Menntamál - 01.03.1954, Side 13
MENNTAMÁL
7
skólans, bekkjum, stærð þeirra og bekkjargögnum, um-
hverfi barnanna o. s. frv.).
43. Kennaranemar skyldu eiga kost á æfingum í skól-
um, þar sem kennarafjöldi er misjafn, m. a. í skólum með
einum kennara og skólum í ólíku umhverfi.
44. í löndum, þar sem barnakennarar þurfa einnig að
kenna fullorðnum, skyldi menntun þeirra miðast við það
að einhverju leyti.
45. Kennaranemar skyldu hljóta fræðslu um hreinlæti
í skólum, heilsuvernd barna, varnir gegn smitun og veik-
indaforföllum. Menn, sem kenna í einangruðum hverf-
um, ættu að minnsta kosti að geta verndað heilsu sjálfra
sín og fjölskyldu sinnar.
46. Kennaranemar skyldu hljóta fræðslu og þjálfun, er
gerir þeim ljóst, hversu mikilvægu félagslegu hlutverki
þeir gegna í skólahverfi sínu. Fræðsla og þjálfun á þessu
sviði ætti m. a. að ná til leiðbeininga um tómstundastörf,
menningarlegt samkvæmislíf, þrifnað og ráðdeild.
47. Kennaraskólar verða að glæða fegurðarkennd kenn-
aranema, ef barnaskólarnir, sem þeir starfa við síðar,
eiga að gera það. Fyrir þessar sakir þarf að vanda búnað
kennaraskóla utan húss og innan og gefa gaum að, hver
staður honum skal valinn. í kennaraskólum skyldi flytja
tónlist, leiklist, bókmenntir og listrænar íþróttir.
48. Kennaranemar skyldu kynnast matgjöfum og klæða-
gjöfum í skólum, skálavist (vacation camps), æskulýðs-
starfi og foreldrafundum.
49. Hversdagsleg hegðun kennaranema fer mjög eftir
því, (hvernig námið er skipulagt, með hverjum anda
fræðsla er veitt og hver aðbúð er í heimavist. Agi skyldi
því vera frjálsmannlegur, mótaður af virðingu á einstak-
lingseðlinu og stuðla að þroska þeirra gáfna, er hverj-
um voru gefnar. Fræðslan skyldi í meginatriðum hvíla á
athugunum á mannlegu eðli og efla þegnskap og ábyrgðar-
vitund nemandans.