Menntamál - 01.03.1954, Qupperneq 38

32
MENNTAMAL
Fimmtugur:
Guðmundur í. Guðjónsson
kennar i
Guðmundur er fæddur
14. marz 1904 í Arnkötlu-
dal í Strandasýslu. Hann
lauk kennaraprófi 1925.
Kennari varð hann við
Miðbæjarskólann íReykja-
vík 1929, en fastur æfinga-
kennari við Kennaraskól-
ann 1947. Hann hefur
lengi haft á hendi eftirlit
með skriftarkennslu í Mið-
bæjarskólanum og verið
helzti forystumaður um
skriftarkennslu í landinu
um langt skeið, gefið út
margt verkefna og leið-
beininga í þeirri grein.
Guðmundur er mikill skapfestumaður og óvenjustarf-
hæfur. Hann gerir strangar kröfur til sín í starfi og slakar
aldrei á þeim, hefur búið sig rækilega undir það, aflað
sér gagna og fyrirmynda af kostgæfni og hagnýtt þetta
sér af persónulegu sjálfstæði. Það þarf aldrei að ganga í
verk Guðmundar í. Guðjónssonar. Þau verða varla bet-
ur unnin af öðrum. Guðmundur hefur um margra ára bil
átt sæti í stjórn Samb. ísl. barnakennara og gegnt þar
ritarastörfum.
Á. H.