Morgunblaðið - 11.07.2011, Blaðsíða 4

4
MORGUNBLAÐIÐ MÁNUDAGUR 11. JÚLÍ 2011
Bíldshöfði 12 · 110 Rvk · 5771515 · skorri.is
Er vagninn rafmagnslaus
Frístunda rafgeymar í miklu úrvali
?
Skapti Hallgrímsson
skapti@mbl.is
Undirbúningur að gerð bráða-
birgðabrúar yfir Múlakvísl hófst
strax í gær og vonast er til þess að
verkið hefjist af krafti í dag. Vega-
málastjóri sagði á laugardag að
a.m.k. 2-3 vikur liðu þar til umferð
kæmist á aftur og var það gagnrýnt
af fólki í ferðaþjónustunni. Hann er
þó enn á sömu skoðun.
„Við vissum frá upphafi að það
tæki 2-3 vikur að reisa bráða-
birgðabrú. Það tók 21 dag þegar brú-
in á Skeiðará fór 1996 og þetta er
svipað mannvirki. Við vonumst auð-
vitað til að geta verið fljótari, menn
hafa meiri reynslu nú og önnur tæki,
en þetta tekur sinn tíma, alveg sama
hvort ferðaþjónustan eða aðrir eru
óhressir. Það er tæknilega ómögu-
legt að gera þetta hraðar,“ sagði
Hreinn Haraldsson vegamálastjóri
við Morgunblaðið í gær.
Brúin yfir Múlakvísl sem fór var
128 metrar að lengd, byggð 1990.
Hreinn bendir á að þó um bráða-
birgðamannvirki sé að ræða verði að
vanda til verka. „Það er ekki hægt að
henda upp slíku mannvirki eins og
sumir virðast halda. Brúin verður að
ráða við tiltölulega stóra jökulá og
mikla flutninga,“ segir hann. Og ekki
sé einungis um að ræða brúarsmíð-
ina sjálfa heldur þurfi m.a. að útbúa
varnargarða.
Ekki má gera ráð fyrir því að ný
brú verði tilbúin fyrr en næsta vor.
„Þá brú þarf að hanna því hún verð-
ur væntanlega 2-3 metrum hærri en
sú sem fyrir var vegna þess að aur-
inn er hærri en þegar hún var byggð.
Sú nýja verður heldur ekki á ná-
kvæmlega sama stað. Þá er hugsan-
legt að nýja brúin verði steypt en
ekki gerð úr stálbitum. Síðan þarf að
bjóða verkið út þannig að þetta yrði
unnið í haust og vetur og við mynd-
um reyna að taka í notkun nýja
framtíðarbrú fyrir vorið.“
Í dag er stefnt að því að byrja að
ferja fólk yfir Múlakvísl í ramm-
gerðri rútu eins og fram kemur neð-
ar á síðunni. Hreinn sagði að ákveðið
hafi verið að reyna það fyrst jafn
mikið sjatnaði í kvíslinni og raun ber
vitni. „Við viljum reyna að ferja fólk
yfir og vonumst til að ferðaþjónustu-
aðilar verði með rútur sitt hvorum
megin. Þá er líka verið að skoða
hvort hægt sé að flytja bíla yfir kvísl-
ina líka.“
„Vanda verður til verka“
 Gerð bráðabirgðabrúar hefst í dag  Verkið tekur 2-3 vikur  „Tæknilega
ómögulegt að gera þetta hraðar,“ segir Hreinn Haraldsson vegamálastjóri
Hlaup í Múlakvísl
Morgunblaðið/Jónas Erlendsson
Á vettvangi Ögmundur Jónasson
innanríkisráðherra við Múlakvísl.
Jarðýta frá Vegagerðinni stendur úti í miðri
Múlakvísl í gær rétt fyrir ofan stæði brúarinnar,
sem hlaupið sópaði burt á laugardagsmorgun.
Gert er ráð fyrir að unnið verði allan sólarhring-
inn við smíði bráðabirgðabrúar yfir Múlakvísl.
„Það verður unnið eins hratt og mögulegt er og
aðstæður leyfa,“ segir Hreinn Haraldsson vega-
málastjóri um smíði brúarinnar, í samtali við
mbl.is í gær.
Unnið allan sólarhringinn að bráðabirgðabrú
Morgunblaðið/Jónas Erlendsson
Rúta sem sérsmíðuð var fyrir þýska herinn og ætluð í
eyðimerkurhernað, verður notuð til þess að ferja fólk yfir
Múlakvísl. Vonast er til að hægt verði að hefjast handa í
dag. Rútan rúmar 40 farþega.
Fjórir slíkir bílar eru til í heiminum, þar af einn á Ís-
landi, að sögn Björns Sigurðssonar í Eyjafirði, en hann
sér um að gera bílinn út. Eigandinn, Ágúst Guðjónsson,
býr á Hólmavík og þar hefur bíllinn verið í vetur enda nóg
að gera fyrir vestan vegna mikilla snjóa og ófærðar.
Björn var að ganga út úr dyrunum á heimili sínu síðdegis
í gær þegar blaðamaður ræddi við hann og reiknaði með
að verða tilbúinn í slaginn í dag.
„Við keyrum auðveldlega yfir kvíslina. Það stoppar
þennan bíl ekkert. Hann vegur 12 og hálft tonn tómur,
þannig að það þarf mikinn straum til að færa hann til,“
sagði Björn. Rútan er af Iveco-gerð, árgerð 1981.
„Í honum er loftkæld átta sílindra vél og dekkin á
stærð við veghefilsdekk. Bíllinn er úr þykku áli, er skot-
heldur og með skottefjandi rúðum,“ sagði Björn. „Þetta
er rammgerður bíll.“
Frumkvæðið var Vegagerðarinnar og áhersla lögð á að
fyllsta öryggis yrði gætt. Enginn vafi er á að allt verði í
lagi, segir Björn. „Þetta er eina leiðin sem við sjáum til að
byggja brú yfir kvíslina, ef svo má segja, þar til bráða-
birgðabrúin verður til. Hægt verður að hafa rútur báðum
megin kvíslarinnar sem taka við fólkinu. Það verður að
halda ferðaþjónustunni gangandi.“ skapti@mbl.is
Flytja fólk yfir Múlakvísl
í rammgerðri herrútu
Getur allt Rútan sem á að ferja fólk yfir Múlakvísl.
 Það stoppar þennan bíl ekk-
ert, segir Björn Sigurðsson
Framundan eru
þær þrjár vikur
sem færa ferða-
þjónustunni
mestu tekjurnar
á ári hverju. Það
er því graf-
alvarlegt ef ekki
verður hægt að
koma ferðamönn-
um yfir Múlakvísl
því fólk í ferðaþjónustu verður ann-
ars fyrir miklu tapi, segir Erna
Hauksdóttir framkvæmdastjóri
Samtaka ferðaþjónustunnar.
„Víða er mesti annatíminn stuttur
og þá má ekkert klikka því að á
tekjum þessa tíma ársins lifa margir
af veturinn,“ sagði Erna í gær.
Björgvin Jóhannesson hótelstjóri
á hótel Höfðabrekku, fáeinum kíló-
metrum austan Víkur í Mýrdal, segir
að töluvert hafi verið um afbókanir
þar strax á laugardag og áfram í gær.
Síðdegis í gær sá hann til sólar því þá
kom til hans 30 manna hópur sem
kom Fjallabaksleið.
Þyldum eitt ár án hamfara
„Þetta er versti mögulegi tíminn.
Askan frá gosinu í fyrra er enn að
hrella fólk á Suðurlandi þegar þurrt
er, við erum nýbúin að jafna okkur
eftir gosið um daginn og nú dynur
þetta yfir. Við þyldum alveg eitt ár
án stórkostlegra náttúruhamfara!“
sagði hann. Björgvin sagði að „góðar
fréttir“ af samgöngum yrðu að ber-
ast strax í dag svo erlendar ferða-
skrifstofur héldu ekki áfram að af-
bóka. „Fólk verður að treysta því að
óhætt sé að ferðast hingað. Smáfrétt-
ir af náttúruhamförum vekja athygli
og geta verið góð auglýsing en ef
þetta er daglegt brauð er ég hrædd-
ur um að það fæli frá.“
Björgvin segir lykilatriði að hægt
sé að koma fólki yfir Múlakvísl. „Fólk
vill fara hringferð. Það kemur enginn
hingað til þess að skoða sig um ef
hann þarf að fara sömu leið til baka.
Þá fer fólk eitthvert annað í staðinn.
Þetta svæði dettur bara út.“ Sem
betur fer séu enn margir á svæðinu
og fólk sýni skilning. Björgvin var
óhress með að vegamálastjóri skyldi
gefa út strax á laugardag að það tæki
2-3 vikur að lágmarki að koma upp
bráðabirgðabrú. Erna tók í sama
streng og sagði að erlendar ferða-
skrifstofur hefðu strax eftir það byrj-
að að afbóka gistingu. skapti@mbl.is
„Versti
mögulegi
tíminn“
Erna Hauksdóttir
Þrjár mikilvægustu
vikur ársins