Fréttablaðið - 20.01.2012, Blaðsíða 10
20. janúar 2012 FÖSTUDAGUR10
ORKUSJÓÐUR
Í 2. grein reglugerðar um Orkusjóð nr. 514/2003 eru tilgreindar
eftirtaldar heimildir til styrkveitinga úr Orkusjóði:
Umsóknum skal skila til Orkusjóðs, Borgum við Norðurslóð,
600 Akureyri. Umsóknareyðublöð fást á skrifstofu sjóðsins og á www.os.is.
Frekari upplýsingar eru veittar í símum 569 6083 og 894 4280.
Einnig má senda fyrirspurnir á netfangið jbj@os.is.
Auglýsir rannsóknarstyrki 2012
^ að veita styrki eða áhættulán til hönnunar eða smíði frumgerðar tækja
og búnaðar til rannsóknar og nýtingar orkulinda
^ að veita styrki til sérstakra verkefna á sviði hagkvæmrar orkunotkunar,
þ.m.t. til fræðslu og upplýsingastarfsemi
^ að veita styrki til verkefna sem stuðla að nýtingu á innlendri orku í stað
jarðefnaeldsneytis og styrkja alþjóðasamvinnu um slík verkefni
Við úthlutun styrkja 2012 verður sérstök áhersla lögð á:
^ hagkvæma orkunýtingu og orkusparnað
^ innlenda orkugjafa
^ vistvænt eldsneyti og sparnað jarðefnaeldsneytis
^ öflun þekkingar á þessum sviðum og miðlun hennar
^ rannsóknir, þróun og samstarf sem að þessu miðar
^ atvinnusköpun
Umsóknarfrestur er til 1. mars 2012
ORKURÁÐ
STJÓRNMÁL Mögulega er orðið of seint að
efna til þjóðaratkvæðagreiðslu um drög að
nýrri stjórnarskrá samhliða forsetakosn-
ingum í júní, að mati Jóhönnu Sigurðar-
dóttur forsætisráðherra. Þetta sagði hún á
Alþingi í gær.
Bjarni Benediktsson, formaður Sjálf-
stæðisflokksins, innti Jóhönnu eftir því
hvenær hún sæi fyrir sér að slík þjóðarat-
kvæðagreiðsla færi fram, hvernig að henni
ætti að standa og um hvað skyldi greiða
atkvæði. Hann kvaðst telja algjörlega
óraunhæft að frumvarp að nýrri stjórnar-
skrá yrði samið upp úr tillögum stjórnlaga-
ráðs á næstu vikum, þannig að unnt yrði að
leggja það fyrir þjóðina.
Jóhanna svaraði því til að stjórnskipun-
ar- og eftirlitsnefnd þingsins væri nú með
tillögur stjórnlagaráðs til meðferðar og
væri að fara yfir umsagnir. Hún vonaðist
til að sú vinna gengi hratt og vel og málinu
yrði lokið í sátt á næstu vikum. Breyttar
tillögur yrðu sendar stjórnlagaráði til loka-
umsagnar.
„Og síðan – ef ég mætti ráða ferðinni –
yrði útbúin þingsályktunartillaga um að
málið færi í þjóðaratkvæðagreiðslu,“ sagði
Jóhanna. Hún sæi jafnvel fyrir sér að fólk
gæti greitt atkvæði um tillögurnar kafla-
skipt og að því loknu kæmu þær í frum-
varpsformi inn í þingið. Vonandi tækist að
afgreiða það fyrir lok kjörtímabils. - sh
Forsætisráðherra segist opinn fyrir kaflaskiptri þjóðaratkvæðagreiðslu um tillögur að nýrri stjórnarskrá:
Tæpt að kjósa í einu um forseta og stjórnarskrá
EF ÉG MÆTTI RÁÐA Jóhanna Sigurðardóttir segir að ef hún
mætti ráða ferlinu yrði ný stjórnarskrá tilbúin fyrir lok kjör-
tímabils. FRÉTTABLAÐIÐ/ANTON
ÍTALÍA Francesco Schettino, skip-
stjóri skemmtiferðaskipsins Costa
Concordia, hefur verið harðlega
gagnrýndur fyrir framferði sitt á
strandstað fyrir viku.
Hann er enn í stofufangelsi á
heimili sínu, en segist hafa bjarg-
að þúsundum manna.
Nokkur hundruð manns voru enn
um borð í skipinu þegar hann fór
frá borði. Hann sinnti engu ítrek-
uðum og hvössum skipunum björg-
unarmanns um að koma sér aftur
um borð til að taka þátt í björgun-
arstörfum. Þess í stað sagðist hann
ætla að stjórna björgunaraðgerðum
frá landi.
„Þetta var fyrirlitlegur heiguls-
háttur,“ segir Craig Allen, kennari
við skóla strandgæslunnar í Lond-
on, sem fordæmir framferði skip-
stjórans. „Björgunarfólk í landi
getur sinnt öllu samhæfingarstarfi
sem á þarf að halda,“ segir Allen í
viðtali við AP fréttastofuna. „Það
þarf einhvern um borð til að tala
við, til að gefa fyrirmæli til fólks
sem er um borð og aðstoða farþeg-
ana við að fara frá borði og leið-
beina björgunarfólkinu.“
Schettino, sem er rúmlega
fimmtugur og hefur starfað fyrir
skemmtiferðaútgerðina Costa í
rúman áratug, segist hafa verið að
aðstoða fólk við að komast um borð
í björgunarbát þegar hann datt
ofan í bátinn og komst ekki aftur
um borð í skipið.
„Ég yfirgaf ekki skipið með
hundrað manns um borð. Skipið
hallaðist skyndilega og við köst-
uðumst út í sjóinn,“ heyrist á upp-
tökum, sem ítalskir fjölmiðlar hafa
birt.
Fleiri yfirmenn voru um borð í
sama björgunarbátnum og nokkr-
ir farþegar hafa fullyrt að áhöfn-
in hafi meinað öðrum að fara um
borð í þennan bát en yfirmönnum
skipsins.
Grunur vaknaði um að hann hafi
verið undir áhrifum áfengis eða
fíkniefna þegar skipið strandaði.
Hann féllst þó fúslega á að gangast
undir blóðprufu til að afsanna það.
Hann hefur áður siglt þessu skipi
mjög nálægt eyjunni Giglio og
segir að leiðin hafi verið fyrirfram
ákveðin. Í ágúst síðastliðnum sigldi
hann skipinu enn nær en í þessari
síðustu ferð.
Yfirvöld á Ítalíu nafngreindu í
gær átta þeirra sem fórust, en þrjú
lík í viðbót höfðu ekki verið nafn-
greind. Alls er 21 manns enn sakn-
að. gudsteinn@frettabladid.is
Skipstjóri segist hafa bjargað
þúsundum eftir strandið
Framferði skipstjóra skemmtiferðaskipsins Costa Concordia á strandstað síðastliðinn föstudag harðlega gagn-
rýnt. „Fyrirlitlegur heigulsháttur“ segir kennari við skóla strandgæslunnar. Alls 21 enn saknað eftir strandið.
FRANCESCO SCHETTINO Skipstjórinn
umdeildi í lögreglufylgd á laugardaginn
var. Hann var látinn laus úr varðhaldi
á þriðjudag en er enn í stofufangelsi á
heimili sínu. NORDICPHOTOS/AFP
BANDARÍKIN Rick Perry, ríkisstjóri
í Texas, sækist ekki lengur eftir
því að verða forsetaefni Repú-
blikanaflokksins í kosningunum
í haust. Hann skýrði frá ákvörðun
sinni í gær.
Jafnframt lýsti hann yfir stuðn-
ingi sínum við framboð Newts
Gingrich, fyrrverandi forseta
fulltrúadeildar Bandaríkjaþings.
Gingrich hefur verið að sækja í
sig veðrið síðustu daga, og fékk
meðal annars stuðningsyfirlýs-
ingu frá Söruh Palin, fyrrverandi
varaforsetaefni flokksins.
Mitt Romney, fyrrverandi
ríkis stjóri í Massachusettes, sem
hefur tekið forystu í forkosn-
ingum flokksins, reyndist hins
vegar, þegar endurtalningu var
lokið, hafa heldur færri atkvæði
en Rick Santorum, fyrrverandi
öldungadeildarþingmaður, í for-
kosningunum í Iowa, sem haldnar
voru 3. janúar. Hvorugur þeirra
var þó formlega lýstur sigurveg-
ari, því nokkur atkvæði eru enn
týnd og því óljóst um endanlegar
tölur.
Fjórði frambjóðandinn, full-
trúadeildarþingmaðurinn Ron
Paul, gerði hlé á kosningabaráttu
sinni á miðvikudag til að greiða
atkvæði á þingi í Washington
gegn því að skuldaþak Banda-
ríkjanna verði hækkað.
Á morgun verða svo forkosn-
ingar í Suður-Karólínu, þær
þriðju í röð forkosninga Repú-
blikanaflokksins þetta árið. - gb
Ný talning sýnir að Romney og Santorum voru jafnir:
Rick Perry hættir og
styður Newt Gingrich
ÞÁ ERU EFTIR FJÓRIR Þeir Rick Santorum, Mitt Romney, Newt Gingrich og Ron Paul í
sjónvarpskappræðum á mánudagskvöld. NORDICPHOTOS/AFP
SVEITARSTJÓRNARMÁL Bæjaryfir-
völd í Árborg hafa tekið vel í
umsókn kaþólsku kirkjunnar um
lóð fyrir kirkju og safnaðarheim-
ili á Selfossi. Þetta hefur Sunn-
lenska fréttablaðið eftir Gunn-
ari Erni Ólafssyni, starfsmanni á
skrifstofu kaþólska biskupsins á
Íslandi.
„Best væri að við gætum farið
í þetta sem fyrst,“ hefur blaðið
eftir Gunnari, sem kveður aðstöðu
orðið skorta á Suðurlandi. Messur
safnaðarins hafa til þessa farið
fram í kapellu við Riftún á Sel-
fossi, en að auki munu pólskar
messur hafa verið haldnar einu
sinni í mánuði í Selfosskirkju. - óká
Messað í kapellu á Selfossi:
Kaþólskir vilja
lóð fyrir kirkju
SELFOSSKIRKJA Pólskar messur hafa
fengið inni í Selfosskirkju einu sinni í
mánuði, að því er segir í Sunnlenska
fréttablaðinu.
SIGNIR SIG Í KÖLDU VATNI Rússar
skelltu sér margir í ískalt bað í gær,
eins og venja er til á þrettándanum,
sem Rétttrúnaðarkirkjan hélt hátíð-
legan í gær. NORDICPHOTOS/AFP
Skipið hallaðist
skyndilega og við
köstuðumst út í sjóinn.
FRANCESCO SCHETTINO
SKIPSTJÓRI COSTA CONCORDIA