Menntamál - 01.03.1954, Page 17

MENNTAMÁL
11
löngum fyrirvara og tilkynnt væntanlegum þátttakend-
um, og höfðu þeir látið í ljós óskir sínar um, hvaða mál-
efni þeir kysu helzt að ræða. Var farið að óskum þeirra,
eftir því sem tök voru, en misjöfn málakunnátta olli þar
einkum erfiðleikum. Vinnubrögð öll voru auðveldari og
hagkvæmari vegna undirbúnings þessa.
Ánægjulegt var það, að flestir ef ekki allir þátttakend-
ur skildu, að ekki er unnt að setja algildar reglur um upp-
eldis- og skólamál, heldur verður jafnan að virða aðstæð-
ur á hverjum stað og tíma. Fyrir þessar sakir var sam-
vinna öll ágæt og viðræður hreinskilnislegar og hispurs-
lausar. Þykir mér trúlegt, að í því efni gæti vænlegra
framfara um hegðun á alþjóðasamkundum, frá því, sem
verið hefur, en þar hafa menn stundum átt erfitt með að
virða sannleikann og sérkenni þjóða vegna hræðslu við
að verða ekki sammála í öllum greinum.
Nokkrar niðurstöður.
Flestir gerðu sér grein fyrir því, að meira væri vert að
kynnast sjónarmiðum og reynslu annarra en að komast
að skjótfengnum niðurstöðum. Það, sem hér verður talið,
ber því ekki að skilja svo, að það sé einhuga álit allra
fundarmanna, en um flest þessi atriði mun þó meirihluti
hafa verið á einu máli. Þess ber einnig að gæta, að frá-
sögnin er mörkuð af tvenns konar úrvali, fvrst úrvali
hvers flokksritara og síðan úrvali mínu.
1. Val kennaraefna. Kennaraefni þarf að hafa góða greind
og góða skapgerð, en þetta eru svo sjálfsögð atriði, að
ekki þótti þörf að ræða þau. Miklu skiptir, að kennari hafi
öðlazt þann þroska og þá lífsreynslu almennt, að hann geri
sér sjálfstæða grein fyrir atvinnuvali sínu. Fyrir þessar
sakir var lögð rík áherzla á það, að varhugavert væri, er
mjög ungt fólk stundaði kennaranám, (nema því aðeins,
að það nám auðveldaði jafnframt leið að öðru lífsstarfi).