Morgunblaðið - 11.07.2011, Blaðsíða 13

FRÉTTIR 13Erlent
MORGUNBLAÐIÐ MÁNUDAGUR 11. JÚLÍ 2011
Kristján Jónsson
kjon@mbl.is
Samskiptin milli stjórnvalda í Wash-
ington og ráðamanna í Pakistan
versna stöðugt og í gær skýrði skrif-
stofustjóri Hvíta hússins, Bill Daley,
frá því að haldið hefði verið eftir um
800 milljónum dollara af hernaðar-
aðstoð við Pakistana. Daley sagði að
Pakistanar hefðu gripið til „nokk-
urra ráðstafana“ sem hefðu valdið
því að ákveðið hefði verið að bíða
með frekari aðstoð.
Um er að ræða þriðjunginn af allri
fjárhæðinni sem Bandaríkjamenn
verja árlega til að styrkja hervarnir
Pakistans, að sögn dagblaðsins The
New York Times. Daley viðurkenndi
að mikil gremja væri í Pakistan
vegna árásarinnar á hús Osama bin
Ladens í landinu í vor sem lauk með
því að bandarískir sérsveitarmenn
felldu hryðjuverkaleiðtogann.
Margt hefur eitrað samskiptin.
Mike Mullen, flotaforingi og forseti
bandaríska herráðsins, sagði í liðinni
viku að stjórnvöld í Pakistan virtust
hafa „gefið grænt ljós“ á morðið á
blaðamanninum Saleem Shahzad
sem fannst látinn í síki í lok maí.
Shahzad ritaði mikið um efni eins og
stuðning pakistönsku leyniþjónust-
unnar við uppreisnarmenn í Kasmír
og starfsemi al-Qaeda manna í Pak-
istan. Ráðherra upplýsingamála í
höfuðborginni Islamabad sagði orð
Mullens vera „afskaplega ábyrgðar-
laus og þau ber að harma“.
Pakistanar fá viðvörun
 Bandaríkjastjórn heldur eftir 800 milljóna dollara hernaðarstuðningi
 Skrifstofustjóri Obama forseta tekur samt fram að samskiptin séu mikilvæg
Bandamenn?
» Hús bin Ladens var rétt hjá
háskóla Pakistanhers og er tal-
ið víst að hann hafi notið að-
stoðar háttsettra manna við að
leynast í landinu.
» Bandaríkjamenn hafa einnig
gagnrýnt Pakistana fyrir að
gera ekki gangskör að því að
uppræta starfsemi afganskra
talíbana í Pakistan.
Syrgjandi Bosníukonur við líkkistur í borginni Potoc-
ari, skammt frá Srebrenica í Bosníu-Herzegóvínu, í
gær. Í dag verða líkamsleifar 614 fórnarlamba sem
borin hafa verið kennsl á jarðsettar í minningar-
grafreit Potocari, en um er að ræða karla og drengi
sem létu lífið í fjöldamorðinu 1995 í Srebrenica.
Reuters
Fórnarlömb fjöldamorða Bosníu-Serba jarðsett
Sorgarstund í Potocari
Ísraelar vísuðu í gær hópi Evrópu-
manna úr landi en fólkið kom til
landsins til að vekja athygli á mál-
stað Palestínumanna. Annar hópur
hefur boðað komu sína í dag
Alls var um að ræða 36 Evrópu-
menn frá ýmsum ríkjum sem var
vísað úr landi eftir að hafa verið í
haldi á Ben-Gurion-alþjóðaflugvell-
inum yfir helgina.
Í ísraelska dagblaðinu Haaretz
segir að hópurinn hafi komið til Ísr-
ael með flugfélaginu EasyJet frá
Sviss. Upphaflega hafði fólkið ætl-
að að ferðast með Lufthansa. En
þýska flugfélagið hafnaði því að
flytja farþegana þegar í ljós kom að
þeir voru flestir á svörtum lista hjá
ísraelskum stjórnvöldum.
kjon@mbl.is
Tugum Evrópu-
manna vísað úr
landi í Ísrael
Skemmti-
ferðabáturinn
Búlgaría með um
180 manns um
borð sökk
skyndilega á
ánni Volgu í
Rússlandi í gær
og fórst a.m.k.
einn en um 60
var enn saknað í
gærkvöld. Slysið
varð nokkra kílómetra frá landi í
sjálfstjórnarlýðveldinu Tatarstan.
kjon@mbl.is
Skemmtiferðabát-
ur sökk á Volgu
Beðið fregna.
Vísindamenn í Danmörku hafa að
sögn Dagens Nyheter gert tilraunir
sem sýna að karlrottur missa frjó-
semi og kynfærin minnka ef þær
komast á fósturstigi í snertingu við
mikið af efni sem er í ýmsum gerð-
um sólarvarnar.
Efnið heitir OMC (oktylmetox-
ycinnamat) og ver það húðina fyrir
skaðlegum, útfjólubláum geislum.
En það reyndist eyðileggja fram-
leiðslu í rottufóstrunum á horm-
óninu thyroxin. Mælt er með því að
ófrískar konur noti ekki sólarvörn
með efninu. kjon@mbl.is
Efni í sólarvörn
skaðar rottufóstur
Kristján Jónsson
kjon@mbl.is
Eitt af stærstu skipafélögum heims,
Mærsk Line í Danmörku, gerir ekki
ráð fyrir að siglingaleiðin yfir Norð-
ur-Íshafið muni breyta miklu þótt
hlýnandi veður bræði mikið af ísn-
um, að sögn Aftenposten. Eftir sem
áður verði um afar erfiða siglingaleið
að ræða mestallt árið vegna óstöðugs
veðurfars og myrkurs.
Mærsk flytur um tvær milljónir
gáma árlega og rekur um 500 skip,
mörg þeirra eru meðal stærstu
gámaskipa í heimi. Þótt leiðin með
varning milli t.d. Evrópu og Austur-
Asíu yfir íshafið sé mun styttri en sú
sem nú er mest notuð, þ.e. suður fyr-
ir Afríku, verður að meta aðra þætti,
segir Stephen Carmel, einn af yfir-
mönnum Mærsk.
„Þótt siglingaleið sé styttri merkir
það ekki að hún sé fljótlegri eða
ódýrari,“ segir hann. Brýnt sé að
geta lofað viðskiptavinum að varan
komist á leiðarenda á nákvæmlega
réttum tíma. Óvissan sé meiri en ella
þegar siglt sé á svæði þar sem mikið
sé um storma, myrkur og lélegt
skyggni mikinn hluta ársins. Og
fram yfir miðja öldina megi gera ráð
fyrir að leiðin verði íslaus í aðeins
nokkrar vikur, seint á sumrin og í
haustbyrjun. „Þótt ísinn bráðni
verður eftir sem áður um að ræða
nothæfan siglingatíma sem mælist í
vikum fram á miðja öldina og þá er
ekki grundvöllur fyrir þeim gríðar-
legu fjárfestingum í skipum og inn-
viðum sem til þarf,“ segir Carmel.
Ekki sé nóg að skoða landakortið.
Fjarri lagi sé að 10% af gámaflutn-
ingum milli Asíu og Evrópu muni
fara fram á íshafinu um 2050, en þá
tölu hafa norskar stofnanir nefnt.
Segir norðurleiðina litlu
skipta fyrir gámaskip
 Yfirmaður hjá
Mærsk segir hana
hafa mikla ókosti
Risi Emma Mærsk er nær 400 m
langt og tekur 11 þúsund gáma.
Repúblikunum í Bandaríkjunum
finnst mörgum alríkisstjórnin og
þingið í Washington skipta sér of
mikið af borgurunum. Vilja þeir að
hvert sambandsríki geti tekið eigin
ákvarðanir í sem flestum málum,
miðstýring sé oftast til ills eins.
Nú reyna þeir að fá þingið í
Texas til að fara fram hjá alrík-
islögum frá 2007 sem kveða á um
að hefðbundnar glóðarperur verði
smám saman bannaðar til að spara
orku, segir í L.A. Times. Rick
Perry ríkisstjóri, sem er repúblik-
ani, styður ályktun um að séu per-
urnar framleiddar og seldar ein-
göngu í Texas heyri viðskiptin ekki
undir ákvæði um viðskipti milli
sambandsríkja. Þau séu því und-
anþegin lögunum.
„Þetta snýst um meira en orku-
sparnað, þetta snýst um persónu-
legt frelsi,“ segir Joe L. Barton,
fulltrúadeildarþingmaður fyrir
Texas. kjon@mbl.is
Vilja fá að
halda í glóð-
arperurnar
 Texasbúar berjast
gegn alríkislögum
Norska tryggingafélagið Det
Norske Veritas sendi fyrir tveim
árum frá sér skýrslu um íshafssigl-
ingarnar. Ef skip verði hönnuð eða
þeim breytt með tilliti til erfiðra
aðstæðna á íshafinu muni þau t.d.
henta mun verr á hefðbundnum
leiðum. Þar muni þau verða að
sigla þegar ekki sé fært um íshaf-
ið. Um 160 félög eiga aðild að sam-
tökum norskra útgerða. Þau segja
lítinn áhuga vera á norðurleiðinni
hjá félögunum, hún verði ekki arð-
bær um langa framtíð.
Dýrt að breyta skipunum
NORSK SKIPAFÉLÖG ÁHUGALÍTIL UM ÍSHAFSSIGLINGAR
„Ill áhrif Murdochs verða að fara í
gröfina með News of the World,“ var
yfirskrift leiðara breska blaðsins
Observer í gær þar sem fjallað var
um Rupert Murdoch, aðaleiganda
fjömiðlarisans News Corp., sem gaf
út News of the World. Blaðið kom út
í síðasta sinn í gær. Upplýsingar um
ólöglegar hleranir blaðsins og mútu-
greiðslur til lögreglunnar hafa skek-
ið Bretland síðustu daga.
Murdoch, sem er áttræður og nú
bandarískur borgari, kom til Bret-
lands í gær til að stýra viðbrögðum
fyrirtækisins vegna málsins. Obser-
ver sagði hann hafa allt of mikil áhrif
í landinu. Koma yrði í veg fyrir að
hann fengi að kaupa afganginn af
hlutafénu í „mjólkurkúnni“ miklu,
BSkyB-sjónvarpsfyrirtækinu, þar
sem hann á þegar 34%.
Margir fullyrða að Murdoch hafi
slegið News of the World af til að
reyna að friða almenning og tryggja
að kaupin verði að veruleika. Gagn-
rýnt var að kaupin á BSkyB yrðu
samþykkt þótt í gangi væri saka-
málarannsókn vegna hneykslisins.
Ed Miliband, leiðtogi Verkamanna-
flokksins, hyggst leggja fram tillögu
á þingi um að kaupin verði lögð fyrir
samkeppnisyfirvöld. kjon@mbl.is
Reuters
Stjórnar Rupert Murdoch á leið til aðalstöðva fyrirtækis síns í Bretlandi,
News International, í gær. Hann heldur á lokaeintaki News of theWorld.
Slegið af til að friða
breskan almenning?
Skannaðu kóðann
til að lesa meira
um Pakistan.