Bændablaðið - 17.04.2007, Blaðsíða 7

Landssamtök sauðfjárbænda
héldu aðalfund sinn í Bændahöll-
inni í lok nýliðinnar viku. Þar
urðu líflegar umræður um ýmis
hagsmunamál stéttarinnar og bar
það að sjálfsögðu hæst nýgerðan
sauðfjársamning.
Töluverður tími fundarins fór
í umræður um útfærslu á ýmsum
nýjungum sem fylgja samningnum,
svo sem endurskoðun gæðastýr-
ingar, ákvæði um nýliðun og afnám
útflutningsskyldu.
Þegar kom að stjórnarkjöri lét
Jóhanna Pálmadóttir á Akri af
embætti en í hennar stað var kjör-
inn Þórarinn Pétursson í Laufási.
Aðrir stjórnarmenn eru Jóhannes
Sigfússon, Gunnarsstöðum, formað-
ur, Sikgurgeir Sindri Sigurgeirsson
í Bakkakoti, Baldur Grétarsson í
Kirkjubæ og Fanney Ólöf Lárus-
dóttir á Kirkjubæjarklaustri.
Að loknum fundi á föstudags-
kvöld var efnt til árshátíðar sem
tókst afar vel og var fjölmenn,
hátt í 300 manns tóku þátt í henni.
Bændablaðið mætti að sjálfsögðu á
staðinn og tók myndir sem birtast
hér á síðunni. Þar má sjá forystu-
menn, óbreytta bændur og framá-
menn úr samfélaginu ræða málin
og skemmta sér, sumir tóku meira
að segja geislabauginn með sér.
Úr ýmsum áttum
Stefán Eggertsson sendi mér
þennan skemmtilega pistil:
Snemma á sl. öld var á Skál-
um á Langanesi fiskimannaþorp,
með árstíðabundinni umsetningu.
Þar var verslun rekin af Jóni
Guðmundssyni útgerðarmanni.
Hólmsteinn Helgason frá Ásseli
gerði út frá Gunnólfsvík, við
þriðja mann. Hásetarnir voru
Jónas bróðir hans og Sigurður
Árnason, Raufarhöfn. Þetta út-
hald var eitthvað búið að koma
við á Skálum og versla í búð
Jóns bónda. Þegar þeir voru al-
farnir þaðan, stóð eftirfarandi á
skemmuþili málað skírum stöf-
um.
Rínarbáli safnar sér
syndum rjálar nærri.
Jón á Skálum öllum er
okursálum stærri.
Hólmsteinn sagði frá þess-
um kveðskap, gamall maður í
útvarpsviðtali og sagði háseta
sína hafa staðið saman að vísna-
gerðinni sem vel getur stað-
ist. Báðir sönnuðu þessir menn
síðar hagmælsku sína. T.d. hafði
Sigurður á Raufarhöfn fyrir sið
að yrkja eina vísu á dag, sam-
anber
Strákarnir allir stunda sitt fag
og starfsöm er sérhver píka.
Þetta er vísa dagsins í dag
og dagsins á morgun líka.
Stefán sendi líka vísur eftir séra
Helga Sveinsson í Hveragerði.
Ég heyrði sögu af því er séra
Helgi tók Kristján Einarsson
frá Djúpalæk með sér í bíltúr
niður Ölfusið og stoppaði hjá
aðventistunum í Hlíðardalsskóla.
Hitti þar fyrir skólastjórafrúna
í útidyrum og heilsaði allvel en
Kristján beið í bílnum og gerði
vísu:
Lengi kyssti kennd við fjör
kempan listum búna.
Allt frá rist og upp á vör
aðventistafrúna.
Þessi vísa var endurgjald fyrir
áður gerðar vísur frá prestinum,
Með svo kláran þroska og þrár
þekki ég sára fáa.
um hans brár og hökuhár
hjúpast áran bláa.
Jóhannes úr Kötlum kom þar að
sem séra Helgi var að mála þakið
rautt og orti.
Hvítþvo víst mun hjarta mitt
hirðirinn okkar góði.
Fyrst hann þannig þakið sitt
þvær úr lambsins blóði.
Séra Helgi svaraði
Þig að fegra þýðir lítt
þú ert ljóti kallinn.
Nú er ekkert orðið hvítt
á þér nema skallinn.
Og að endingu þessi aldýra sem
sögð er eftir Jóhannes úr Kötlum
Maður flums er mjög svo drums
matinn brums að slumsa.
Lekur gums um höku hrums
hann er sumsé klumsa
Tilefni þessarar vísu var að
skáldið kom inn í matstofu nátt-
úrulækninganna og sá þar mann
sem hann þekkti af flumbrugangi
vera að eta káljafning.
Umsjón:
Sigurdór Sigurdórsson
ss@bondi.is
Í umræðunni
Bændablaðið | Þriðjudagur 17. apríl 20077
MÆLT AF
MUNNI FRAM
Aðalfundur Landssamtaka sauðfjárbænda
Útfærsla sauðfjársamnings í brennidepli