Þjóðlíf - 01.11.1986, Síða 58

MATARLIF
Tortoni-kaffi
Þessi eftirréttur er ekki síður glæsi-
legur en rjómaostakakan. Hann þarf
einnig að búa til deginum áður en á
að njóta hans, jafnvel tveimur dögum
áður. Þessi uppskrift miðast við 6
manns og í hana þarf eftirfarandi:
%^
1 stór eggjahvíta (við herbergis-
hita)
örlítið af cream of tartar
4 msk. sykur
1 bolli af kœldum rjóma
1 msk. af instant espresso-kaffi-
dufti
2 msk. Kahlúa
3 msk. af fínsöxuðum möndlum
50 g af suðusúkkulaði, söxuðu
ca. 24 kaffibaunir
6 þunnar rœmur af sítrónuberki
Þeytið eggjahvítuna ásamt örlitlu
af salti þar til hún verður froðu-
kennd. Bætið þá útí cream of tartar
og þeytið. Bætið útí 1 msk. af sykri,
litlu í einu, og stífþeytið.
Kælið skál og þeytið þar rjómann
ásamt kaffiduftinu þar til hann
þykknar örlítið. Bætið þá útí 3 msk.
af sykri og Kahlúa og þeytið áfram,
þó ekki þannig að rjóminn verði
stífur.
Hrærið um þriðjungi rjómablönd-
unnar útí eggjahræruna og bætið síð-
an varlega við afganginum af rjóman-
um ásamt 2Vi msk. af möndlunum.
Heliið þessu nú í heppileg flát, t.d.
fallega bolla. Stráið yfir því sem eftir
er af möndlunum og frystið. Þetta
þarf að vera í frysti í minnst 2 klst.,
en allt upp í 2 daga.
Ef þið viljið hafa enn meira við
þessu, er eftirfarandi mjög falleg
skreyting. Bræðið súkkulaðið í vatns-
baði eða mjög þykkbotna potti við
vægan hita. Setjið stórt sigti öfugt á
disk. Stingið tannstöngli í hverja
kaffibaun, dýfið þeim varlega í
súkkulaðið og látið síðan hinn enda
tannstöngulsins gegnum eitthvert gat-
ið á sigtinu og leyfið súkkulaðinu að
harðna. Frystið kaffibaunirnar í
a.m.k. 15 mínútur og skreytið síðan
hvern bolla með 3-4 baunum ásamt
sítrónuberki.
58 ÞJÓÐLÍF
Espresso Tortoni með súkkulaði
húðuðum kaffibaunum.