Ægir - 01.07.2004, Page 33

33
Ágúst V. Sigurðsson er fram-
kvæmdastjóri þessara þriggja fyr-
irtækja og stýrir hann daglegri
vinnslu. Gunnar Þór kemur meira
að öðrum þráðum í rekstrinum,
t.d. sölumálum og hráefnisöflun.
Ægir hitti þá félaga í húsakynn-
um Norðuróss á Blönduósi og
innti þá eftir þessari aukaafurða-
vinnslu, sem er sú stærsta sinnar
tegundar hér á landi.
Gunnar Þór: „Þegar ákveðið var
á sínum tíma að leggja frystihúsið
niður á Skagaströnd veltu menn
því mikið fyrir sér hvað hægt
væri að gera til þess að bregðast
við þessu. Niðurstaðan var sú að
reyna eitthvað nýtt og þáverandi
stjórnendur Skagstrendings höfðu
áhuga á að fara út í vinnslu á
aukaafurðum sem féllu til við
frystingu á bolfiski út á sjó. Úr
varð að ég fór í þetta dæmi með
þeim, en ég hafði um tíma verið á
sjó á togurum Skagstrendings
auk þess sem ég hafði unnið við
rækjuvinnsluna á staðnum. Ég
hafði lengi haft áhuga á að fara út
í einhvers konar fiskvinnslu og
því var ég til í að takast á við
þetta verkefni.
Afskurð má skilgreina sem allt
það sem skorið er af við hefð-
bundna flakavinnslu eða bita-
vinnslu - hvort sem er um borð í
frystitogurunum eða í frystihús-
unum í landi. Það má kannski í
stuttu máli segja að okkar vinna
hefjist þar sem hinni hefðbundnu
vinnslu í frystihúsunum lýkur.
Við leggjum okkur fram við að
búa til góðar afurðir úr þessu
ódýra hráefni sem hentar hverjum
og einum kaupanda.“
Norðurströnd ehf. á hlut í fiskvinnslustöðvum á Hofsósi, Blönduósi og í Ólafsfirði:
Leggja áherslu á verðmæta-
sköpun úr afskurði
Þeir stýra fiskvinnslunni á Hofsósi, Blönduósi og í Ólafsfirði - Ágúst V. Sigurðsson, framkvæmdastjóri (t.v.) og Gunnar Þór Gunnarsson, sem fyrir níu árum hóf
að vinna afskurð í samvinnu við Skagstrending af frystitogurum Skagstrendings.
Fyrir níu árum setti Gunnar Þór Gunnarsson á Skagaströnd fyrirtæki á
stofn í samstarfi við Skagstrending hf., sem hafði fyrst og fremst það
verkefni að gera verðmæti úr afskurði af frystitogurum Skagstrendings.
Þetta litla fyrirtæki hefur þróast með árunum og víkkað út starfsemi
sína. Norðurströnd ehf., sem er í eigu Gunnars Þórs og Skagstrendings
hf., á nú hlut í þremur fiskvinnslufyrirtækjum á jafnmörgum stöðum í
samstarfi við aðra aðila. Þetta eru Norðurós ehf. á Blönduósi, Kolka
fiskvinnsla ehf. á Hofsósi og Rípill ehf. í Ólafsfirði. Einnig er Norður-
strönd með lítilsháttar starfsemi á Skagaströnd.
aegiragust2004-7tbl 30.8.2004 14:20 Page 33