Fréttablaðið - 20.01.2012, Blaðsíða 54

20. janúar 2012 FÖSTUDAGUR42
„Tilboðið frá Random House var
eiginlega þannig að það var ekki
hægt að segja nei við því. Þetta
er mjög góður samningur,“ segir
leikarinn og leikstjórinn Bjarni
Haukur Þórsson.
Hann hefur undirritað útgáfu-
samning við risaforlagið Ran-
dom House um að hann skrifi bók
byggða á einleiknum Pabbinn.
„Þetta er skálduð sjálfsævisaga
byggð á eigin reynslu. Þetta verð-
ur vonandi mjög fyndin bók sem
fjallar um það að vera faðir og
allt sem því fylgir. Maður hefur
fundið það í gegnum áhugann á
leikverkinu að það er gríðarleg-
ur áhugi á stöðu karlmannsins
sem uppalanda og föður, hvort
sem hann er einstæður eða ekki,“
segir Bjarni Haukur sem var að
vonum upp með sér þegar Ran-
dom House hafði samband við
hann. „Það var alveg frábært en
svo vaknaði ég í svitakasti dag-
inn eftir og áttaði mig á að maður
þyrfti að gera þetta líka.“
Pabbinn, sem um þrjátíu þús-
und manns sáu hér á landi, hefur
verið á fjölunum í Þýskalandi síð-
ustu tvö ár við góðar undirtektir.
Yfir eitt hundrað þúsund manns
hafa séð einleikinn, auk þess sem
þýsk kvikmynd byggð á Pabban-
um fer í tökur síðar á þessu ári
eftir handriti Bjarna Hauks og
Ólafs Egilssonar. „Í ljósi þess að
ég gekk frá sölu á kvikmynda-
réttinum vaknaði áhugi á að gefa
út bók og þeir komu til mín með
þessa hugmynd,“ segir hann um
áhuga Random House.
Þessa dagana situr Bjarni
Haukur sveittur við skriftir á
bókinni en hann á að skila henni
af sér í sumar. Bókin kemur fyrst
út í Þýskalandi, líklega í lok árs-
ins eða í byrjun þess næsta, og í
framhaldinu kemur hún út í fleiri
löndum. Einleikurinn Pabbinn er
þegar búinn að plægja akurinn
fyrir bókina því hann hefur verið
sýndur í 25 löndum við miklar
vinsældir.
Pabbabókin verður sú fyrsta
sem Bjarni Haukur sendir frá
sér og má segja að hann byrji á
toppnum því Random House er
eitt stærsta bókaforlag heims.
Það er í eigu Þjóðverja en er með
höfuðstöðvar í New York. „Það
hefði kannski verið rökréttara að
byrja á Íslandi en heimurinn er
óútreiknanlegur. En þetta er frá-
bært í alla staði og mikil viður-
kenning.“
freyr@frettabladid.is
MORGUNMATURINN
Íslenskir rithöfundar í
það minnsta hafa gefið
út hjá Random House:
Arnaldur Indriðason, Auður
Jónsdóttir og Ólafur Jóhann.
3
„Ég fæ mér
yfirleitt Létt
AB mjólk
og múslí.
Holl og góð
byrjun á
deginum. Ég
geri nánast
aldrei vel við
mig þegar
kemur að
morgunmat,
nema ég sé staddur á hóteli hér-
lendis eða erlendis. Þá borða ég
allt sem ég finn eins og enginn
sé morgundagurinn og engin
leið að stoppa mig.“
Sveinn Andri Sveinsson lögmaður.
BJARNI HAUKUR ÞÓRSSON: ÞETTA VERÐUR VONANDI FYNDIN BÓK
Risaforlagið Random House
gefur út Pabbabók Bjarna
GÓÐUR SAMNINGUR Bjarni Haukur Þórsson er mjög ánægður með samninginn sem
hann gerði við Random House. FRÉTTABLAÐIÐ/GVA
„Þetta er mjög spennandi og verð-
ur eflaust gaman,“ segir Unn-
steinn Manuel Stefánsson, með-
limur hljómsveitarinnar Retro
Stefson sem kemur í fyrsta sinn
fram í Bandaríkjunum á South
by Southwest-tónlistarhátíðinni í
mars.
Hátíðin South by Southwest eða
SXSW er sannkölluð bransahátíð
þar sem um 2.000 tónlistarmenn
koma fram í Austin í Texas og
stendur hún yfir í fjóra daga. Á
hátíðinni er aðaláherslan á nýja
og ferska tónlistarmenn sem fá
tækifæri til að sýna sig fyrir fólki
úr tónlistariðnaðinum.
„Þetta er í fyrsta sinn sem við
spilum í Bandaríkjunum og auð-
vitað gott tækifæri. Dagskrá-
in okkar er ekki alveg tilbúin
en við spilum nokkrum sinnum
yfir hátíðina,“ segir Unnsteinn
og bætir við að hátíðin sé mjög
stór og öðruvísi að því leytinu til
að mikið er um einkapartí fyrir-
tækja sem hljómsveitirnar spila á.
Það er óhætt að segja að sveit-
in hafi slegið í gegn á Airwa-
ves-hátíðinni í haust en síðasta
sumar voru hljómsveitarmeðlim-
ir búsettir í Berlín þar sem þeir
spiluðu víðs vegar um Evrópu.
Árið í ár verður svipað hjá sveit-
inni sem heldur til Þýskalands í
apríl. „Þetta sumar verður eigin-
lega bara svona „deja vú“ sumar.
Við gerum það sama og í fyrra,
spilum á hátíðum og tónleikum
um hverja helgi. Það er gaman en
getur líka tekið á. Ég ætla að vera
í Berlín en sumir ætla að vera
duglegri að fara heim til Íslands
inn á milli í ár.“
Retro Stefson er ekki eina
íslenska sveitin sem ætlar að nýta
hátíðina SXSW sem stökkpall því
hljómsveitin Of Monsters and
Men kemur einnig fram á hátíð-
inni sem og tónlistarkonan Sóley.
- áp
Retro Stefson til Ameríku
SPENNANDI TÆKIFÆRI Unnsteinn
Manuel Stefánsson og félagar hans í
hljómsveitinni Retro Stefson koma fram
á einni stærstu bransahátíð í heimi í
mars, SXSW í Austin í Texas.
„Þetta er mjög spennandi og við
heppin að fá að vera með,“ segir
vöruhönnuðurinn Hafsteinn Júlí-
usson sem þessa daga undirbýr
sína fyrstu för á vörusýningu
erlendis.
Vörurnar sem Hafsteinn ætlar
að sýna á sýningunni Check IN 12
í Stokkhólmi er skartgripalína úr
íslenskum mosa og nýjustu afurð
sína: næringardiskinn. Næring-
ardiskurinn er matardiskur með
hinni gömlu góðu næringartöflu á
og á diskurinn að aðstoða eiganda
sinn að velja rétt hlutföll nær-
ingar. Hafsteinn var að fá fyrstu
sendinguna í hús og segir það hafa
verið smá sjokk að taka 1.000 diska
upp úr kössunum. „Þetta er í fyrsta
sinn sem við eigum til lager af
vöru en hingað til höfum við ein-
ungis verið að afgreiða pantanir
frá búðum. Fyrir jólin fengu við
til dæmis pöntun upp á 200 skart-
gripi frá verslun í Dubai sem við
urðum að hafna því við áttum ekki
til neinn lager.“
Hafsteinn fékk sérstakt boð
á hönnunarsýninguna Check In
12, sem er haldin dagana 7.-12.
febrúar, en aðeins tíu hönnuðum
er boðið. Sýningin er haldin sam-
hliða stóru húsgagnasýningunni
Stockholm Furniture Fair.
„Við komumst í samband við
Stefan Nilsson, framkvæmda-
stjóra sýningarinnar, sem hreifst
af vörunum okkar. Við erum
í raun mjög heppin að komast
þarna inn því þetta er fámenn-
ur hópur hönnuða sem fær að
sýna,“ segir Hafsteinn en Stokk-
hólmur verður fullur af kaupend-
um og blaðamönnum víðs vegar
að á þessum tíma. „Við erum að
fara á svona sýningu í fyrsta sinn
og markmiðið er að koma okkar
vörum að á Norðurlöndunum á
þessu ári.“
Þess má geta að fleiri íslensk-
ir hönnuðir taka þátt í Stockholm
Furniture Fair eins og Netagerð-
in, Lighthouse, Reynir Sýruson
og Á Guðmundsson. - áp
Undirbýr útrás næringardisksins
HELDUR TIL NORÐURLANDANNA
Vöruhönnuðurinn Hafsteinn Júlíusson
ætlar að koma skartgripum sínum og
næringardiski á framfæri erlendis í ár.
FRÉTTABLAÐIÐ/VALLI
Hvaða Spirulina ert þú að taka?
Árangur fer eftir gæðum
Blágrænir þörungar frábærir fyrir
íþróttir, vinnunna og skólann
Spirulina inniheldur mikið af blaðgrænu
og glyccogen, því meira glycogen sem er til
staðar í líkamanum við æfingar því betri árangur.
Blaðgræna eykur súrefnisflutning í blóðinu.
Ef Spirulina er tekið inn 1/2 tíma fyrir æfingar
eða annað álag gefur það aukið þrek, úthald
og einbeitingu. Dregur úr pirringi, sleni
og sætindaþörf, truflar ekki svefn.
Gæðastaðall ISO9001, ISO1401.
13 vítamín og 16 steinefni · 18 aminósýrur · Blaðgræna · Omega
GLA fitusýrur · SOD eitt öflugasta andoxunarensím líkamans
Eingöngu lífræn næringarefni tryggja betri upptöku og nýtingu í líkamanum.
Fæst í apótekum, heilsubúðum, Krónunni,
Fríhöfninni og Hagkaup
Aukið úthald,
þrek og betri líðan
Árangur strax!
www.celsus.is
FRÉTTIR VIÐSKIPTI SPORT UMRÆÐAN LÍFIÐ SJÓNVARP
TAKTU VÍSI Á
HVERJUM MORGNI!