Birtingur - 01.01.1965, Blaðsíða 68

in vanþörf á nýju tímariti sem væri óbundið
félögum, stjórnmálaflokkum, íþróttasam-
böndum og fjármálaveldinu. En það var aldrei
ætlun okkar að stofna sértrúarflokk. Það er
alveg Ijómandi að sjá sértrúarflokkana út und-
an sér, að njóta tilþrifa þeirra á torgum og
heyra þeirra söng gera loftið í bænum sætt.
Við höfum aldrei krafizt þess að neinn okkar
bæri ábyrgð á skoðunum hinna sem fram
kynnu að koma í ritinu. Þannig hefur sam-
starf okkar blessazt. Þetta hefur þráfaldlega
komið greinilega fram í ritinu. Ongu að síð-
ur verður maður stundum fyrir því að vera
gerður ábyrgur fyrir skoðunum annarra
manna í ritinu sem hafa komið fram undir
nafni höfundar, jafnvel þótt maður hafi sjálf-
ur látið í ljós andstæða skoðun. Birtingsmenn
segja þetta, Birtingsmenn segja hitt.
Þegar Einar Bragi skrifar um Járnhausinn er
það að sjálfsögðu hans eigin skoðun enda
pistillinn kyrfilega merktur honum þótt þar
væri sitthvað sem ritstjórnin þurfti að koma
á framfæri við lesendur. Eg get sjálfur enga
skoðun haft á því verki þar sem ég hef ekki
séð það. Ég get ekkert sagt fyrir hina enda
höfum við aldrei haldið uppi talkór né stefnt
að því. Við höfum alltaf vísað þeim sem lang-
ar í talkór á önnur rit sem ég nenni ekki
telja upp hér.
Mig langar að þakka Birni Th. Björnssyni, nú
þegar hann hverfur úr ritstjórninni. Björn er
að vinna að stórvirki sem verður áreiðanlega
þakkað þegar tímar líða fram. Við höfum
aldrei átt myndlistarsögu, ég segi fyrir mig
að ég hef oft saknað þess. Verk Björns er
brautryðjandaverk og má nærri geta hvort
ekki muni liggja að baki mikil vinna og fyrir-
höfn þó ekki sé nema að safna þeim fróðleik
og margháttuðu upplýsingum sem þarna eru
á boðstólum. Mat Björns er allsstaðar jákvætt
á verkum listamannanna, hann gerir sér far
um að skilja viðleitni þeirra hvort sem þeir
eru stórir eða smáir. Það er ekki auðvelt fyrir
mann að vera sanngjarn í dómum meðan leik-
urinn stendur hæst. Birni er sérstaklega lagið
að miðla sínum fróðleik á aðgengilegan hátt
fyrir þorra manna og tala til þeirra sem hafa
löngun til að mennta sig sjálfir. Þetta tel ég
mikinn kost. Og nú bíðum við eftir seinna
bindinu af íslenzkri Myndlistarsögu.
66
BIRTINGUR