Menntamál - 01.03.1954, Side 14

8
MENNTAMÁL
50. Þar eð eitt erfiðasta vandamál manna er sambúð
þeirra sjálfra, skyldi kennari hafa þann áhuga, hegðun,
þekkingu og kunnáttu, er til þarf, ef temja skal mönn-
um góða sambúð, umburðarlyndi og þegnskap í bekk og
á heimili, í sveitarfélagi, ríki og samfélagi þjóða. Kenn-
araskóli ætti að skilja höfuðnauðsyn þessa máls og fræða
og þjálfa kennaranema, svo að þeir verði hæfir til að
kenna nemendum sínum góða sambúð og alþjóðlegt vin-
arþel.
51. Sérstaklega skyldi vandað til kennaravals við kenn-
araskóla og æfingaskóla, því að þessir menn eiga að vera
fulltrúar þeirrar kennarahugsjónar, sem kennaraefnum er
boðuð.
52. Kennarar í uppeldisfræði og sálfræði skyldu vera
sérstaklega hæfir fræðilega og verklega, kennarar í öðr-
um greinum skyldu hafa fullkomið vald á sérgreinum sín-
um og skilja sálfræðilegt, uppeldislegt og félagslegt gildi
þeirra.
53. Á allan hátt skal leitazt við að varðveita samband
starfandi barnakennara við kennaraskólana.
54. Koma skyldi á fót rannsóknastofum fyrir sál-
vísindi og uppeldisvísindi, sem vinna að sífelldum umbót-
um á aðferðum við kennslu og uppeldi í sambandi við
kennaraskóla, æfingaskóla og aðra barnaskóla.
Ýmsum mun hafa þótt víða komið við á þingi þessu, en
fátt rætt til hlítar. Fyrir þær sakir m. a. bauð uppeldis-
stofnun UNESCO í Hamborg skólamönnum af 17 þjóð-
ernum á rannsóknaræfingu í Hamborg dagana 4.—10. jan.
s.l. Þar var rætt rækilegar um nokkur þeirra efna, sem um
var fjallað í Berkhansted 1948 og á 16. alþjóðaþinginu í
Genf s. 1. sumar.
Áður en lengra er haldið þykir mér hlýða að gera stutta
grein fyrir stofnun þeirri, er að rannsóknaræfingu þess-
ari stóð.