Menntamál - 01.03.1954, Page 35
MENNTAMÁL
29
þá samdar fyrirspurnir þær, sem sendar voru kennur-
um og öðrum, sem að skólamálum starfa. Frá því um
miðjan ágúst hefur nefndin haldið tvo fundi í hverri
viku. Hefur hún kvatt á sinn fund f jölmarga sérfróða menn
um einstaka þætti skólamálanna.“
DRÆM SVÖR OG SKIPTAR SKOÐANIR.
Hafa margir svarað fyrirspurnum nefndarinnar?
„Nei, svör hafa borizt heldur dræmt, miklu færri en
nefndin vonaðist eftir. Eitthvað á 3. hundrað manns hef-
ur sent svör af rúmlega 1000, sem fyrirspurnir voru
sendar. Að tiltölu hafa borizt fleiri svör utan af landi en
úr Reykjvaík.“
Eru svörin mjög á eina lund?
„Nei, því fer fjarri. í þeim koma fram harla skiptar
skoðanir. Af þeim er ekki hægt að ráða, að uppi séu meðal
kennara neinar almennar óskir um meiri háttar breyting-
ar frá því, sem nú er.“
TILLÖGUR NEFNDARINNAR?
„Nefndin ætlar sér að ganga frá þeim á næstunni og
eigi síðar en fyrir lok maímánaðar."
Fela þær í sér miklar breytingar?
„Ekki að minnsta kosti breytingar, sem ætlazt er til,
að komið verði á í einni svipan, heldur ábendingar um,
hvert stefnt skuli í framtíðinni. Þó má geta þess, að miklu
meiri áherzla er lögð á að ætla nemendum mismunandi
námsefni eftir getu heldur en nú tíðkast. Þá mun nefndin
semja nýja námsskrá fyrir gagnfræðaskóla, þar sem
ekki verður miðað við tilteknar kennslubækur, eins og
og í þeirri námsskrá, sem nú er stuðzt við, heldur við
ákveðin grundvallaratriði námsefnisins, líkt og gert er í
núgildandi námsskrám fyrir barnaskóla og menntaskóla.
Þá hefur nefndin fjallað allmikið um kennslubækur skól-
anna og mun semja álitsgerð um þær og hverra endurbóta
hún telur þörf í því efni.“ ^ Á H.