Náttúrufræðingurinn - 1959, Blaðsíða 44

106
N ÁT'l'ÚR U F RÆÐINGURINN
YTRA BELTI
8. mynd. Tilgátur um fjölda orkumagnaSra smáagna í grennd við jörðu.
gervihnetti eða geimflaug til jarðar á ný er ekki eins einfalt, því
að þeir hlutir ná 10 km/sek hraða á niðurleið, og vegna mótstöðu
neðstu laga gufuhvolfsins myndast svo mikill hiti, að það væri
lífslrættulegt mönnum. Þess vegna verður að draga úr ferðinni.
Þegar ferðast væri í nánd við tunglið, væri hægt að snúa aftur
til jarðar, en eldflaug, sem lenti út fyrir aðdráttarsvæði tungls og
jarðar, ætti tæplega afturkvæmt til jarðar af eigin rammleik. Þar
að auki yrði að stýra henni innan frá, og til þess þyrfti að hafa með-
ferðis ógrynni af eldsneyti, ef það ætti einnig að endast til lieim-
ferðar, en slíkt mundi þyngja geimflaugina allt of mikið.
Að lokum nokkur orð um lendingarskilyrði á tunglinu eða reiki-
stjörnunum. Það er ekki eins erfitt að lenda á tunglinu eða Mars
eins og á jörðinni, enda er ekkert gufuhvolf á tunglinu og mjög
þunnt á Mars. En á Venusi yrði mjög erfitt að lenda, því að þar
er gufuhvolfið ákaflega þétt. Nú skulum við gera ráð fyrir, að
búið sé að yfirstíga alla þessa erfiðleika, og að geimfarinn sé lent-
ur heilu og höldnu á annarri plánetu eftir nokkurra vikna ferð.
Þegar liann hefur dvalizt þar nokkurn tíma, mun liann fara að
liugsa til heimferðar. En þá þarf hann að yfirstíga alla sömu örð-
ugleika og áður, en í þetta skipti í öfugri röð. Hann verður aftur
að ná þeim liraða, er hann þarf til að hefja sig upp af þeim hnetti,
sem liann er staddur á. Til þess mun þurfa eldsneyti, sem skiptir