Menntamál - 01.03.1954, Page 32
26
MENNTAMÁT
uðu hvert atriði gaumgæfilega og komu svo með athuga-
semdir sinar, sem ræddar voru á fundum þessum. Það var
lærdómsríkt fyrir mig að kynnast þessum vinnubrögðum,
sem mér virtust vera til fyrirmyndar. Fræðslumálastjóri
og fulltrúar hans voru þarna og fylgdust með því, sem
gerðist, enda áttu þeir að annast um framkvæmd þess,
sem ákveðið var. í Miami — sem og víðast hvar, þar sem
ég kom — var lögð áherzla á „að flýta sér hægt“ — en
markvisst.
I flestum gagnfræðaskólum í Miami voru sérmenntaðir
kennarar, karl og kona, sem önnuðust ýmiss konar leið-
beiningar fyrir nemendur, um atvinnuval, einkavandamál
nemenda o. fl. Kennsluskylda þeirra var í þess stað minni
en annarra kennara.
Á föstudaginn langa flaug ég yfir Mexíkó-flóann til New
Orleans og dvaldi þar fjóra daga.
c) 1 Texas.
Ég fór fljúgandi frá New Orleans til Dallas í Texas-
ríki. Landið er slétt, en gróður mikill og allbreytilegur.
Texas er langsamlega stærst allra ríkja Bandaríkjanna
og auðugt mjög að náttúrugæðum. Nautgriparækt mun
hvergi meiri, kornrækt, margs konar ávextir og grænmeti
mun óvíða meira að ógleymdri olíu og baðmull. Og Dallas
er miðstöð baðmullar- og olíuframleiðslu ríkisins, banka-
og tryggingastarfsemi. Enda eru þar margar stórbygg-
ingar um 30 hæðir, sem koma í stað gamalla smáhúsa
(Downtown).
Dallas-borg ver miklu fé til skóla- og uppeldismála, og
þá eigi sízt til þess að auka og efla menntun negranna.
Enn eru þeir í sérstökum skólum, og eru margir þeirra
nýir og vel útbúnir að öllu leyti.
Fræðslumálaskrifstofan er nú í gömlu skólahúsi — all-
stóru, en nemendur, er þar voru, fengu glæsilegt hús í stað-