Morgunblaðið - 10.05.1967, Blaðsíða 10

I 10
MORGUNBLAÐIÐ, MIÐVIKUDAGUR 10. MAÍ 1967.
Onnur veiðiferð til Grænlands
Nær helmingur þátttakenda fyrstu
veiðiferðarinnar hyggst halda aftur
til Eiríksfjarðar í júlí
Svo sem marga mim
reka minni til stóð Flug-
félag íslands fyrir all
nýstárlegri veiðiferð sl.
sumar. Fór þá 45 manna
hópur héðan í sumarleyfis-
og veiðiferð til Grænlands
og dvaldi þar í vikutíma,
nánar tiltekið í Narssars-
suaq í Eiríksfirði. Ferð
þessi vakti mikla athygli
á sínum tíma, og fór svo,
að ekki komust allir með
semi vildu, og réði þar um
bátakostur í Grænlandi,
sem er takmarkaður, og
lítt hægt að ferðast þar
um nema á sjó. Flugfélag-
ið hefur nú ákveðið að
efna til samskonar ferðar
í sumar, síðustu viku júlí-
mánaðar. Enn sem fyrr
verður þátttakendafjöld-
inn takmarkaður við 45
manns vegna bátakostsins
í Grænlandi o. fl.
Þess skal getið þegar i upp-
hafi, að um helmingur sset-
anna í fyrirhugaðri ferð í
sumar, er þegar pantaður af
fólki, sem fór í veiðiferðina á
sl. sumri og ætlar nú aftur.
Þau sæti, sem eftir eru, er
hægt að panta hjá Flugfélag-
inu.
Farið verður að morgni 26.
júlí frá Reykjavík og flogið
tii Narssarssuaq. Þar verður
gist á Hótel Arctic, sem er í
eigu danska félagsins Aero
Lloyd. Hotel Arctic er að vísu
ekki lúxushótel, en herbergi
eru hreinleg, matur góður á
danska vísu, þar er vínstúka,
sem selur allt frá dönskum
Carlsberg til ítalsks Campari,
minjagripaverzlun o. fl.
Frá Narssarssuaq verður
farið í daglegar ferðir með
bátum til veiða með ströndum
Eiríksfjarðar og nærliggjandi
fjarða. Einnig er ráðgert að
ferðalangarnir líti við í
Brattahlíð og skoði rústir
bæjar Eiríks rauða, svo og að
komið verði til Garða, þar
sem rústir biskupsseturs
hinna fornu Grænlendinga og
kirkju þar verða skoðaðar. Þá
er og í athugun að skipu-
leggja ferð til bæjarins Nars-
saq, sem er með stærri bæj-
um grænlenzkum. Þar er út-
gerð, niðursuðuverksmiðja
fyrir rækju og margt fleixa
að sjá.
Um veiði í Eiríksfirði er
það að segja, að hún getur
verið misjöfn eins og alls
staðar. Sl. sumar voru ferða-
langarnir fremur óheppnir
þar eð bleikjan hagaði sér
þveröfugt við það, sem venju-
legt er á þessum slóðum, m. a.
vegna óvenjulegs veðurfars á
þessum árstíma að því er
Grænlendingar sjálfir töldu.
Engu að síður veiddust í ferð-
inni um 300 fiskar og var
hinn stærsti 11 pund.
Venjulega má á þessum
tíma búast við því, að bleikj-
an sé enn í sjónum og ekki
farin að ganga að ráði í árnar,
sem flestar eru stuttar, mjög
straumharðar og jökullitaðar.
í júní fyllast allir firðir á
SV-Grænlandi af loðnu, og
eru torfurnar svo þykkar að
naumast er hægt að kasta
spæni í sjóinn öðruvísi en að
krækja í loðnu. Bleikjan
heldur sig við loðnuna og lít-
ur þá yfirleitt ekki við agni
veiðimanna, enda hefur hún
af nógu að taka. Meira að
segja þorskurinn verður svo
latur í öllu þessu æti, að
hann lítur varla við öðrum
loðnum en þeim, sem synda
nánast beint upp í gin hans.
Þegar komið er hinsvegar
fram í júlílok er loðnan að
mestu horfin, bleikjan orðin
spikfeit en hinsvegar lítið far-
in að hreyfa sig upp í árnar.
Göngurnar í árnar hefjast
venjulega í ágúst og standa
hæst í lok þess mánaðar og í
september. 1 júlílok er bleikj-
an með ströndum fjarðanna
og tekur þá spæni veiðimanna
vel. Sá, sem þessar línur rit-
ar, hefur þannig einu sinni,
fyrir þremur árum, horft á
fimm veiðimenn draga um 30
vænar bleikjur á tveim
klukkustundum á lítilli mal-
areyri um klukkustundar sigl-
ingu frá Narssarssuaq. Þessar
bleikjur voru frá 3 og upp í
8 pund.
Grænlandsbleikjan er harð-
snúinn fiskur á færi, og ólík
því, sem vatnableikjuveiði-
menn hér heima þekkja. Hún
líkist laxi eða sjóbirtingi
miklu meir en vatnableikju
eða jafnvel sjóbleikju hér við
land, og geri ég ráð fyrir að
straumharka grænlenzku
ánna hafi í gegnum aldirnar
hert stofninn í þessu tilliti.
Yfirleitt er bleikjan við
Grænland 2—5 pund að
þyngd, en 7—8 punda fiskar
eru algengir. Séð hefi ég 11
til 12 punda fiska dregna þar
og bleikjan getur orðið þarna
14 pund að þyngd.
Um veðrið er það að segja,
að þótt þeim, sem áður hafa
verið á þessum slóðum í júlí-
mánuði hafi ekki þótt það
sérstaklega gott á grænlenzk-
an mælikvarða í fyrra, eink-
um vegna þess að mikið
rigndi í þrjá daga, voru allir
þátttakendur í þeirri ferð
hissa á hversu hlýtt var í
Eiríksfirði. Síðustu daga ferð-
arinnar var hinsvegar skín-
andi veður, heiðskírt og hlýtt.
Komst hitinn í 26—27 stig i
forsælu og jaðraði þá við að
ýmsum þætti nóg um.
Líkt og í fyrra er gert ráð
fyrir, að þátttakendum í ferð-
inni i sumar verði skipt í
fjóra hópa, og að þeir haldi
síðan til veiða og skoðunar-
ferða hver á sinn stað. Með
hverjum hópi verður leið-
sögumaður, sem þekkir til
veiða á þessum slóðum. Far-
arstjórar í ferð þeirri, sem
farin var sl. sumar voru Þor-
steinn Jónsson, Birgir Þor-
gilsson, Sigurjón Jónsson og
Haukur Hauksson og er gert
ráð fyrir að sömu fararstjórar
verði í ferðinni í sumar.
Þannig lítur grænlenzka bleikjan út. Myndin er tekin í Ei-
ríksfirðL
Og hvað kostar það? munu
flestir vilja vita. Ferðin öll,
þ. e. flugferðir, fæði, húsnæði,
veiðileyfi og bátsferðir inni-
falið, kostar kr. 10.500 með
söluskatti. Farið verður að
morgni 26. júlí og komið aftur
til Reykjavíkur að kvöldi 1.
ágúst.
Til samanburðar má geta
þess, að sex daga veiðiferð í
sæmilega góða laxveiðiá hér-
lendis mun kosta um 20.000
kr. (þ.e. veiðileyfi, gisting og
fæði).
Ráðgert er að halda fund
með því fólki, sem hyggst
fara í ferð þessa, nú á næst-
unni, og verða þar sýndar
myndir frá þeim slóðum, sem
heimsóttar verða, svarað fyr-
irspurnum o. s. frv.
f lok þessa spjalls væri
ekki úr vegi að heyra hvað
Þátttakendur í veiðiferðinni til
bugt“ skammt frá Narssarssuaq
sumri við veiðar í svonefndri „Helikopter-
tveir af þátttakendum úr ferð
þeirri, sem farin var á sL
sumri hafa að segja.
i
Guðmundur J. Kristjánsson,
form. Landssambands ísl
Stangaveiðimanna:
„Hafi menn á annað borð
áhuga á útilífi og sportveiði
mundi ég hiklaust ráðleggja
þeim að bregða sér í Græn-
landsferð. Jafnvel þótt lax sé }
þar ekki að finna sem slíkan,
er þarna góður og fallegur
bleikjustofn, og um leið margt
og mikið að sjá, sem hlýtur
að hrífa , hvern ferðamann
stórbrotið landslag og veðrið
yfirleitt betra og stilltara en
að feta í fótspor feðranna, og
skoða það, sem hinir fornu
Grænlendingar hafa skilið
eftir sig.“
„Ég var mjög ánægður með
ferðina í fyrra, og ætla aftur
til Grænlands í sumar, njóta
þar útiveru og góðs félags-
skapar. Um leið vildi ég
þakka Flugfélagi Islands fyr-
ir að gefa okkur kost á viku-
dvöl í Grænlandi, því
skemmri má tíminn ekki
vera.“
Baldur Jónsson, vallarstjóri:
„Ferðin sl. sumar var eftir-
minnilegasta veiðiferð, sem ég
hefi farið, og hefi ég farið
þær nokkrar. Allur viður-
gjörningur var eins og bezt
varð á kosið. Auk þess var
þetta ódýrasta veiðiferð, sem
ég hefi farið. Hvers geta
menn óskað sér betra en að
geta sameinað það tvennt, að
koma til lands eins og Græn-
lands og merkra staða þar,
og skemmtilegustu tóm-
stundaiðju, sem hægt er að
hugsa sér, sem er veiðin? Ég
á enga þá ósk heitari en að
komast aftur á þessar slóðir
í sumar."
-hh
Kona óskast Óskum að ráða konu til eldhússtarfa (uppvask og fleira). Upplýsingar í síma 12112. Kvennaskólastúlkur árgangur 1957. Fundur í Snorrabúð, Hótel Loft- leiðum þriðjudagskvöld 16. maí kl. 8:30. Nánari uppl. í síma 81796. Mætum allar.
ffllDnaiirj g|*^tApiO*TV^| Igjf SJONVARPSTÆKJ |:|: Nóatún 27. p ijl Sími 10848. ||
Nauðungarnppboð sem auglýst var í 20., 23. og 27. tbl. Lögbirtinga- blaðsins 1967 á hluta í Fellsmúla 9, hér í borg, talin eign Bjarneyjar Hall, fer fram eftir kröfu Sveins Snorrasonar hrl., á eigninni sjálfri, þriðju- daginn 16. maí 1967, kl. 2.30 síðdegis. Borgarfógetaembættið í Reykjavík. Byggingarverkfræðingur sem starfað hefur erlendis og aðallega fengist við burðarþolsútreikninga og konstruktioner á járn- steypu og strengjasteypu óskar eftir atvinnu. Hefur auk þess kynnt sér CPM/prent og IBM/360 og fl. Hin mismunandi svið byggingarverkfræð- innar koma til greina. Tilboð óskast strax send Morgunblaðinu merkt: „Verkfræðingur — 2157“.