Menntamál - 01.03.1954, Side 27
MENNTAMÁL
21
stjórastörf, samningu reglugerða, námsskrár o. þ. u. 1. Á
síðast nefndu sviði hefur Peabody College svo færum
mönnum á að skipa, að fræðslumálastjórnir í öðrum ríkj-
um Bandaríkjanna hafa fengið þá til sín til þess að njóta
leiðsagnar þeirra um samningu námsskrár o. fl.
Þessi fyrstu beinu kynni mín af því, hvernig uppeldis-
vísindin og margþætt reynsla kennara og skólastjóra héld-
ust í hendur í menntastofnun fyrir kennara, eru mér
hugstæð. Þar er jafnframt um að ræða þær meginstoðir,
sem störf þeirra, er fræðslumálum stjórna, verða að styðj-
ast við.
Dagana 26. og 27. marz sat ég á þingi fræðslumála-
stjóra og námsstjóra Tennessee-ríkis. Var það 85. árs-
þing þeirra.
Aðallega var rætt um námsefni og námsskrár fyrir
nemendur á aldrinum 13—18 ára (High School), svo og
menntun kennara og starfshætti þeirra.
Fundarmenn voru margir þeirrar skoðunar, að lítið
gagn væri að vísindalegum og vel sömdum námsskrám, ef
kennarar væru ekki vel menntaðir og áhugasamir eða
ynnu ekki störf sín af trú á gagnsemi þeirra. Talið var,
að umræðufundir kennara, námsstjóra o. fl., svo og stutt
námsskeið, væru farsælasta leiðin og sú sjálfsagðasta til
þess að vekja áhuga og efla starfshæfni kennara. Þar
ættu sem flestir starfandi skólamenn að koma og bera
saman ráð sín.
Skólastjórar gagnfræða- og menntaskóla (Secondary
Schools’ Principals) héldu sérstakan fund, sem mér var
boðið á, og flutti þar prófessor frá Colorado-háskóla
snjallt erindi um reglugerðir fyrir gagnfræða- og mennta-
skóla. Höfuðáherzlu lagði hann á hið breytta viðhorf
unglinga til atvinnumöguleika, og að til þess að varðveita
hið góða og mannlega, sem býr með hverjum unglingi, þá
yrðu skólarnir að taka að sér að búa þá undir þau störf,
sem hæfðu þeim bezt og þörf væri fyrir í þjóðfélaginu.