Fréttablaðið - 01.07.2011, Blaðsíða 8
1. júlí 2011 FÖSTUDAGUR8
1. Hvað heitir nýsameinaður skóli
Öskjuhlíðar- og Safamýrarskóla?
2. Hvar var í vikunni farið í
skrímslarannsóknarleiðangur?
3. Hvar á Akureyri hefur Icelandair
opnað nýtt hótel?
SVÖR:
1. Klettaskóli. 2. Í Geirþjófsfirði í
Arnarfirði. 3. Við Þingvallastræti 23, þar
sem áður var Iðnskóli Akureyrar.
HEILBRIGÐISMÁL Tryggingastofn-
un samþykkti umsóknir um gjald-
frjálsar tannviðgerðir fyrir 1.056
börn tekjulágra foreldra. Ekki mun
takast að ljúka viðgerð á tönnum
allra þessara barna í sumar, að
því er Teitur Jónsson, forseti tann-
læknadeildar Háskóla Íslands grein-
ir frá. Átaksverkefni velferðarráðu-
neytisins er tímabundið og fer fram
á tannlæknadeildinni í Læknagarði
meðan hlé er á kennslu.
„Það hefur ræst úr með þátttöku
tannlækna í verkefninu en það mun
ekki takast að klára allt sem þarf að
gera áður en kennsla hefst í tann-
læknadeild í lok ágúst og samn-
ingurinn rennur út. Haldið verður
áfram að minnsta kosti út næstu
viku. Eftir sumarleyfi þurfum við
svigrúm til þess að undirbúa deild-
ina undir kennslu sem hefst í lok
ágúst,“ segir Teitur.
Ástandið á tönnum barnanna sem
þegar hafa komið í skoðun hefur
verið mjög mismunandi. „Þetta
er allt frá því að vera minniháttar
vandamál upp í afleita tannheilsu
og miklar skemmdir. Það eru fjölda-
mörg dæmi um að börn hafi komið
með margar skemmdar tennur, jafn-
vel 20 alls. Það eru einnig dæmi
þess að draga hafi þurft fullorðins-
tennur úr börnum.“
Átaksverkefnið nær til barna á
aldrinum þriggja til 18 ára. „Það
kemur mér eiginlega á óvart að
fleiri tekjulágir skuli ekki hafa sótt
um gjaldfrjálsar tannviðgerðir fyrir
börnin sín. Þetta eru 16 árgangar og
í hverjum árgangi eru um fjögur til
fimm þúsund börn,“ bendir Teitur á
en alls var sótt um fyrir 1.335 börn.
Hann telur að takast muni að
skoða tennur meirihluta þeirra
barna sem fengið hafa samþykki
Tryggingastofnunar í sumar.
Samningurinn um viðgerðirnar
gildir til 26. ágúst. Þar sem ekki
mun takast að ljúka tannviðgerðun-
um fyrir þann tíma er óljóst hvern-
ig þjónusta á þau börn sem standa
út af.
Helga Ágústsdóttir, deildarstjóri
í velferðarráðuneytinu, segir menn
vera að huga að úrræðum.
„Ráðuneytið er að skoða leiðir til
að bregðast við þessu,“ segir hún.
Sjúkratryggingar Íslands hafa nú
framlengt samning við tannlækna
um forvarnarskoðanir þriggja, sex
og 12 ára barna til næstu áramóta.
ibs@frettabladid.is
Ljúka ekki tannviðgerðum
Samþykktar voru gjaldfrjálsar tannviðgerðir fyrir 1.056 börn á aldrinum þriggja til átján ára. Sótt um fyrir
1.335 börn. Afleit tannheilsa hjá mörgum barnanna. Ráðuneytið skoðar leiðir til þess að ljúka viðgerðunum.
HJÁ TANNLÆKNINUM Gert verður við
tennur barna í Læknagarði að minnsta
kosti út næstu viku. FRÉTTABLAÐIÐ/VILHELM
NÁTTÚRA Töluverðar breytingar hafa orðið á
fæðu þorsks á Íslandsmiðum á síðasta aldar-
fjórðungi. Minnkandi stofnar loðnu og rækju
undanfarin tíu til fimmtán ár hafa valdið því
að meðalþyngd þorsks hefur dregist saman
síðustu tíu ár. Þetta eru niðurstöður rannsókna
Ólafs K. Pálssonar og Höskuldar Björnssonar,
sérfræðinga hjá Hafrannsóknastofnun.
Ólafur og Höskuldur birtu nýverið grein í
vefútgáfu tímarits Alþjóðahafrannsóknaráðs-
ins (ICES Journal of Marine Science). Í grein-
inni er fæðuvali þorsks lýst og gerð grein fyrir
langtímabreytingum í áti hans frá 1981 til 2010.
Hafrannsóknastofnun hefur rannsakað
fæðu þorsks á Íslandsmiðum undanfarna þrjá
áratugi. Þessar rannsóknir hafa einkum farið
fram í mars, í árlegu togararalli frá árinu 1985,
en einnig að haustlagi í haustralli frá 1996.
Meginfæða þorsks öll árin sem rannsóknin
nær til var loðna, rækja og ljósáta. Af þessum
þremur fæðustofnun er loðnan þó langmikil-
vægust, eins og fyrri rannsóknir hafa ítrekað
sýnt.
Verulegar breytingar hafa orðið á áti þorsks
á tímabilinu, ekki síst í áti á loðnu og rækju
en át á þeim hefur minnkað nokkuð á síðustu
fimmtán árum. Rannsóknin sýnir að þorskn-
um tekst ekki að bæta að fullu minna át á loðnu
þegar loðnustofninn er lítill með áti á annarri
bráð. Minni loðnustofn er því sennilega ein
helsta skýring þess að meðalþyngd þorsks
hefur lækkað undanfarin tíu ár. - mþl
Minni loðnustofn á Íslandsmiðum veldur lækkandi meðalþyngd þorsks:
Fæðuval þorsksins tekur breytingum
ÞORSKAR Loðna er langmikilvægasta fæða þorsks en
þar á eftir koma rækja og ljósáta. FRÉTTABLAÐIÐ/STEFÁN
EFNAHAGSMÁL Mun fleiri fyrir-
tæki voru tekin til gjaldþrota-
skipta í maí í ár en í fyrra, 172
samanborið við 96 í fyrra, sam-
kvæmt tölum frá Hagstofu
Íslands. Þetta er um 79 prósent
fjölgun á milli ára. Fyrstu 5
mánuði ársins hafa 699 fyrir-
tæki orðið gjaldþrota, um 53
prósentum fleiri en á sama tíma
í fyrra. Flest fyrirtækin voru í
byggingarstarfsemi og mann-
virkjagerð.
Alls voru skráð 108 ný einka-
hlutafélög (ehf.) í maí 2011. Það
er þriðjungi minna en á sama
tíma í fyrra þegar félögin voru
161. Flest félögin voru skráð í
Fasteignaviðskipti. Alls hafa
verið skráð 696 einkahlutafélög
fyrstu fimm mánuði ársins, eða
um sjö prósent færri en á sama
tíma í fyrra. - kóp
Færri nýskráð fyrirtæki í maí:
Gjaldþrotum
fjölgar um 79%
Sími 552 4040 | www.utilegukortid.is | utilegukortid@utilegukortid.is
AFL - Starfsgreinasamband
Aldan stéttarfélag
Bandalag Háskólamanna
Blaðamannafélag Íslands
BRÚ - Félag stjórnenda
Drífandi stéttarfélag
Efling stéttarfélag
Eining - Iðja
Fagfélagið
Félag flugmálastarfsmanna ríkisins
Félag iðn- og tæknigreina
Félag íslenskra hjúkrunarfræðinga
Félag íslenskra hljómlistarmanna
Félag málmiðnaðarmanna á Akureyri
Félag opinberra starfsmanna á Vestfjörðum
Félag starfsmanna stjórnarráðsins
Félag tanntækna og aðstoðarfólks tannlækna
Félag verslunar- og skrifstofufólks, Akureyri og nágrenni
Foss - Félag opinberra starfsmanna á Suðurlandi
Hlíf
Kennarasamband Íslands
Kjölur
Landssamband lögreglumanna
Landssamband slökkviliðs- og sjúkraflutningamanna
Lyfjafræðingafélag Íslands
Matvís
Póstmannafélag Íslands
Rafiðnaðarsamband Íslands
Samstaða
Útilegukortið býður þér og
fjölskyldunni þinni nær
ótakmarkaðan aðgang að
42 tjaldsvæðum um allt land
fyrir aðeins 14.900 krónur.
SFR - Stéttarfélag í almannaþjónust
Sjómannafélag Eyjafjarðar
Sjómannafélagið Jötunn
Sjúkraliðafélag Íslands
Skjöldur - Starfsmannafélag Arion b
Starfsmannafélag Dala- og Snæfell
Starfsmannafélag Fjarðarbyggðar
Starfsmannafélag Garðabæjar
Starfsmannafélag Hafnarfjarðar
Starfsmannafélag ÍAV
Starfsmannafélag Kópavogs
Starfsmannafélag Mosfellsbæjar
Starfsmannafélag N1
Starfsmannafélag Reykjavíkurborgar
Starfsmannafélag Suðurnesja
Stéttarfélag Vesturlands
Verkalýðs- og sjómannafélag Sandgerðis
Verkalýðs- og sjómannafélag Bolungarvíkur
Verkalýðsfélag Akraness
Verkalýðsfélag Snæfellinga
Verkalýðsfélag Suðurlands
Verkalýðsfélag Vestfirðinga
Verkstjórafélag Akureyrar
Verkstjórafélag Austurlands
Verkstjórafélag Suðurnesja
VM - Félag vélstjóra og málmtæknimanna
VR
Vörður - Félag stjórnenda á Suðurlandi
Þjónustuskrifstofa Stéttarfélaga á Suðurlandi
Eftirfarandi stéttar- starfsmanna- og verkalýðsfélög niðurgreiða að hluta eða
miklu leyti Útilegukortið til sinna félagsmanna. Kannaðu málið hjá þínu félagi.
Kortið fæst hjá Íslandspósti eða í
verslun Víkurverks Víkurhvarfi 6.
Útilegukortið - ferðafélaginn þinn
VEISTU SVARIÐ?