Birtingur - 01.01.1965, Blaðsíða 101
TIL KAUPENDA
I'egar 10. árgangur Birtings (1964) kom út í einni bók um miðjan júlí
síðastliðinn, var ])ess getið að reynt yrði að ljúka 11. árgangi einnig á þessu
ári, svo að allt yrði komiS í rétt horf um áramót. Sýnt er nú, að þessi
áætlun stenzt fyllilega. Þegar kaupendur fá þetta hefti í hendur, er búið
að setja það, sem enn er ókomið af 11. árgangi (1965). Meðal efnis eru
tvær greinar eftir Thor Vilhjálmsson, önnur um franska látbragðsleikar-
ann fræga, Marcel Marceau, hin um spænska ljóðskáldið, Rafael Alberti.
Björn Th. Björnsson ritar um Gunnlaug Scheving, og fylgja rnyndir af
listaverkum Gunnlaugs, þeim sem prýða munu Kennaraskóla íslands.
Grein er eltir Paul Klee um nútíma myndlist og fjöldi mynda af verkum
listamannsins. Hið merkilega seiðleikhús í Opole verður kynnt í orði og
myndum. Birtur er fyrsti þáttur leikritsins The Playboy of the Western
World eftir írska snillinginn John M. Synge og grein um hann eftir sænska
bókmenntafræðinginn, prófessor Martin Lamm. í heftinu verða ljóð eftir
6 fæiæysk nútímaskáld og milli 10 og 20 ljóð eftir önnur erlend skáld.
A þeim fáu mánuðum, sem liðnir eru frá útkomu 10. árs, hefur blessun
viðreisnarinnar birzt í 15% hækkun prentunarkostnaðar hið minnsta.
Hefði áskriftargjald Birtings þurft að stíga sem því svarar. Við munum þó
hafa það óbreytt frá fyrra ári í von um, að árgæzka vegi að einhverju leyti
á móti ódöngun efnahagslífsins.
Einar Bragi
BIRTINGUR
99