Fréttablaðið - 01.07.2011, Blaðsíða 38

1. júlí 2011 FÖSTUDAGUR26
timamot@frettabladid.is
DÍANA PRINSESSA af Wales (1961-1997) fæddist þennan dag.
„Fjölskyldan er það mikilvægasta í veröldinni.“
Nokkrir áfangar í sögu Alþingis hafa átt sér
stað þann fyrsta júlí í áranna rás. Árið 1845
kom Alþingi saman til fundar í fyrsta sinn í
Reykjavík eftir að starfsemi þess hafði legið
niðri í rúma fjóra áratugi. Konungur hafði þá
gefið út tilskipun þann 1. júlí árið 1843 þess
efnis, að Alþingi skyldi endurreist. Á þessum
fyrsta fundi í Reykjavík kom þingið saman
í hátíðarsal Lærða skólans í Reykjavík sem
nú er Menntaskólinn í Reykjavík og voru
þingmenn 26 talsins.
Hinn 1. júlí árið 1875 tók Alþingi til starfa
sem löggjafarþing í samræmi við nýja
stjórnarskrá. Jón Sigurðssoon var forseti
neðri deildar og sameinaðs þings, en Pétur
Pétursson biskup, var forseti efri deildar.
Skiptingu þingsins í tvær deildir var haldið til
ársins 1991.
Hinn 1. júlí árið 1881 kom Alþingi saman
í fyrsta sinn í nýbyggðu Alþingishúsi við
Austurvöll. Bygging hússins hafði hafist rúmu
ári áður. Heimild: Dagar Íslands.
ÞETTA GERÐIST: 1. JÚLÍ ÁRÐ 1845
Alþingi kemur saman í Reykjavík
„Þetta er stór og mikil sýning,“ segir Ragnheiður Þórs-
dóttir, textíllistakona og formaður sýningarnefndar Textíl-
félags Íslands, en félagið opnar þrjár sýningar á Akureyri á
morgun: í Menningarhúsinu Hofi, Mjólkurbúðinni og Ketil-
húsinu. Sýningin markar upphaf Listasumars á Akureyri.
„Við ákváðum að setja upp yfirlitssýningu en Textílfélag-
ið hefur aldrei sýnt hér á Akureyri áður. Það var kominn
tími til, hér á Akureyri var vagga textíliðnaðar á Íslandi á
árum áður,“ segir Ragnheiður en ullarverksmiðjan Tóvélar
Eyjafjarðar tók til starfa árið 1897 og varð síðar að Klæða-
verksmiðjunni Gefjuni árið 1907. Þá var Skinnaverksmiðj-
an Iðunn stofnuð árið 1923 þar sem sútaðar voru gærur og
rekin skó- og hanskagerð. Í Fataverksmiðjunni Heklu voru
framleidd prjónaföt og einnig var starfrækt mokkaskinns-
saumastofa á Akureyri um tíma og silkivefnaður.
Á sýningunum sem verða opnaðar á morgun verður að
finna prjóna- og fatahönnun, veflistaverk, tauþrykk, þæf-
ingu, útsaum, pappírsverk, ljósmyndaverk, ljósahönnun og
margs konar óhefðbundin þráðlistaverk. Í félaginu eru 80
konur og taka 39 þeirra þátt í sýningunum.
„Hönnunarhlutinn verður allur í Hofi en myndlistarhlut-
inn í Ketilhúsinu og í Mjólkurbúðinni. Við byrjum opnunina
í Gilinu klukkan 14 og færum okkur svo niður í Hof,“ segir
Ragnheiður. „Guðrún Marínósdóttir, sem er elst af okkur
sýnendum og ein af upphafskonum félagsins, opnar sýn-
inguna formlega. Í Hofi mun svo nýjasti meðlimur félags-
ins, Íris Ólöf Sigurjónsdóttir syngja ásamt Hjörleifi Hjart-
arsyni.
Textílfélag Íslands var stofnað árið 1974 af nemendum
og kennurum textíldeildar Myndlista- og handíðaskólans
ásamt starfandi textíllistamönnum. Ragnheiður segir
félagið vera að sækja í sig veðrið. Gróska sé í íslenskum
textíl í dag og áhugi á félaginu að aukast.
Á Akureyri eru átta starfandi félagskonur í Textílfélagi
Íslands og segir Ragnheiður að lengi hafi staðið til að þær
sýndu saman. „Við vinnum allar að okkar textíl hér og
tökum þátt í sýningunni, þetta verður í fyrsta sinn sem við
sýnum saman.“
Sýningin stendur yfir frá 2. til 17. júlí og er opin alla daga
nema mánudaga, frá klukkan 13. til 17. heida@frettabladid.is
TEXTÍLFÉLAG ÍSLANDS: OPNAR LISTASUMAR Á AKUREYRI MEÐ ÞREMUR SÝNINGUM
HÉR VAR VAGGA TEXTÍLIÐNAÐAR
UPPHAFSSÝNING LISTASUMARS Ragnheiður segir tíma til kominn að
Textílfélag Íslands sýni á Akureyri, vöggu textíliðnaðar á Íslandi hér
áður. MYND/HEIDA.IS
Merkisatburðir:
1754 Eggert Ólafsson og Bjarni Pálsson ganga fyrstir manna á
Snæfellsjökul.
1886 Landsbanki Íslands hefur starfsemi.
1928 Líflátshegning numin úr íslenskum lögum.
1931 Loftskipið Graf Zeppelin kemur til Reykjavíkur.
1957 Vilhjálmur Einarsson setur Íslandsmet í langstökki.
1986 Guðrún Erlendsdóttir skipuð hæstaréttardómari fyrst kvenna.
Ástkær faðir minn, tengdafaðir, sonur,
afi, langafi og bróðir,
Arnór Pétursson
Eskivöllum 3, Hafnarfirði,
sem lést á gjörgæsludeild Landspítalans í Fossvogi
28. júní sl., verður jarðsunginn frá Víðistaðakirkju
föstudaginn 8. júlí kl. 13.00.

Magný Ósk Arnórsdóttir Þór Kristjánsson
Sigrún Clausen Hreinn Sumarliðason
barnabörn, barnabarnabörn og systkini.
Innilegar þakkir til allra er sýndu
samúð og hlýhug við andlát og útför
eiginkonu minnar, elskulegrar móður
okkar, tengdamóður, ömmu og
langömmu,
Jónasínu Jónsdóttur
Hjúkrunarheimilinu Sóltúni, áður
Dvergabakka 32, Reykjavík.
Sérstakar þakkir til starfsfólks á Hjúkrunarheimilinu
Sóltúni.

Geir Þórðarson
Þór Geirsson Dagbjört Berglind Hermannsdóttir
Örn Geirsson Vilborg Helga Júlíusdóttir
Ásgeir Geirsson Ólöf Örvarsdóttir
Okkar ástkæri sonur, bróðir og mágur,
Sigvaldi Jóhannesson
andaðist á hjúkrunarheimilinu Skógarbæ 29. júní.
Útförin verður auglýst síðar.
Kristbjörg Ólafsdóttir
börn og tengdabörn.
Ástkær eiginkona mín, móðir okkar,
tengdamóðir, amma og langamma,
Jóhanna Guðbjörg
Guðbrandsdóttir
andaðist á hjúkrunarheimilinu Skógarbæ
þriðjudaginn 28. júní.
Útför auglýst síðar.
Sigurður Þorkelsson
Þorkell Sigurðsson Sigríður Ólafsdóttir
Guðbrandur Sigurðsson Ásdís Þórbjarnardóttir
Árni Sigurðsson
barnabörn og barnabarnabörn
Elskuleg móðir okkar,
Margrét Helgadóttir
frá Fossi á Síðu,
andaðist á Hjúkrunarheimilinu Klausturhólum
þriðjudaginn 28. júní.
Útförin verður auglýst síðar.
Páll Helgason
Fanney Helgadóttir
Hjördís Helgadóttir
Helga Helgadóttir
Þórhallur Helgason
Innilegar þakkir fyrir auðsýnda samúð
og hlýhug við andlát og útför ástkærs
föður, tengdaföður, afa og langafa,
Björns Guðmundssonar
sem lést 13. júní á Dvalarheimilinu Hlíð á Akureyri.
Sérstakar þakkir til starfsfólks á Beykihlíð fyrir góða
umönnun, Guð blessi ykkur.
Guðný Björnsdóttir
Ólöf Björnsdóttir Eyþór Jóhannsson
Pálmi Björnsson Hjördís Hauksdóttir
Magga Kristín Björnsdóttir Björn Snæbjörnsson
Birna Björnsdóttir Helgi Helgason
Guðmundur Björnsson Rósa Knútsdóttir
barnabörn og barnabarnabörn
Innilegar þakkir fyrir auðsýnda samúð
og hlýhug við andlát og útför
Guðríðar Helgadóttur
Snorrabraut 56, áður Þórólfsgötu 8,
Borgarnesi.
Sérstakar þakkir til starfsfólks Droplaugarstaða fyrir
frábæra umönnun.
Guðrún Gestsdóttir Viðar Þorsteinsson
Sigurlaug Gestsdóttir
Fanney Gestsdóttir Páll Pálmason
Kristján Gestsson
Heiða Gestsdóttir Jón Kári Jónsson
barnabörn og barnabarnabörn
Elskulegur eiginmaður minn, faðir,
tengdafaðir og afi,
Skarphéðinn Sigurðsson
Úlfsbæ, Bárðardal,
sem varð bráðkvaddur sunnudaginn 26. júní,
verður jarðsunginn frá Þorgeirskirkju mánudaginn
4. júlí kl. 14.00. Blóm og kransar eru vinsamlegast
afþakkaðir en þeim sem vilja minnast hans er bent á
Þorgeirskirkju (upplýsingar í Sparisjóði S-Þing.).
Guðrún Herbertsdóttir
Grétar H. Skarphéðinsson
Sigurður Skarphéðinsson Áslaug Kristjánsdóttir
Kristján Skarphéðinsson
Líney H. Skarphéðinsdóttir Þorvaldur Þórisson
Hulda E. Skarphéðinsdóttir Ingólfur V. Ingólfsson
Magnús Skarphéðinsson Sigurlína Tryggvadóttir
Ásta Skarphéðinsdóttir Thorsten Werner
og afabörn.