Snjall leikur sem reynir að halda
taflinu lokuðu og þannig koma í veg
fyrir svörtu hrókarnir verði virkir. Þó
að hrókur og tvö peð fyrir tvo létta
menn eigi að jafnaði að vera fullnægj-
andi til að halda jafnvæginu þá hefur
hvítur of sterk tök á miðborðinu til að
svartur geti varið stöðu sína auðveld-
lega.
19. … Dd7 20. De2 Dd5 21. f3
exf3+ 22. Rxf3 h6 23. He1 Hfe8 24.
Dc2 Had8 25. Bd2 Dd7 26. Kf2 Hc8
27. Bf4 Dd5 28. He5 Dd7 29. h4 Ha8
30. Bd2!
Enn á ný kemur hvítur í veg fyrir
að svartur geti opnað línur á borð við
peðaframrás a7-a5.
30 … Hac8 31. Dc4 Kh7 32. Bc3
Dd6 33. Re1 b5?! 34. Dc5! Dd8 35.
Rd3 og hér kaus svartur að gefast
upp.
Stöðumynd 2
Satt best að segja var þessi uppgjöf
Indverjans furðuleg þó að staða hans
sé sennilega töpuð. Enn var hægt að
berjast og sagði Topalov eftir skákina
að hann sjálfur hefði aldrei gefist upp.
Þessi úrslit höfðu í för með sér að
Topalov er kominn í efsta sætið með
sex vinninga af átta mögulegum og
Radjabov er í öðru sæti með 5½ vinn-
ing. Aronjan, Karjakin og Kramnik
koma næstir með fimm vinninga.
Lokaumferðirnar fimm á mótinu
verða án efa hörkuspennandi og hægt
er að fylgjast með þeim í beinni út-
sendingu á heimasíðu mótsins,
www.coruschess.com.
Sigurbjörn einn efstur á
Skeljungsmótinu –
Skákþingi Reykjavíkur
Þegar sjö umferðum af níu er lokið
á Skeljungsmótinu – Skákþingi
Reykjavíkur hefur Hafnfirðingurinn
Sigurbjörn Björnsson (2.297) foryst-
una á mótinu með sex vinninga. Í sjö-
undu umferð lagði hann Þorvarð F.
Ólafsson (2.151) að velli á meðan al-
þjóðlegu meistararnir Bragi Þor-
finnsson (2.384) og Sævar Bjarnason
(2.230) gerðu jafntefli í innbyrðis við-
ureign. Þessi og önnur úrslit þýddu
að Kristján Eðvarðsson (2.240) og
stórmeistarinn Henrik Danielsen
(2.506) komust í annað sætið með 5½
vinning ásamt tveim áðurnefndum al-
þjóðlegum meisturum. Lokaumferðir
mótsins fara fram næstkomandi mið-
vikudag og föstudag í félagsheimili
Taflfélags Reykjavíkur í Faxafeni 12.
Öllum áhorfendum er velkomið að
fylgjast með áhugaverðum skákum
sem hefjast kl. 19.30 báða dagana.
SKÁK
Wijk aan Zee í Hollandi
12.–28. janúar 2007
CORUS-SKÁKHÁTÍÐIN 2007
Helgi Áss Grétarsson
daggi@internet.is
Stöðumynd 2
Stöðumynd 1
Topalov í toppformi
á Corus-mótinu
Af hverju kemur lífið
manni alltaf á óvart?
Jafnvel þegar maður
veit að einhvern tím-
ann tekur lífið enda. Miðvikudaginn
10. janúar kvaddi afi minn, Haraldur
Leó, þennan heim. Þetta var maður
með hjarta úr gulli og var alltaf eitt-
hvað að bralla. Síðustu ár fór hann að
sækja föndurtíma/smíðatíma í Skóg-
arbæ og var eins og verkfærin lékju í
höndunum á honum, það voru rosa-
lega flottir hlutir sem komu frá hon-
um. Afi var frekar rólegur maður. Það
var aldrei neinn asi á honum. Síðustu
dagana sína var afi mjög hress, þrátt
fyrir að síðustu ár hafi hann ekki verið
við góða heilsu. Hann var farinn að
heyra illa og hafði mjög litla sjón.
Þrátt fyrir að afi hafi oft verið alvar-
lega lasinn reis hann alltaf upp úr
veikindum sínum. Miðvikudagurinn
byrjaði sem venjulegur dagur. Í há-
deginu fór ég að heimsækja mömmu í
vinnuna af því ég hafði séð að hún og
Haraldur Leó
Hálfdánarson
✝ Haraldur LeóHálfdánarson
fæddist á Þingeyri
við Dýrafjörð 2.
október 1919. Hann
andaðist á heimili
sínu 10. janúar síð-
astliðinn og var út-
för hans gerð frá
Árbæjarkirkju 22.
janúar.
pabbi voru mikið að
reyna ná í mig og
fannst það mjög undar-
legt. Þegar ég kom í
vinnuna til hennar var
hún að fara heim og
fannst mér það undar-
legt. Þá sagði hún mér
að afi hefði dáið um
morguninn. Það var
eins og ég hefði verið
slegin með blautri
tusku í andlitið. Þrátt
fyrir að afi hafi oft ver-
ið lasinn og mér sagt að
þetta væri sennilega
hans síðasta stund og ég undirbúið
mig undir það brá mér samt. Við náð-
um í Helgu systur og fórum heim í
Hábæ til ömmu. Það var frekar skrít-
ið að koma þangað og afi sat ekki í
stólnum sínum inni í stofu eða stóð
upp til að taka utan um mann sínu
þétta faðmlagi og það var enginn sem
tók hendurnar á manni og rúllaði í
þær hita eftir að hafa verið úti í kuld-
anum. Það var enginn sem sagði:
,,Ertu komin, litla lambið mitt, rosa-
lega er þér kalt á fingrunum!“ Þegar
sest var við kaffiborðið var skrítið að
sjá að afi kom ekki og settist hjá okk-
ur til að spjalla eða fá sér kaffisopa.
Já, þetta var skrítin tilfinning. Marg-
ar minningar þutu í gegnum huga
manns um það þegar maður var í
heimsókn hjá ömmu og afa og ég dró
dótakassann alveg fram að stólnum
hjá afa og var að leika mér í kringum
hann og byggði spilaborgir þarna í
kring. Eins þegar verið var að horfa á
fréttir heima hjá þeim, þá sat maður
annaðhvort við hliðina á stólnum hans
eða við fætur hans. Stundum náði ég
að setjast í stólinn á undan honum, þá
sneri hann stólnum í hringi, þegar
maður var orðinn ringlaður sneri
hann bara hinn hringinn. Sumrin eru
mér minnisstæð þegar amma og afi
ferðuðust á rúgbrauðinu sínu (hús-
bílnum), þá man ég hvað ég beið alltaf
spennt í sveitinni eftir að hvíta rúg-
brauðið beygði niður afleggjarann í
Njarðvík og amma og afi lentu í sveit-
inni. Við afi fengum okkur oft göngu-
túr í fjörunni og tíndum steina eða
gengum inn með ánni og áttum góða
stundir.
Síðustu heimsókn minni til afa mun
ég seint gleyma. Afi opnaði dyrnar og
ég hvíslaði ,,Hæ, afi, þetta er Stein-
unn“ og lagði köldu höndina mína í
lófa hans og hann þekkti mig um leið
og bros hans breiddist yfir andlitið og
ætlaði engan enda að taka. Hann
spurði mig spjörunum úr um framtíð-
aráform mín og hvernig mér liði.
Og ég heyrði rödd af himni, sem sagði:
„Rita þú: Sælir eru dánir, þeir sem í Drottni
deyja upp frá þessu. Já, segir andinn, þeir
skulu fá hvíld frá erfiði sínu, því að verk
þeirra fylgja þeim.“
(Opinberunarbókin 14:13.)
Elsku afi, ég veit að þú hefur það
gott og hefur fengið hvíld frá erfiði
anna lífsins og ég hlakka til að hitta
þig á ný þegar við hittumst á himnum.
Minningin um þig mun lifa í hjarta
mínu.
Kveðja
Steinunn Þuríður.
SAMGÖNGURÁÐ efnir á næstunni
til fundaraðar um samgöngumál.
Sá fyrsti fer fram fimmtudaginn 25.
janúar á Grand hóteli í Reykjavík
og stendur frá kl. 15 til 17. Fund-
arefnið er: Ferðir, búseta og sam-
göngukerfi.
Á dagskrá fyrsta fundarins eru
þrjú erindi: Bjarni Reynarsson hjá
Land-ráði sf. kynnir niðurstöður
rannsókna sinna á áhrifasviði höf-
uðborgarsvæðisins og helstu þétt-
býlisstaða; Vífill Karlsson, dósent
við Háskólann á Bifröst, ræðir áhrif
umbóta á samgöngukerfinu á
byggð og þriðji fyrirlesari er
Hreinn Haraldsson, fram-
kvæmdastjóri þróunarsviðs Vega-
gerðarinnar, sem fjallar um breyt-
ingar á umferð og búsetu árin 2000
til 2005.
Fundurinn er opinn öllum og að-
gangur ókeypis. Þátttakendur eru
beðnir að skrá sig á netfangið post-
ur@sam.stjr.is eigi síðar en kl. 12
fimmtudaginn 25. janúar.
Í samgönguráði sitja flug-
málastjóri, siglingastjóri og vega-
málastjóri auk formanns ráðsins,
sem er Ingimundur Sigurpálsson. Á
næstu fundum, sem eru ráðgerðir í
febrúar, mars, apríl og maí, er ráð-
gert að fjalla um öryggi vega, fjár-
mögnun samgöngumannvirkja og
umhverfislega sjálfbærar sam-
göngur.
Fundur um
ferðir, búsetu
og samgöngu-
kerfi
FRÉTTIR
NÝLEGA var farandbikar Guð-
mundar Karls Gíslasonar, fyrrum
maraþonhlaupara, veittur í þriðja
sinn. Guðmundur andaðist af slys-
förum 7. júní 2004.
Farandbikarinn er veittur þeim
Íslendingi á þrítugsaldri, sem
kemur fyrstur í mark í heilu
maraþoni í Reykjavík. Að þessu
sinni kom hann í hlut Þórólfs
Inga Þórssonar sem hljóp vega-
lengdina, 42,2 km, í Reykjavík-
urmaraþoni Glitnis síðastliðið
sumar á 3 klst. og 32 mínútum.
Var bikarinn afhentur við athöfn
í anddyri Vesturbæjarlaug-
arinnar 12. janúar síðastliðinn.
Sigurvegari árið 2005 var Frosti
Hallfríðarson. Auk farandbikars-
ins hafa verðlaunahafar fengið
farseðil til Evrópu í boði Ice-
landair, Flugleiða. Í viðtali við
Þórólf og Frosta kom fram að
farandbikar Guðmundar hafi ver-
ið þeim báðum hvatning til að
takast á við maraþonhlaupin.
Guðmundur Karl Gíslason, sem
farandbikarinn er tileinkaður,
var meðal fremstu maraþon-
hlaupara landsins fyrir nokkrum
árum. Hann hóf að stunda lang-
hlaup árið 2000, þá einungis 21
árs. Framfarir hans í lang-
hlaupum voru mjög örar og á
rúmum tveimur árum hljóp hann
samtals 12 maraþonhlaup. Þar af
sigraði hann í þremur slíkum
hlaupum. Nánari upplýsingar um
hlaupaferil Guðmundar er að
finna á vefslóðinni http://
www.hi.is/~agust/ymisl/myndir/
gkg7904/gkg7904.htm
Farandbikar
veittur fyrir
maraþonhlaup
LÖGREGLAN á höfuðborgarsvæð-
inu leitar vitna að umferðaróhappi
á Höfðabakkabrú laugardaginn 20.
janúar kl. 13:01. Ekið var á rauða
Toyotu Corolla en talið er að tjón-
valdurinn, sem hvarf af vettvangi,
hafi verið á stærri bifreið, hugs-
anlega með rauðri merkingu á hlið.
Ökumaður Toyotunnar var á suð-
urleið yfir Höfðabakkabrú og ók á
grænu ljósi. Hann var á vinstri
beygjuakrein og hugðist fara til
austurs.
Þeir sem geta varpað ljósi á
óhappið eru beðnir að hafa sam-
band við lögregluna á höfuðborg-
arsvæðinu í síma 444-1000.
Lýst eftir
vitnum
ÍSLANDSMÓT barna í skák 2007
verður haldið laugardaginn 27.
janúar nk. Öll börn 10 ára og
yngri (fædd 1996 og síðar) geta
verið með á mótinu. Tefldar
verða 8 umferðir, umhugs-
unartími 10 mín. á skák fyrir
hvern keppanda.
Mótið verður haldið í húsnæði
Taflfélags Reykjavíkur, Faxafeni
12 og hefst kl. 12.45 laugardag-
inn 27. janúar. Skráning hefst á
skákstað kl. 12.30 og er þátttöku-
gjald 500 kr.
Happdrætti verður haldið á
mótinu þar sem dregið verður um
ýmsa vinninga.
Bikar er fyrir sigurvegara
mótsins og verðlaun veitt fyrir
þrjú efstu sætin. Sérstök verð-
laun verða veitt þrem efstu stúlk-
unum í mótinu (ef a.m.k. 10 stúlk-
ur taka þátt) og hlýtur sú efsta
titilinn „Íslandsmeistari stúlkna
2007.“ Einnig verða veitt sérstök
verðlaun í hverjum aldursflokki.
Íslandsmót
barna í skák
NÝR skákkennsluvefur í umsjón
Henriks Danielsens og Kristians
Guttesens hefur litið dagsins ljós.
Þessum vef er m.a. ætlað til að
kenna krökkum í Namibíu og á
Grænlandi. Þarna eru myndbönd á
ensku, dönsku og íslensku. Á hverj-
um degi er nýju myndbandi bætt
við og fjölgar tungumálunum stöð-
ugt.
Vefurinn er bæði fyrir byrjendur
og lengra komna. Lagt er upp með
að hafa þetta svolítið skemmtilegt
fyrir börnin, fá börn til að kenna
börnum og jafnvel þekkta ein-
staklinga. Þá kynnir Henrik Dani-
elsen nýja skákbyrjun sem hann
hefur þróað og nefnist Ísbjarn-
arkerfið. Þegar fram líða stundir er
ætlað að bjóða upp á vikulega skák-
kennslu í beinni útsendingu á vefn-
um, segir í fréttatilkynningu.
Slóðin á kennsluvefinn er
www.videochess.net.
Skákkennsla
á netinu
HANNA Þrúður Þórðardóttir hefur
ákveðið að gefa kost á sér til emb-
ættis ritara Frjálslynda flokksins á
landsþingi flokksins, sem haldið
verður helgina 26.–27. janúar nk.
Hanna Þrúður fæddist í Reykjavík
en er nú búsett á Sauðárkróki.
Sambýlismaður hennar er Guð-
mundur Guðmundsson sjómaður og
eiga þau tvö börn.
Hanna bauð sig fram á lista
Frjálslynda flokksins í síðustu
sveitarstjórnarkosningum ásamt
því að vera framkvæmdastjóri
framboðsins í Skagafirði.
Síðustu fjögur ár hefur hún rekið
Gistiheimilið Kotið á Sauðárkróki
samhliða uppeldi barna sinna.
Í fréttatilkynningu segir hún
m.a.: „Mín skoðun er sú að öflugt
atvinnulíf sé undirstaða samfélags-
ins og sé raunar forsenda menntaðs
velferðarsamfélags.
Frjálslyndi flokkurinn er í mikilli
sókn og þar eru margir góðir menn
og konur sem vinna að málum sem
varða hag allra landsmanna. Má
þar nefna sjávarútvegsmál og önn-
ur atvinnumál ásamt landsbyggð-
armálum. Ég tel að þrátt fyrir ung-
an aldur geti ég lagt ýmislegt gott
til mála. Mínar aðaláherslur eru
einkum varðandi ferðaþjónustu og
málefni aldraðra, sem raunar má
samþætta.“
Framboð til rit-
ara Frjálslynda
flokksins