Náttúrufræðingurinn - 1959, Síða 23
NÁTTÚRUFRÆÐINGURINN
85
þeirra á hafsbotni. Aðrir jarðskjálftar á árinu voru litlir. Árið
1957 fundust mjög litlir jarðskjálftar hér á landi. Árið 1958 fundust
talsverðir jarðskjálftar á Norðuidandi 27. september og 6. desember,
en ekki svo að tjón hlytist af. Aðrir jarðskjálftar voru litlir. Kunn-
ugt er, að jarðskjálftar hafi fundizt einhvers staðar á landinu 6 daga
á árinu 1956, 11 daga á árinu 1957 og 9 daga á árinu 1958.
Hér verður getið allra þeirra jarðskjálfta, sem vitað er að fundizt
hafi á íslandi á umræddu tímabili.
1956.
13. janúar kl. 08 03 fannst mjög vægur jarðskjálfti í Reykjavík og Kópavogi.
2. maí kl. 21 47 fannst greinilegur jarðskjálftakippur á efstu bæjum Borgar-
fjarðarhéraðs.
1. júni fundust nokkrir jarðskjálftakippir í Iírísuvík og Reykjavík. Mesti
kippurinn kom kl. 09 45 og fannst hann allt austur að Þjórsá neðanverðri og
vestur á Keflavíkurflugvöll, en ekki norðar en í Reykjavík, svo frétzt hafi.
Styrkleiki hans var IV til V stig í Reykjavík, en VI stig í Krísuvík.
16. júlí kl. 05 53 fannst jarðskjálfti að styrkleika III—IV stig í Grindavík,
Krisuvík og Reykjavík.
29. október fundust allmiklir jarðskjálftar á Norðurlandi og virðast upptök
þeirra hafa verið skammt norðaustan Grímseyjar. Fyrsti kippurinn kom kl.
12 49 og fannst liann austast á Raufarhöfn, en vestast á Hólum í Hjaltadal.
Annar kippur kl. 15 22 fannst allt austur í Hróarstungur og vestur á Skaga.
Þriðji kippurinn kom kl. 15 32 og fannst hann austast í Axarfirði, en vestast i
Ólafsfirði. Fjórði og mesti kippurinn kom kl. 23 12 og fannst hann austast í
Hróarstungum, en vestast í Höfðakaupstað. Styrkleiki þessa kipps virðist hafa
verið mestur í Grímsey og á Tjörnesi IV—V stig, en um IV stig á Melrakka-
sléttu, Kelduliverfi, Húsavík og nærliggjandi sveitum, víða við Eyjafjörð og i
Fljótum í Skagafirði. Styrkleikinn var 111 stig í Vopnafirði, víða um Þingeyjar-
og Eyjafjarðarsýslur og í Skagafjarðarsýslu norðan Sauðárkróks.
30. olttóber fundust smáhræringar í Grímsey.
1957.
24. marz kl. 18 33 fannst vægur jarðskjálftakippur í Reykjavík og Hafnarfirði.
Þennan dag fundust einnig nokkrir kippir í Krísuvík, þeir snörpustu VI stig.
23. marz fundust nokkrar jarðhræringar i Krisuvík.
26. marz kl. 10 30 fannst talsverður jarðskjálftakippur í Krísuvík.
31. maí til 4. júní fundust ljölmargar jarðliræringar í Reykholti i Borgar-
firði og nokkrum bæjum þar í grennd. Snörpustu kippirnir voru IV—V stig
að styrkleika, en eftir l'réttum að dæma var svæðið, sem þeir fundust á vart meira
en 10 km í þvermál. Þess var getið í sambandi við þessar hræringar, að nokkrar