Menntamál - 01.03.1954, Síða 10
4
MENNTAMÁL
anlegar, einkum er konur eiga í hlut, að endurgjöldin fæli
menn ekki frá að velja kennaranámið.
24. Lágmarksaldur kennaraefnis ræðst að sjálfsögðu
af því, hvers konar menntastofnun hann sækir, svo sem
kennaraskóla eða háskóla, því er ekki unnt að ákveða lág-
marksaldur fyrir nemendur í öllum löndum, en varast
skyldi að innrita svo unga nemendur, að þá bresti þroska
til að skilja ábyrgð kennarastarfsins og til að valda þeim
vanda, er því fylgir.
25. Er kennaraefni sækja um skólavist, skyldi litið á
prófskírteini þess og önnur hliðstæð skilríki.
26. Aldrei skyldi greind manna né þekking þeirra ein
sér ráða úrslitum um upptöku þeirra í kennaraskóla, að
jöfnu skyldi meta skapgerð, andlega og líkamlega heil-
brigði, ást á börnum, trúmennsku og félagslyndi. Æski-
legt er, að sérhvert kennaraefni sé prófað sálfræðilega
áður en það er tekið í skóla og á meðan það dvelst þar
til þess að bægja þeim brott, sem eru svo afbrigðilegir
að skapgerð eða háttum, að þeim hæfi ekki kennarastarf.
Auk inntökuprófa má hafa gott gagn af skipulegum við-
tölum við kennaraefni eða stuttum reynslutíma, ef þörf
gerist.
27. Þá skyldi athygli einnig beint að andlegum auð-
kennum, jafnvægi á geðsmunum, áhugaefnum og vand-
kvæðum kennaraefnisins í umgengni við aðra menn. Því
er æskilegt, að allar stofnanir, er búa nemendur undir
barnakennslu, veiti þeim færi á að sækja námskeið um
geðvernd hjá kennara, er kennaraefni geta leitað til með
persónuleg vandamál.
Stundaskrár og námslcrár.
28. Fulltrúar kennaraskólastjóra, kennaraskólakennara
og barnaskólakennara skyldu vinna saman að samningu
og endurskoðun námsskrár og stundaskrár kennaraskól-
anna.