Þjóðmál - 01.06.2014, Blaðsíða 71

70 Þjóðmál SUmAR 20142
hafa aftur á móti notið hylli í Evrópu .
The American Clock, sem var nánast púuð
niður á Broadway árið 1980, var sýnd í
átta Evrópulöndum á liðnum vetri [1983] .
Nýjasta verk hans, tveir stuttir einþáttungar
undir nafninu 2 by A.M. hefur þó fengið
ágæta dóma og góða aðsókn í hinu virta
Long Wharf-leikhúsi í New Haven .
Ég bið Miller að lýsa því hvað komi honum til að skrifa leikrit .
Ja, ef ég vissi það nú, segir hann . Ég
veit það eitt að ég get ekki skrifað um það
sem ég skil til hlítar . Þegar ég skil eitthvert
fyrirbæri, þá er minni reynslu af því þar
með lokið . Ég get ekki skrifað um það, því
að mér finnst það vera endurtekning . Ég
verð að koma sjálfum mér á óvart . Yfirleitt
þegar ég byrja á leikriti, þá hef ég einhverja
tilfinningu fyrir framvindunni, en það er
mjög hrá tilfinning . Leikritið skapa ég nær
allt innan þess sjálfs, ef svo mætti að orði
komast .
Hvenær ertu best upplagður til vinnu?
Á morgnana . Ég byrja eldsnemma í morg-
unsárið og vinn jafnan framyfir hádegi .
Og hvað tekur þá við?
Þá tekur nú ýmislegt sýsl við — eftir
efnum og ástæðum . Oft þarf maður að
stússa í einhverju sem viðkemur heimilinu
og fjölskyldunni; ég þarf að svara bréfum
og stundum dunda ég mér nú við smíðar .
Þá hef ég alltaf verið mikill lestrarhestur;
ég les mikið af sagnfræði og skáldsögum
og einnig blaðamennsku . Amerísk blaða-
mennska er á köflum afburðavönduð: sérí-
lagi er ég sólginn í að lesa um ýmsa félags-
lega atburði og vandamál í þjóðlífinu .
Sjón varp horfi ég hins vegar sárasjaldan á .
En ég fer mikið í leikhús að sjá hvað er að
gerast . Þá er ég mikill kvikmyndaunnandi:
ég elska kvikmyndir . — Svo þú sérð að ég
hef kappnóg við tímann að gera . Já, og
svo hlusta ég mikið á músík . Það er ágætt
tónlistarlíf þar sem ég bý í Connecticut; til
að mynda leika þeir þar alltaf sumarlangt
dásamlega nútíma tónlist .
Miller hallar sér aftur í stólnum .
Ég spyr hvað honum finnist um líf í
nútímanum?
Það er hættulegt, segir hann og hleypir
í brýrnar: Hættulegt . Það er ónotalegt að
vita af atómsprengjunni hangandi yfir höfði
manns . En samt er ég nú ekki viss um að
líf í nútímanum sé svo ýkja frábrugðið því
sem var . Það er kannski einhver stigsmunur,
Hjónaband Arthurs
Miller og Marilyn
Monroe vakti geysi-
mikla athygli á sínum
tíma . Þá gengu í eina
sæng eitt virtasta og
dáðasta leikskáld í
heimi og frægasta
kvikmyndaleikkona
heim og kyntákn um
víða veröld . Myndin
er tekin stuttu fyrir
brúðkaupið . Miller
og Monroe voru gift í
fimm ár (1956–1961) .