Morgunblaðið - 11.07.2011, Blaðsíða 6
6
MORGUNBLAÐIÐ MÁNUDAGUR 11. JÚLÍ 2011
IRVING
...svo allt gangi smurt
Verslun Tunguhálsi 10
Mán-fim. 8:00 - 17:30
Föstud. 8:00 - 17:00
www.kemi.is
Opið:
SMUROLÍUR
Lára Hilmarsdóttir
larah@mbl.is
Hlaupið í Múlakvísl, sem kom úr
þremur sigkötlum í Kötluöskju syðst
á Mýrdalsjökli á laugardagsnótt,
myndaði einnig nýjan sigketil í jökl-
inum. Auk þess myndaði hlaupið
mikilfenglegar sprungur í jökul-
inn.Ýmis efni og gastegundir mæld-
ust í sýnum sem jarðfræðingar við
jarðvísindastofnun Háskóla Íslands
tóku í gær. Mælingarnar benda til
þess að orsök hlaupsins hafi verið
jarðhitavatn en þó er enn ekki mögu-
legt að útiloka eldgos í Kötlu. Sjálf-
virkir óróamælar á svæðinu gáfu
einnig til kynna að þar væri gosórói í
gangi, þótt hann færi minnkandi.
„Það sem við getum verið alveg
viss um er að það er mikill hiti undir
Kötlu og að þar sé bræðsluvatn,
hvort sem það er jarðhitavatn eða út
af eldgosum,“ segir Sigurður Reynir
Gíslason, jarðefnafræðingur við HÍ.
Einnig sé ljóst að þar sé kvika á ferð,
einsog skjálftamælingar undanfar-
inn áratug hafi gefið til kynna. Hann
segir að það sé svo önnur spurning
hvort kvikan nái til yfirborðsins.
Þetta þýði að það sé enn mögulegt að
Katla gjósi og því séu ríkulegar
ástæður til þess að fylgjast náið með
því. Kötlugos gæti orðið mjög hættu-
legt vegna þykks íss yfir eldstöðinni
sem þyrfti að bræða til þess að gosið
gæti komist upp á yfirborðið.
Sigurður lýsir atburðarás hlaups-
ins sem tilþrifamikilli og segist hafa
búið sig undir mögulegt stórgos í
Kötlu.
Enginn vafi á miklum
hita og kviku undir Kötlu
Jarðhitavatn líkleg orsök Hefur búið sig undir stórgos
Ljósmynd/Landhelgisgæslan
Mýrdalsjökull Sprungur og sigket-
ill mynduðust við hlaupið.
Ferja sitt
fólk um
Fjallabak
Bílaleiga Ak-
ureyrar opnar í
morgunsárið af-
greiðslu bæði á
Kirkjubæjar-
klaustri og í há-
lendismiðstöðinni
í Hrauneyjum. Á
þeim stöðum
geta þeir sem
eru með fólksbíl
frá fyrirtækinu skilað honum, verða
síðan ferjaðir um Fjallabaksleið
nyrðri í rútu og fá annan bíl til af-
nota þegar komið er á leiðarenda.
Bílaleiga Akureyrar kynnti ferða-
skrifstofum þessa þjónustu strax í
gær. Á vegum fyrirtækisins verða
tvær ferðir á dag frá hvorum enda:
kl. 10.30 og 15.30, og hugsanlega
fleiri ef þörf krefur. Í dag verður
reyndar ein og lagt af stað kl. 14.00.
„Þetta er dýrt skref en við urðum
að taka það. Rætt hefur verið um
að ferja fólk yfir Múlakvísl og frá-
bært ef það tekst, en þar sem það
er ekki ljóst urðum við að drífa í
þessu. Það verður að tryggja að við-
skiptavinirnir verði fyrir sem
minnstum óþægindum og auðvitað
að gististaðirnir verði fyrir sem
minnstu tjóni. Það skiptir okkur öll
máli,“ sagði Bergþór Karlsson
framkvæmdastjóri Bílaleigu Ak-
ureyrar við Morgunblaðið en hann
ók í gær Fjallabaksleið og kynnti
sér aðstæður.
Bergþór
Karlsson
Bílaleiga Akureyrar
bregst skjótt við
BAKSVIÐ
Skapti Hallgrímsson
skapti@mbl.is
Leiðin um Fjallabak er ófær litlum
bílum, að sögn Siggeirs Pálssonar
hópstjóra hjá Landsbjörgu á svæð-
inu. Hamrað var á því í fréttum um
helgina, en Landsbjargarfólk hafði
samt í nógu að snúast við að aðstoða
fólk sem hafði fest litla, vanbúna bíla,
færri þó í gær en í fyrradag.
Fjallabaksleið syðri er ekki fær
óbreyttum bílum, en stórir jeppar
komast þar um. Nyrðri leiðin var í
gærkvöldi orðin erfið yfirferðar eftir
allmikla umferð um helgina. „Leiðin
versnaði töluvert í dag,“ sagði Siggeir
þá við Morgunblaðið.
Vegurinn er nokkuð stórgrýttur á
köflum en það eru þó aðallega lækjar-
sprænur sem reynast ökumönnum
erfiðar, að sögn Siggeirs. Hann varð
vitni að því í gær að nokkrir jeppling-
ar voru í samfloti með fólksbílum og
drógu þá yfir sprænurnar. Það hefði
tekist í flestum tilvikum en væri þó
ekki til eftirbreytni.
Umferðin jókst eftir því sem leið á
gærdaginn, mest fóru um 60 bílar um
svæðið á klukkustund síðdegis. Þá
mynduðust farvegir í umræddum
sprænum sem gerðu ökumönnum erf-
itt fyrir. „Menn verða að minnsta
kosti að vera á fjórhjóladrifnum jepp-
lingum,“ sagði Sigríður Alma Ómars-
dóttir sem var á Fjallabaki í gær á
vegum Landsbjargar. Þegar blaða-
maður ræddi við hana um miðjan dag
var verið að draga lítinn Suzuki úr
forarpytti og einnig höfðu þau Alma
aðstoðað farendur á Skóda- og BMW-
fólksbílum og tilraun var gerð til að
komast leiðina á minnstu tegund af
Huyndai-bílaleigubíl.
Gera má ráð fyrir þó nokkurri um-
ferð um Fjallabak í dag en Siggeir
vonast þó til að hún verði ekki mjög
mikil. „Ég held að vegurinn þoli ekki
mikið meira en rútuna.“
Fólksbifreiðar fastar í forarpyttum
Leiðin um Fjallabak ekki fær litlum bílum „Menn verða
að minnsta kosti að vera á fjórhjóladrifnum jepplingum“
Ljósmynd/Siggeir Pálsson
Nóg að gera Félagar í Landsbjörgu draga fólksbíl úr drullupytti á Fjalla-
baksleið nyrðri í gær. Þeir höfðu nóg að gera við það um helgina.
Hlaup í Múlakvísl
Föstudagur 8. júlí 2011
19:20 Jarðskjálftamælingar Veð-
urstofu Íslands mæla greinanlegan
óróa við Mýrdalsjökul.
22:20 Óróinn eykst svo um munar.
Laugardagur 9. júlí 2011
00:00 Hlaup hefst í Múlakvísl.
01:45 Einn metra vantar í að vatns-
hæðin nái upp í brúargólfið.
02:00 Rafleiðni og hitastig í Múla-
kvísl eykst mjög hratt. Sömuleiðs
hækkar vatnsborð hennar ört.
04:00 Vatnshæð eykst skyndilega
um fimm metra og í kjölfar er
ákvörðun tekin um að loka þjóðvegi
1 við brúna yfir Múlakvísl.
04:06 Alda skellur á þjóðveginum
og eyðileggur brúna yfir Múlakvísl.
07:00 Hlaupið í Múlakvísl nær há-
marki og hættustigi er lýst yfir
vegna hlaupsins á áttunda tím-
anum. Sjálfvirkir óróamælar gefa
til kynna að gosórói sé í Kötlu.
08:00 Íbúar í Álftaveri og Meðal-
landi eru beðnir að yfirgefa heimili
sín.
09:00 Fjöldahjálparstöð Rauða
krossins opnuð í Grunnskólanum í
Vík og Kirkjubæjarskóla.
09:00 Flogið er yfir Mýrdalsjökul
þar sem sigkatlar og sprungur eru
sjáanlegar syðst á jöklinum.
15:00 Hættustigi aflétt á Mýrdals-
sandi en Mýrdalsjökull enn skil-
greindur á hættustigi. Önnur svæði
á óvissustigi. Rýmingu íbúa Álfta-
vers og Meðallands einnig aflétt.
22:00 Verulega dregur úr óróa í
Mýrdalsjökli og jarðskjálftavirkni
minnkar. Þó er enn óljóst hvort gos
hafi orðið undir jöklinum.
Sunnudagur 10. júlí 2011
09:00 Framkvæmdir hafnar við
bráðarbirgðabrú yfir Múlakvísl.
Hámark hlaupsins
á áttunda tímanum