Fréttablaðið - 20.01.2012, Blaðsíða 46
20. janúar 2012 FÖSTUDAGUR34
folk@frettabladid.is
Bíó ★★★★★
Contraband
Leikstjórn: Baltasar Kormákur
Leikarar: Mark Wahlberg, Kate
Beckinsale, Giovanni Ribisi, Ben
Foster, Lukas Haas, Caleb Landry
Jones, J.K. Simmons, Ólafur Darri
Ólafsson
Það er ótrúlegt að hugsa til þess
að Contraband, Mark Wahlberg-
myndin sem þénaði rúmlega 24
milljónir dala í bandarískum bíó-
húsum um síðustu helgi, sé upp-
runnin úr hatti Skara Skrípó. Sú
staðhæfing er að vísu ákaflega
mikil einföldun, en ef ske kynni
að það hafi farið fram hjá ein-
hverjum þá er myndin endur-
gerð hinnar alíslensku og eitur-
hressu Reykjavík-Rotterdam frá
árinu 2008 sem Óskar leikstýrði.
Aðalleikari íslensku myndarinn-
ar, Baltasar Kormákur, hefur
nú aðlagað söguna amerískum
aðstæðum, en þó eru myndirnar
tvær glettilega líkar.
Wahlberg leikur Chris Farra-
day, fyrrverandi smyglara, sem
hefur snúið sér að löglegri iðju.
Mágur hans flækist í fíkniefna-
mál sem endar með ósköpum, og
eftir stendur há peningaskuld
við ósanngjörn illmenni. Eins
og illmennum er von og vísa
herja þau á stórfjölskylduna, og
sér fyrrnefndur Farraday ekki
vænni kost í stöðunni en að fara
í enn einn smygltúrinn og ræður
því sig og bannsettan máginn á
gámaskip á leið til Panama, en
því fylgir að sjálfsögðu hasar.
Ólíkt mörgum nýlegum hasar-
myndum skýlir Contraband sig
ekki á bak við viðstöðulausan
hávaða og yfirgengilegt sjón-
rænt áreiti. Það er raunveru-
leg spenna til staðar og myndin
andar nokkuð eðlilega. Wahlberg
hefur aldrei verið besti leikar-
inn í bransanum en hann hefur
óumdeilanlegan sjarma og ræður
vel við hlutverkið sitt hér. Rib-
isi skemmtir sér konunglega í
hlutverki ógeðslegs dópsala og
óbermis, J.K. Simmons er spaugi-
legur í hlutverki skipstjórans,
og síðan fáum við Íslendingarn-
ir óvæntan glaðning um borð,
en þar er að finna stórglæsileg-
an Ólaf Darra. Hann segir ekki
mikið en nærvera hans er sterk.
Leikstjórinn Baltasar skilar
hér góðu verki þó að erfitt sé að
finna höfundareinkenni, enda
sjaldan sem leikstjórar hasar-
mynda leyfa sér slíkt. Taktur-
inn er temmilegur framan af og
stígandinn góður. Mynda takan
er óstöðug en þó ekki um of og
klippingin snyrtileg. Ég held
ég sé ekki of litaður af íslensku
monti þegar ég fullyrði að end-
urgerðin hafi heppnast ljómandi
vel. Það er gaman að sjá íslensk-
an listamann reyna við formúlu-
myndagerð og hitta beint í mark.
Contraband er síðasti naglinn í
líkkistu hinnar langlífu mýtu um
að Íslendingar kunni bara að búa
til kvikmyndir um sjálfsmorð og
nauðganir uppi í sveit.
Haukur Viðar Alfreðsson
Niðurstaða: Coco hafði rétt fyrir sér.
Contraband er þrælfín.
ÍSLENSK AMERÍSKA
GÓÐUR Mark Wahlberg er ekki sá besti, en ræður vel við hlutverk sitt í Contraband
að mati gagnrýnanda.
Daniel Radcliffe, sem er þekkt-
ur fyrir hlutverk Harry Potter
í samnefndum myndum, leik-
ur ekkjumann og föður í nýrri
draugamynd. Hún nefnist The
Woman in Black og er byggð á
samnefndri draugasögu Susan
Hill.
Hann gerir sér grein fyrir því
að hlutverkið er töluvert öðruvísi
en fólk á að venjast af honum úr
Harry Potter-myndunum. „Ég
lít allt öðruvísi út í The Woman
in Black en fólk á að venjast. Ég
held að fólk eigi ekki eftir að
hugsa: „Af hverju er hann ekki í
skólabúningi?“ þegar það horfir
á myndina,“ sagði Radcliffe í við-
tali við Metro. „Ég hlakka til að
vita hvað fólki finnst um mynd-
ina. Hún er mjög spennandi, mjög
falleg og bara ekta bresk hryll-
ingsmynd. Ég held að fólk eigi
eftir að hafa gaman af henni.“
Myndin er væntanleg á hvíta
tjaldið í febrúar og er sú fyrsta
sem Radcliffe leikur í síðan hann
var í síðustu Harry Potter-mynd-
inni sem kom út í fyrra.
Hinn 22 ára leikari er með
fleiri járn í eldinum því hann
fékk nýlega hlutverk sem ljóð-
skáldið Allen Ginsberg í spennu-
myndinni Kill Your Darlings.
Allt öðruvísi en í Potter
LEIKUR EKKJUMANN Daniel Radcliffe ásamt meðleikurum sínum úr Harry Potter.
Plata bresku söngkonunnar
Adele, 21, hefur verið í sext-
án vikur á toppi bandaríska
Billboard-listans. Þar með
hefur hún jafnað met sem
aðeins fjórar aðrar plötur
áttu fyrir. Tvær þeirra eru
með tónlist úr kvikmyndun-
um Bodyguard og Titanic en
hinar eru með sveitasöngvur-
unum Garth Brooks og Billy
Ray Cyrus.
Í Bretlandi hefur 21 verið
í nítján vikur á toppnum sem
er meira en nokkur plata
hefur náð síðan 1971, eða í
41 ár.
Adele þarf samt að hafa
sig alla við ætli hún að bæta
metið í Bretlandi. Það eiga þeir Simon og Garfunkel með plötuna
Bridge Over Troubled Water sem sat í 33 vikur í toppsætinu.
Platan 21 var vinsælasta plata síðasta árs víða um heim og
seldist meðal annars mjög vel hér á landi. Í Bretlandi og Banda-
ríkjunum hefur hún samanlagt selst í níu milljónum eintaka.
Adele jafnar metið
VINSÆL Nýjasta plata Adele hefur selst
eins og heitar lummur.
4 MÁNUÐIR eru síðan leikararnir Eva Mendes og Ryan Gosling rugluðu saman reytum en vinir Goslings segja hann vera kominn með Mendes á
heilann og að sambandið sé óheilbrigt vegna þessa.
krakkar@frettabladid.is
Ísabellu Rós Þorsteins-
dóttur finnst gaman að
leika í Fanny og
Alexander.
Krakkasíðan er í
helgarblaði Fréttablaðsins