Bændablaðið - 17.04.2007, Blaðsíða 1
Landssamband kúabænda hélt
aðalfund sinn á Akureyri um
nýliðna helgi. Þar var greint
frá niðurstöðum viðhorfskann-
ana sem Capacent Gallup hefur
gert á afstöðu almennings til inn-
flutnings á nýju kúakyni. Megin-
niðurstaðan er sú að meirihluti
er andvígur innflutningi en þó er
eins og heldur sé að draga úr and-
stöðunni.
Kannanirnar voru gerðar tvíveg-
is, sú fyrri í desember 2006 en sú
síðari í mars-apríl sl. Í báðum könn-
unum var spurt: Ertu hlynnt(ur) eða
andvíg(ur) því að nýtt kúakyn verði
flutt til landsins?
Í desember var niðurstaðan sú
að 63% aðspurðra kváðust frekar
eða mjög andvíg innflutningi, 23%
tóku ekki afstöðu en 14% frekar
eða mjög hlynnt innflutningi nýs
kúakyns. Í seinni könnuninni hafði
dregið úr andstöðunni því þá kváð-
ust 53,6% vera andvígir innflutn-
ingi, 21% hafði ekki skoðun en
25,4% voru hlynntir innflutningi.
Þegar spurt var um ástæður
þess að menn lýstu sig andvíga
innflutningi nefndu flestir, 12,1%,
þá ástæðu að þeim fyndist íslensk
mjólk betri en útlend, 10,9% sögð-
ust vera á móti blöndun við aðra
kúastofna og 9,6% höfðu áhyggjur
af smithættu frá útlendum kúakynj-
um. Athyglisvert hlýtur að teljast
að 96,3% þeirra sem eru andvígir
innflutningi sögðu það engin áhrif
myndu hafa á afstöðu sína þótt nýtt
kúakyn leiddi til verðlækkunar á
mjólk.
Í síðari könnuninni var einnig
spurt um viðhorf manna til íslenskra
osta og ættu framleiðendur hans
að geta unað glaðir við niðurstöð-
urnar. 63,4% sögðust myndu velja
íslenskan ost þótt þeir ættu völ á
erlendum osti af sömu gæðum.
Einungis 19,8% sögðust myndu
láta verðið á ostunum ráða vali
sínu. Mestrar tryggðar nýtur brauð-
osturinn en gráðostar og mygluost-
ar eru skammt undan.
Kannanirnar voru gerðar á net-
inu og var úrtakið í desember 3.500
manns en 1.200 í síðari könnuninni.
Svörun var góð, eða yfir 70% í
báðum könnunum. Samtals svör-
uðu í báðum könnunum á fjórða
þúsund manns. Niðurstöðurnar eru
því vel marktækar.
Landssamband kúabænda skip-
aði rýnihópa til að skoða þessar
niðurstöður og verður gerð grein
fyrir áliti þeirra í næsta tölublaði
Bændablaðsins. –ÞH
22
Er ennþá þörf
á að hleypa
kúnum út á tún?
34
WorldFengur
nauðsynlegt
vinnutæki
7. tölublað 2007 Þriðjudagur 17. apríl Blað nr. 258 Upplag 16.300
12
Kristín Linda,
bóndi og ritstjóri
í Þingeyjarsveit
Frísklegur svartur svanur
Að undanförnu hefur svartur svanur gert sig heimakominn í Mývatnssveit
og skoðað sig um á bæjum. Það er skemmtilegt að sjá að flugfjaðrirnar eru
hvítar þegar hann breiðir úr vængjunum en þegar hann situr virðist hann
alsvartur. Hann er frísklegur en norrænir frændur hans láta sem þeim sé
heldur lítið um nýbúann gefið. Svanurinn hefur lítil sem engin samskipti
við aðra fugla. Gæsir halda sig nú á túnum bænda og reyta þar í sig sinu,
þá er mikið af húsönd í sveitinni núna og töluvert af stóru og litlu gráönd,
en hver tegund heldur sig á sínu svæði. Ísinn á Mývatni er óðum að gefa
sig, Ytri-Flói er orðinn íslaus að mestu og ís á Syðri-Flóa að heiðna upp
sem óðast. Myndir: BFH
Sauðburður hafinn
Ánægjusvipurinn og stoltið leynir sér ekki á andlitum systkinanna á Klængsseli í Flóahreppi þegar þau fengu
í hendur fyrstu lömb ársins. Hjörðin á Klængsseli er ekki stór en þar hófst sauðburður snemma, eða 23. mars.
Systkinin heita Aldís og Jökull Baldursbörn, hún er á tólfta ári og hann að verða fimmtán. Mynd: MHH
Bændur og frambjóðendur til Alþingis leiða
saman hesta sína á opnum fundum um landbún-
aðarmál á komandi vikum. Fyrsti fundurinn er
þriðjudaginn 17. apríl í Félagsgarði í Kjós.
Dagskráin verður þannig að heimamaður fer yfir
umfang landbúnaðar í kjördæminu en því næst mun
Haraldur Benediktsson formaður BÍ halda erindi um
stöðu og framtíðarsýn bænda. Því næst mun einn
fulltrúi frá hverjum framboðslista ávarpa fundinn og
í kjölfarið verða pallborðsumræður þar sem fram-
sögumenn sitja fyrir svörum. Það eru allir velkomnir
á fundina, bændur, áhugafólk um landbúnað og að
sjálfsögðu frambjóðendur.
Bændasamtökin hafa tekið saman upplýsinga-
bækling um íslenskan landbúnað og verður honum
dreift á fundunum. Þingmannsefni hafa þegar fengið
ritið sent til sín en í því er m.a. að finna helstu stað-
reyndir um búvöruframleiðslu í landinu, verðlags-
umræðu, niðurstöður skoðanakönnunar um íslenskan
landbúnað auk umfjöllunar um mál sem brenna á
bændum og framtíðarsýn.
Dagsetningar og staðir
Suðvesturkjördæmi og höfuðborgarsvæðið
– þri. 17. apríl – Félagsgarður í Kjós kl. 20:30.
Suðurkjördæmi – mán. 23. apríl – Árhús á Hellu
kl. 20:30.
Norðausturkjördæmi – mið. 25. apríl
– Menntaskólinn á Egilsstöðum kl. 20:30.
Norðvesturkjördæmi – mán. 30. apríl
– Staðarflöt í Hrútafirði kl. 20:30.
Sjá nánar á bls. 7.
Opnir fundir með frambjóðendum um landbúnað
Landssamband kúabænda kannar viðhorf almennings til innflutning erlendra kúakynja
Enn er meirihluti gegn innflutningi
Fjórði hver kjúkling-
ur í ESB salmón-
ellasmitaður
Í Evrópusambandinu er að
meðaltali fjórði hver kjúk-
lingur salmónellasmitaður.
Það sýnir ný könnun Eftirlits-
stofnunar ESB með matvæla-
öryggi, EFSA.
Stofnunin lét fara fram mikla
rannsókn á útbreiðslu veikinnar
í löndum Sambandsins á árun-
um 2005-2006 á búum með
minnst 5000 eldiskjúklinga.
Niðurstaðan sýndi að mik-
ill munur var á milli landa á
útbreiðslunni eða allt frá 0 til
68%.
Mest var útbreiðslan í Ung-
verjalandi eða 68,2%, í Póllandi
58,2% og í Portúgal 43,5%.
Í Danmörku var útbreiðslan
1,6%, í Finnlandi 0,1% en í Sví-
þjóð fannst ekki salmónella í
kjúklingum.
bbl.is
– Nýr fréttavefur
Opnaður hefur verið nýr
fréttavefur á vegum Bænda-
samtaka Íslands á slóðinni
www.bbl.is Yfirskrift hans
er: Málgagn bænda og lands-
byggðar. Hér er á ferðinni
fréttavefur Bændablaðsins
sem verður uppfærður oft á
dag, eða eins og þurfa þykir.
Á bbl.is verður lifandi frétta-
flutningur af öllu sem snertir
bændur, landbúnað og málefni
landsbyggðarinnar. Bbl.is er
nýr íslenskur fréttavefmiðill
sem verður daglega með púls-
inn á öllu því helsta sem er að
gerast í íslenskum og erlendum
landbúnaði ásamt því að gera
hvers konar landsbyggðarmál-
efnum góð skil.
Á nýja vefnum má finna
ýmislegt fleira en fréttatengt
efni, fróðleik um íslenskan
landbúnað, hagtölur og mynda-
banka sem hefur að geyma
skemmtileg og ólík sjónarhorn
úr lífi og starfi íslenskra bænda.
Smáauglýsingar Bændablaðsins
verða aðgengilegar á bbl.is og í
verslun vefsins má finna bóka-
titla, forrit fyrir bændur og hin
vinsælu veggspjöld með íslensk-
um kúa-, sauðfjár- og hrossalit-
um svo fátt eitt sé nefnt.