Morgunblaðið - 11.07.2011, Blaðsíða 26

26 MENNING
MORGUNBLAÐIÐ MÁNUDAGUR 11. JÚLÍ 2011
Hvað ertu að hlusta á um þessar mundir?
Corriente Vital eftir Ojos de Brujo. Ég fór á tónleikana með
þeim í Hörpunni og varð fyrir svolitlum vonbrigðum, því það
var einhvern veginn eins og þau nenntu þessu ekki alveg. Ég
hlusta yfirleitt á tónlist þegar ég er að labba í vinnuna, en ég
vinn svo nálægt heimili mínu að ég næ yfirleitt bara að hlusta
á eitt lag og svo er ég komin, þannig að ég get verið að hlusta
á sömu plötuna í margar vikur.
Hvaða plata er sú besta sem nokkurn tíma
hefur verið gerð að þínu mati?
Úff, ég er ekki næstum því nógu mikið tón-
listarnörd til að svara þessari spurningu. En
eina platan sem ég fæ aldrei leiða á er Buena
Vista Social Club.
Hver var fyrsta platan sem þú keyptir og
hvar keyptir þú hana?
Ég held alveg örugglega að það hafi verið
What́s love got to do with it, „soundtrackið“ úr
samnefndri mynd um stormasama ævi Tinu
Turner, sem ég keypti í Skífunni á Laugavegi.
Ég var með eitthvert blæti fyrir
þessari mynd þegar ég var lítil og
ég og systir mín og vinkonur okkar
leigðum hana aftur og aftur þegar
við fengum að fara á vídeóleiguna
um helgar.
Hvaða íslensku plötu þykir þér
vænst um?
Hátíð fer að höndum ein með
Þremur á palli, því við hlustum
alltaf á hana á jólunum. Svo þykir
mér líka rosalega vænt um Er ein-
hver að hlusta? með Nóru, því mér
finnst hún ekki bara ógeðslega góð,
heldur er Egill Viðarsson, einn af
bestu vinum mínum, líka í hljóm-
sveitinni og hann er svo ótrúlega hæfileikaríkur og klár.
Hvaða tónlistarmaður værir þú mest til í að vera?
Björk Guðmundsdóttir. Hún er alltaf að gera eitthvað nýtt
og spennandi og festist aldrei í sama farinu. Og hún virðist
líka vera jarðbundin og með kollinn í lagi, þrátt fyrir að vera
súperstjarna. Hún hikar heldur ekki við að berjast fyrir mál-
efnum sem skipta hana máli, sem mér finnst mjög aðdáun-
arvert.
Hvað syngur þú í sturtunni?
Klassísk lög sem ég lærði í Söngskóla
Reykjavíkur þegar ég var í söngnámi þegar ég
var unglingur. Ég kláraði 4. stig og lærði að-
allega þýsk lieder-lög, enda skildist mér á
kennaranum mínum að ég hefði orðið lýrískur
sópran ef ég hefði haldið áfram í söngnámi.
Hvað fær að hljóma villt og galið á föstu-
dagskvöldum?
Ég er orðin svo gömul í hettunni að það er
alltof langt síðan ég hélt partí eða blastaði ein-
hverju á föstudagskvöldi. En ef ég héldi partí á
föstudaginn held ég að ég myndi
spila Kanye West eða Die Antwo-
ord. Ég og vinur minn erum búin
að vera að tala um að halda Die
Antwoord-partí í marga mánuði.
En hvað yljar þér svo á sunnu-
dagsmorgnum?
Ég og kærastinn minn spilum
stundum Sunday Morning með
Velvet Underground á sunnudags-
morgnum. Svo höfum við svolítið
verið að hlusta á nýju plötuna með
Hjálmum þegar við erum heima að
taka því rólega um helgar. En ann-
ars hlustum við bara yfirleitt á Rás
2 yfir kaffinu.
Í mínum eyrum Hildur Knútsdóttir
Die Antwoord-partí á döfinni
Hildur Knútsdóttir Leiðist ekki Buena Vista Social Club.
Morgunblaðið/Kristinn
» Gestir veitingastaðarins Jómfrúarinnar sem ogaðrir nutu söngs og tónlistar Ragnheiðar Grön-
dal og félaga í veðurblíðunni í Jómfrúarportinu á
laugardaginn. Jómfrúin hefur staðið að sum-
artónleikaröð og var þetta liður í þeirri dagskrá.
Fólk fékk sér smurt brauð að dönskum stíl og
hlustaði á ljúfa tóna í leiðinni.
Tríó Ragnheiðar Gröndal á Jómfrúnni
Morgunblaðið/Golli
Björk, Kristín og Guðrún létu sig ekki vanta.
Þórdís 2ja ára fylgdist spennt með. Margrét og Elna skemmtu sér vel.
Tríó Ragnheiðar Gröndal spilaði í Jómfrúarportinu og gladdi gesti og gangandi.
Sumir notuðu tímann vel á skemmtuninni.