Vikan - 02.12.1965, Síða 39

VIKAN OG HEIMILSÐ
ritstjóri:
Guctridur Gisladóttir.
Jólabók
12 síður
^TTIKAN vill gera sitt til þess, að jólin
™ verði ykkur ánægjuleg. Þess vegna
flytjum við ykkur hér 12 síður um jólaheim-
ilið, þar sem lýst verður fjölbreyttum og
skemmtilegum jólaundirbúningi. Þar er að
finna fjölda kökuuppskrifta, fimm síður um
mat, þar af þrjár litprentaðar síður með fal-
legum myndum af gómsætum réttum, í þetta
sinn aðallega forréttum og ábætisréttum.
Einnig eru þrjár síður með Ieiðbeiningum um
handgerðar jólagjafir og skreytingu og und-
irbúning heimilanna fjTÍr hátíðina, en í öll-
um blöðum YIKUNNAR fram að jólum
verða sýndar fljótgerðar jólagjafir og birtar
ráðleggingar um annað, sem viðkemur jól-
unum.
Allur undirbúningur miðast við það, að
gera jólin sem hátíðlegust, en munið að vinn-
an við undirbúninginn getur líka verið
skemmtileg. Víst er það, að í augum barn-
anna er hún hjúpuð ljóma eftirvæntingar-
innar, og leyfið þeim því að taka þátt í henni.
Það eru margar skemmtilegar endurminn-
ingar bundnar við kyrrlát kvöld, þegar öll
fjölskyldan situr við að búa til jólapoka og
jólaskraut, og kannski er verið að leggja
grundvöll að jólahaldi á heimili langt frammi
í framtíðinni, heimili litlu stúlkunnar, sem
hjálpar mömmu sinni við að baka og búa
til jólagjafir.
Hafi koma jólanna verið vel undirbúin,
er auðveldara að njóta helgi hátíðarinnar og
hvíldar frá önn virka dagsins. Til þess vilj-
um við hjálpa ykkur með þessum 12 síðum
— síðum, sem hægt er að losa úr blaðinu,
ef hentugt þykir, en síðan má geyma afgang-
inn af blaðinu óvelktan og snyrtilegan þar
til á jólunum, að tújii gefst til að hvíla sig
og lesa.
VIKAN OG HEIMILIÐ óskar lesendum
sínum gleðilegra jóla.
-j> c?'7
• JL
VIKAN 48. tbl. gg