Menntamál - 01.03.1954, Side 23
MENNTAMÁL
17
HELGI ELÍASSON fræðslumálastjóri:
Úr Bandaríkjaför 1953
6. Hringferðin.
Það er ekki ætlun mín að skrá hárnákvæma ferðasögu,
lýsa vel landslagi, gróðri, veðri, fólki o. s. frv. Um það
má lesa í ferðabókum og landfræðibókum. Þó verður vart
hjá því komizt að drepa á einstök atriði af þessu tagi, sem
sérstaklega vöktu athygli mína og gerðu mér ljóst, hvers
vegna ýmiss konar atriði í skóla- og uppeldismálum voru
framkvæmd á ýmsa lund eftir legu og staðháttum. Greina
mun ég jafnóðum frá því, sem mér þótti markverðast í
„minum málum“.
Og svo legg ég af stað!
a) í Tennessee-ríki.
Ég lagði af stað frá Washington í rigningu sunnudags-
morguninn 15. marz. Fyrsti áfanginn var borgin Knox-
ville í austanverðu Tennesse-ríki, sem er eitt af miðríkj-
unum. Ég' fór þessa leið í járnbrautarvagni, sem búinn
var beztu sætum — svipuðum og í nýtízku fólksbílum.
Ekki var komið á áfangastað fyrr en seint um kvöldið.
Segja má, að vart hafi sézt nein þorp alla þessa leið —
um 12 stunda ferð með hraðlest — heldur sveitabýli,
yfirleitt heldur lítil, úr timbri, og ekki reisuleg eða snyrti-
legt í kringum þau. Skóglendi var mikið og var allvíða
strjálbýlt.
Eiginlega var ég á leið til Nashville, sem er sem næst
í miðju Tennessee-ríki, en í Knoxville átti ég kost á að
sjá og kynnast einhverjum stórfelldustu vatnsorkuverum
Bandaríkjanna og menningarstarfsemi félags þess, sem