Menntamál - 01.03.1954, Blaðsíða 31
MENNTAMÁL
25
un sína, matreiSslumenn, þjónar, stofustúlkur o. fl. Af
efstu hæð hússins er ljómandi fagurt og gott útsýni yfir
bæinn.
Eins og vænta má, þá er dýrt að búa á hótelum í Miami.
Var mér sagt, að dýrustu hótel-íbúðirnar kostuðu 200—
300 dollara á dag um aðalbaðgestatímann. En skólamenn
hafa þá sérstöðu í gistihúsi þessu, að þeir fá ágætis-her-
bergi fyrir 3—4 dollara. Þetta eiga þeir þeim að þakka,
sem stofnuðu skólann.
Ég dvaldi dymbilvikuna í Miami. Hvorki var frí í skól-
um né skrifstofum fyrr en á föstudaginn langa. Fólk er
árrisult þarna suður frá, og óspart var fólk á að eyða síð-
degis- og kvöldstundum til þess að fræða mig. Mestum
tíma varði ég til þess að kynnast störfum í fræðslumála-
skrifstofunni og skipun skólamála yfirleitt. Ég skoðaði
nokkur skólahús, en þau eru flest nýleg eða ný, rúmgóð,
íburðarlaus en vel búin að kennslutækjum. Verið er að
koma síma- og hátalarakerfi í kennslustofur sem flestra
skóla, og víða geta a. m. k. gagnfræða- og menntaskólar
haft eigið skólaútvarp.
Stærð skólahverfa miðast við það, að barnaskólar (1.—
6. skólaár) verði eigi stærri en fyrir 600 börn, en gagn-
fræðaskólar (7.—9. skólaár) nái yfir 4 barnaskólahverfi.
Helzt vildu forráða- og skólamennirnir hafa skólahverfin
a. m. k. helmingi minni!
Mikið er gert fyrir nemendur, sem ekki eiga samleið
með nemendum í venjulegum skólum, hvort heldur er sök-
um andlegrar eða líkamlegrar vöntunar. En fyrir þessa
nemendur eru byggð lítil skólahús, aðeins fáir tugir nem-
enda í hverjum skóla.
í Miami var verið að breyta námsskrám og reglugerð-
um í samræmi við tillögur sérfræðinga í þeim efnum frá
Peabody College í Nashville. Ég var á nokkrum umræðu-
fundum í fræðslumálaskrifstofunni, sem f jölluðu um þetta.
Bekkjakennarar, ,,fag“-kennarar og námsstjórar athug-