Morgunblaðið - 04.08.1966, Blaðsíða 17
Fimmttiaagtir 4. ágúst 1966
MORGUNBLAÐIÐ
17
UTVARP REYKJAVÍK
^ ■
LALtíARDAGINN 23. júlí var k
þátturinn „í kvöld“, sem þær
Brynja Benediktsdóttir og Hólm-
fríður Gunnarsdóttir stjórna, at-
hyglisverður þáttur. Þær töluðu
við forstöðukonu barnaheimilis,
vögguatofu og dagheimili barna
bar þar á gcrna. Taldi forstö'ðu-
konan slík barnaheimili nauðsyn
leg hér í borginni (og sjálfsagt
víðar) þar sem svo margar mæð-
ur vinna úti, en betra væri að
ungbörnin gætu alist upp hjá
mæðrunum heima. Auðvitað eru
margar undantekningar frá þessu
af ýmsum ástæðum, eins og allir
vita. — Önnur stjórnandi þáttar-
ins sagðist hafa dvalizt í London
í vetur. Þar var þá m.a. verið að
leika Hamlet. Aðalhlutverkið lék
ungur og efnilegur maður. Hann
kom fram í gervi „bítils“, með
flaksandi hár og alla tilburði
þessarar manntegundar, látbragð
og málróm. Auðvitað var engu
orði breytt frá því er uppruna-
lega var frá gengið af Shake-
speare. Afskapleg aðsókn var að
sýningum þessum, einkum af
ungu fólki, kílómeters biðröð,
held ég hún hafi sagt, á hverjum
degi. Þannig þola stórskáldin
breytingar tízku og smekks, þeg-
ar listin og andrikið er nógu
mannlegt og spekin nógu einföld
í allri sinni dýpt og snilld.
Undanfarin sunnudagsbvöld
hefur hinn kunni útvarpsmaður
Stefán Jónsson haft þátt er nefn-
ist „Stundarkorn með Stefáni
Jónssyni o. fl.“. Hefur þátturinn
byrjað með því, að S. J. hefur
lagt eina spurningu fyrir nokkra
menn. 24. júlí var spurningin
„Telst réttUrinn að vera latur til
almennra mannréttinda?" Gunn-
ar Einarsson bókaútgefandi, taldi
leti ljótt orð og að vera latur löst.
Verkamaðurinn hefur ekki leyfi
til að slæpast í vinnutíma, hver
sem vinnan er. Hvíld er nauð-
synleg, ofþreyta er hættuleg.
Hvíld er allt annað en leti. Leti
er refsiverð en að vinna of mikið
er háskalegt og getur orðið til
þess að viðkomandi fái aldrei
notið hvíldar.
Loftur Amundason ’ (ég held
járnsmiður) sagði að leti væri
meðfædd en gæti líka verið á-
unnin. Kvaðst aldrei hafa verið
iatur. Sagði að mikill munur
væri áð sjá menn vinna fyrir
tímakaupi eða í ákvæðisvinnu,
oft. Plága fyrir viljuga, roskna
menn að vinna með letingjum. —
Hannes Pétursson, skáld, kvaðst
ekki vita hvort það væri refsi-
vert, skv. lögum, að vera latur.
Skorður eru settar öllum mann-
réttindum en leti hlýtur að heyra
undir mannréttindi. Ef latur mað
ur viil liggja í iðjuleysi er hon-
um það heimilt. Ef til vill mis-
skilja menn aðra stundum. Páll
Melsted segir að Jónas Hallgríms
son hafi legið í leti. En var Jónas
ekki einmitt að yrkja þegar Páll
hugði hann slæpast? Hannes Pét-
ursson kvaðst ekki hrifinn af of
duglegum mönnum en kva’ðst
kunna vel við hæfilega lata hæfi-
leikamenn. — Jón B. Jónsson
kvað engan hafa rétt til að
vera Iatur. Frá 16—71 árs aldri
sinum þekfcti hann ekki leti.
Guðsorð segir að sá sem ekki
vill vinna eigi ekki heldur mat
að fá. — Ég vil bæta því við, að
ég hygg að ísiendingar seu ann-
að hvort mjög löt þjóð eða þá of
þreytt. Byggi ég þetta á því
hversu menn eru hér miklu rúm-
Iatari en aðrar þjóðir, sem ég
þekki til.
Heimir Hannesson, lögfræð-
ingur, talaði um „Daginn og veg-
inn“, mánudag 25. júlí. Kvað
hann sjónvarp hersins í Keflavík
vera „að færa út verksvið sitt“,
eins og hann orðaði það. Taldi
hann þetta sjónvarp verra en
gerist heima í USA. — Ég talaði
við hjón, sem eru nýkomin frá
Bandaríkjunum eftir 6 vi'kna
dvöl þar. Segja þau Keflavíkur-
sjónvarpið ekki lakara en þar,
en beti i að því leyti að hér eru
engar auglýsingar. Auðvitað úr
meira að velja vestra, þar sem
skipt er yfir á margar sjónvarps-
stöðvar. — Heimir vildi láta
borgarbúa nota meira gistihús úti
á landi en gert er, til þess að létta
undir með þeim er taka á móti
ferðamönnum. En þetta er of
dýrt fyrir flesta, að mínu áliti.
Fólk á góðum aldri sem á bíl og
tjald ferðast á engan hátt
skemmtiLegar og frjálslegar en
upp á eigin spýtur, með nesti og
góðan viðleguútbúnað. — Þá
sagði Heimir að „Fishing News“,
brezka tímaritið, segði, að síld-
veiði í norðurhöfum væri að
verða hreinasta rányrkja og
mundi þó enn margfaldast. Aftur
á móti teldu Kanadamenn næga
síld þar og enga hættu á ofveiði.
— Hann ávítaði blöðin fyrir að
ala á sundurlyndi með órök-
studdri gagnrýni. Margir hættir
að taka mark á slíku Hva'ð ger-
um við til þess að komast að nið-
urstöðu á því, hvað veldur verð-
bólgunni, hvað orsakar hana?
Vandamál verður fyrst og fremst
að skiija ti'l þess að geta mætt
þeim á viðeigandi hátt. Kenna
þarf unglingum meira í hagnýt-
um fræðum en minna af ýmsu
öðru.
Gils Guðmundsson, alþm.,
flutti, 26. júlí, frábærlega snjallt
og fróðlegt erindi um hi'ð forna
höfuðból Vatnsfjörð, þar sem
sama ættin bjó frá landnámstíð
í nálega fimm aildir, stórbrotið
fólk og stórauðugt. Var auðheyrt
að Gi'ls hafði af miklum fróðleik
og þekkingu að taka í svo stutt
erindi. Hefði ég óskað, að frem-
ur leiðinlegri músík, sem á eftir
fór, hefði verið sleppt, en erindið
orðið þeim mun ýtarlegra og
lengra. E.n það er eins og músík
og glymur hafi ætíð forréttindi
í útvarpi oikkar, enda þótt meira
en heimingur hlustenda skrúfi
fyrir meiri hlutann af slíku. Auð-
vitað er góð músik unaðsleg, en
of mikið af öllu má þó gera og
að skaðlausu mætti sleppa
nokkru af hljóimlist útvarpsins
og spara með því stórfé.
Jóhann Hjálmarsson ræddi við
Þorgeir Sveinbjörnsson, skáld,
og Guðrún Ásmundsdóttir las
upp kvæðfð „Landsýn" úr bók
Þorgeirs „Vísur um drauminn".
Var þetta góður þáttur: Samtalið
athyglisvert, kvæðið lítið rímað
en þó skáldlegt og vandlega
samið eins og við var að búast
af Þeirgeiri og Guðrún las það
prýðilega vel. Á föstudagskvöld-
ið las síra Sigurður Einarsson ný
ljóð eftir sig. Sá snjalli og gáf-
aði ma'ður er í fremstu ljóðskálda
röð, þeirra er lá'.a til sín heyra
nú, stórkvæðið OrS, er hann
orti í vor ber þess vott og raunar
voru öl'. kvæðin er hann las
ágæt.
I Þorsteinn Jónsson.
Samkoma íslands-
vinafélagins í Moskvu
íslandsvinafélagið í Moskvu,
(SSSR-Islandije), efndi til sam-
komu í Don Drushby (Vináttu-
húsinu) fimmtudaginn 16. júní
sl. í tilefni af þjóðhátíðardegi
íslendinga.
Samkoman hófst kl. 6.30. Setti
Pétr Goroshkin, aðalritari sovi-
ezku vináttufélaganna, hana með
stuttu ávarpi.
Næsti liður dagskrárinnar var
erindi, sem dr. Alexei N. Kress-
ilnikov, deildarstjóri sögudeildar-
sovézku vísindaakademíunnar,
fyrsti sendiherra Sovétríkjanna
á íslandi, flut.ti. Rifjaði hann þar
upp minningar línar frá lýð-
veldisstofnuninni 1944 og frá
dvöl sinni á íslandi árin 1044—
1946. Fléttaði hann inn í frá-
sögnina ýmsum þáttum um sam-
skipti íslands og Sovétríkjanna.
Var góður rómur gerður að er-
indi hans.
Sendiherra ísiands, dr. Krist-
inn Guðmundsson, ræddi um við-
skiptaleg og menningarleg sam-
skipti íslands og Sovétríkjanna.
Mælti hann á rússnesku við mik-
inn fögnuð áheyrenda og var
hluta af ræðu hans sjónvarpað
17. júní, þegar skýrt var frá
þjóðhátíðardegi íslendinga.
Að ræðum loknum var gengið
í kvikmyndasal Dom Drushby og
þar sýndi Vladimir Jakob lit-
skuggamyndir frá íslandi og gaf
stuttar og skemmtilegar skýr-
ingar með hverri mynd. Hafði
hann valið myndir úr eigin safni
og myndum frá Eddafótó og
Sólarfilmu. Var þetta í senn
fróðlegt dagiskráratriði og hin
bezta skemmtun. Þar næst voru
sýndar tvær stuttar kvikmyndir
frá Sovétríkjunum.
Samkoma þessi var vel sótt og
var húsfyllir í fundarsalnum, þar
sem ræður og ávörp voru flutt,
en það var sjónvarpað.
Á meðal samkomugesta voru,
auk framangreindra, Alexander
M. Alexandrov fyrrverandi amb-
assador á íslandi, en.hann starf-
ar nú í utanríkisráðuneytinu í
Moskvu sem sérstakur ráðunaut-
ur utanríkisráðherrans; dr. Nic-
olas Kolli, forseti arkitektafélags
Sovétríkjanna; Koryagin, fulltrúi
í utanrfkisráðuneytinu og margir
fleiri.
(Samkvæmt skýrslu sendi-
ráðsins í Moskvu).
(Frá Utanríkisráðuneytinu).
T'aldstæði bönnuð í
Litlu-Drageyrarlandi
Vegna stóðalegrar umgengni ferðafólks, neyðumst
við til að hanna tjaldstæði í Litlu Drageyrarlandi
i Skorradal.
EIGENDUR.
Atvinna
Duglegur og reglusarnur maður getur fengið at-
vinnu í verksmiðju vorri.
Kexverksmiðjun Frón hf.
Skúlagötu 28.
Lokað
Vegna jarðarfarar verða skrifstofur okkat lokaðar
á morgun (föstudag) til kl. 1 e.h.
I. Brynjólfsson & Kvornn
Stúlkur óskast
til afgreiðlustarfa í nýlenduvöruverzlun.
Önnur til afleysinga í sumarleyfum.
Upplýsingar í síma 12319.
L AU GARDALS VÖLLUK:
í kvöld, kl. 8,30, leika
K.R. - VALUR
Dómari; Steinn Guðmundsson.
Síðast sigraði K. R.
Tekst Val nú að sigra ?
Mótanefnd.
Kennari
óskar eftir vel launuðu starfi, t.d. á sviði viðskipta,
iðnaðar eða erindreksturs. Tilboð, merkt: „2030 —
4797“ leggist inn á afgr. Mbl. fyrir 10. ágúst.
Auglýsing um skipulng
í Hafnurfirði
Samkvæmt lögum nr. 19 1964 er hér með auglýst
eftir athugasemdum við tillögu að skipulagi mið-
bæjar Hafnarfjarðarkaupstaðar. Tillagan, er nær
yfir svæði sem afmarkast af Austurgötu, Lækjar-
götu, Fjarðargötu og Reykjav;kurvegi, verður á-
samt líkani og fylgiskjölum til sýnis í skrifstofu
bæjarstjóra í Ráðhúsinu við Strandgötu frá og með
deginum í dag til 15. september nk.
Hlutaðeigendum ber að skila athugasemdum sínum
til bæjarstjóra eigi síðar en 29 september nk., að
öðrum kosti teljast þeir hafa samþykkt tillöguna.
4. ágúst 1966.
Skipulagsstjóri ríl.isins.
Bæjarstjórinn í Hafnarfirði.
FASTEIGNA
SKRIFSTOFAM
AUSTURSTRÆTl 17 (HIÍS SIIU OG VALÐft) SlMI 11466