Morgunblaðið - 16.06.1968, Blaðsíða 19

MORGUNBLAÐIÐ, SUNNUDAGUR 16. JÚNÍ 1968
19
Sextug 17. júní:
Sigríður Hafliðadóttir
17. JÚNf á frú Sigríður Hafliða-
dóttir 60 ára afmæli. Við ósk-
um henni hjartanlega til ham-
ingju með þessi tímamót.
Hún er fædd að Bergholtskoti
í Staðarsveit á Snæfellsnesi. For
eldrar hennar voru Steinunn
Kristjánsdóttir og Hafliði Þor-
steinsson. Árið 1911 fluttist hún
ásamt foreldrum sínum að Stóru
Hellu Sandi á Snæfellsnesi. Hún
ólst upp í stórum systkinahóp,
11 voru börnin.
13 ára fór hún að heiman og
lá leiðin 'þá á það ágæta heimili
frú Geirþrúðar og Helga Zoega.
Þetta heimili er ljósgeisli í lífi
hennar sem oft er hugsað til er
litið er til baka. Frá þessu ágæta
heimili lá leið hennar aðeins 17
ára á heimili með stóran barna-
hóp, þar sem húsmóðirin lá rúm
föst. Þetta starf leysti hún af
sérstakri snilld að fátítt má kall
ast. 18 ára sækir hún um inn-
töku í Ljósmæðraskóla íslands.
Já, þá skein sól í heiði vina mín.
Ævin var blómum skrýdd vona
og fagurra drauma um framtíð-
ina. Þessi fallega unga stúlka
með brúnu geislandi augun, bar
af í hópi okkar ungu félaga henn
ar.
En er sólin skein hæst í heiði
er hún kölluð heim með hugann
fullan af björtum vonum um
framtíðina. Snæfellsjökull og
umhverfið fagra klæddist skýja
skrúða dapurleika og sorgar,
hún mamma hennar var dáin frá
stóra barnahópnum sínum,
yngsta barnið aðeins misseris
gamalt. Þá fórstu heim til að
þerra tárin af litlu mömmu-
lausu systkinunum. Já, ég
gleymi þeim dögum aldrei,
Sigga mín, þær voru góðar vin-
konur mæður okkar enda áttu
þær margt sameiginlegt í eðlis-
fari sínu. Það voru þung spor
er þú gekkst þá. Þú vildir sinna
systkinum þínum, en föður þín-
um fannst þú of ung, en að
nokkrum tíma liðnum komstu
aftur, þá var faðir þinn flutt-
ur upp til fjalla á afskekkta bæ-
inn Skarð. Þangað hraðaðir þú
för þinni er þú heyrðir hvað
systkini þín voru einmana er
faðir þinn var úti að vinna fyr-
ir daglegum þörfum heimilisins.
Þú gleymdir þínum fögru draum
um, það var annað sem kallaði,
já, það fegursta sem til er, móð-
urhlutverkið, og tókst að annast
litlu móðurlausu bræðurna og
systurnar, já, þú leystir það feg-
ursta verk af hendi sem nokkur
ung stúlka getur gert. Það veit
það engin betur en ég hvað mik-
ið kærleiksverk þú vannst í
fjallabænum litla á Skarði.
Eftir lát móðurinnar kom ráðs-
kona á heimilið og eignaðist fað-
ir hennar 2 dætur með ráðskon-
unni, Guðlaugu Pálsdóttur, þess-
ar dætur tók hún að sér ásamt
hinum systkinunum. Ég minnist
þín þegar þú varst að búa bróð-
ur þinn til fermingar. Manstu er
við mættumst í gamla daga að
Ingjaldshóli. Þá sá ég hvað kær-
leiksljós þitt skartaði skýrt er
þú gekkst inn kirkjugólfið með
bróður þinn.
Svo liðu árin; þú kynnist þín-
um ágætasta manni, Einari Ög-
mundssyni vélstjóra. Þið giftuð
ykkur 19. okt. 1980..
Mér er í fersku minni, er ég
var kölluð snemma morguns á
heimilið ykkar, þá er sjómenn
voru að fara til róðra, er einn
vélamaður varð fyri rþví óhappi
að fá kolsýrueitrun er hann ætl-
aði að setja vél í gang. Var þessi
maður fluttur á heimili þitt, sem
var í Hraunprýði, þar sem þið
voruð ný byrjuð að búa. Þú
gerðir allt sem hugsanlegt var til
að hjálpa okkur, sem vorum að
annast þennan mann og ég man
hvað þú lofaðir guð er þú sást
að tókst að lífga þennan unga
mann. Ég minnist allra þeirra
stunda er ég kom á heimili ykk-
ar hjóna, já, þegar ég tók á móti
börnunum þínum, þá var hátíð í
bæ, börnin prúð og hrein og allt
svo fágað og fínt, og hvað heitt
þú þakkaðir gjöfina er ég lagði
að brjósti þér, já, ég veit ekkert
dýrðlegra hér á jörð en er ég
gat lagt nýfætt barn í móður-
faðm og heyra sanna og trúaða
móður lofa guð fyrir góðar gjaf-
ir. _
Ég held að þú sért ein af þeim
sem alltaf treystir á handleiðslu
skaparans er sýndi sig bezt er
þú lagðir í þína þyngstu ferð,
er þú fórst til Danmerkur og
gekkst undir hjartaskurð. Mér
er kunnugt um hvað sterk og
örugg þú varst, enda dáðust
læknar og hjúkrunarlið að þreki
þ'ínu og þolinmæði. Leiðir okk-
ar hafa alltaf legið saman, nú
erum við nágrannar, báðar bú-
um við við sömu götu hér í
Njarðvík síðan við fluttum frá
Sandi og tókum alltaf þátt í
gleði sem sorgarstundum okkar.
Hér hefur þú eignast yndislegt
heimili með manni þínum og
börnum. Hér starfaði maður
þinn sem vélstjóri við hraðfrysti
hús bræðra sinna, Karvels og
Þórarins Ögmundssona, sem
mörgum veitti atvinnu hér á
kreppuárunum.
Þið hjónin eigið miklu barna-
láni að fagna, 8 börn hafið þið
eignast, öll mannvænleg og ynd-
isleg börn. Elzt þeirra er Hrefna,
gift Guttormi Jónssyni frá Sauð-
árkróki, 'Hafsteinn húsasmíða-
meistari, giftur Valgerði Jóns-
dóttur frá Grindavík, Jóhanna,
gift Oddi Sveinbjarnarsyni kenn
ara frá Snæfoksstöðum, Gríms-
nesi, Trausti, múrarameistari,
giftur Erlu Jónsdóttur, Tryggvi,
sem dó á fyrsta ári, Sólmundur,
er stundar haffræðinám í Berg-
en, giftur Astrid Bottolfsen hjúkr
unarkonu, Erna, gift Jóni Sig-
fúgsyni frá Keflavík og Sæmund
ur, rafvirki, trúlofaður Maríu
Ögmundsdóttur frá Garði.
Sigríður hefur látið félagsmál
mikið til sín taka, er gæzlumað-
ur barnastúku í Njarðvíkum, í
kvenfélagi Njarðvíkur, Snæfell-
ingafélaginu og slysavarnadeild
kvenna. Þegar litið er yfir far-
inn veg, er ekki hægt að sjá ann
að en að þú hafir verið mikil
gæfumanneskja, enda felur þú
þig og þína í hendi guðs, er það
líka það öruggasta leiðarljós
allra manna.
Elsku (Sigga) Sigríður mín,
við hjónin og fjölskylda mín
óskum þér hjartanlega til ham-
ingju með þessi tímamót ævl
þinnar og bið þér og þínum allp-
ar blessunar.
Þín vinkona
Margrét Jónsdóttir.
Þota fórst í Kalkútta
57 af 63 komust
Nýju Dehlí, 13. júní AP-NTB.
FARÞEGAÞOTA af gerðinni
Boeing 707 frá bandaríska flug-
félaginu Pan American fórst í
lendingu í dag við flugvöllinn í
Kalkútta og með henni 6 manns.
Rigning var og slaem veðurskil-
yrði er slysið átti sér stað og
snertu hjól þotunar jörðu um
einn og hálfan km frá enda fiug-
brautarinnar. Eldur kviknaði
þegar í flakinu.
Með þotunní voru 53 fanþegar
og 10 flugliðar. Ein flugfreyja
var meðal þeirra sem fórust.
Allir sem komust lífs af voíT'U
þegar fluttir í sjúkrahús og
munu 23 hafa verið slasaðir,
sumir lífshættulega.
Starfsmaður í flugturninum í
Kalkútta sagði að vélin hefði
verið að koma inn til lendingar
í mikilli rigningu og hefði ekki
náð enda flugbrautarininair. Kom
vélin niður á rísákri. Slökkvi-
/í fs af
liðs og sjúkrabílar voru komnir
á staðinn samtímis og brennandi
flakið staðnæmdist og hófu þeg-
ar björgunaraðgerðir. Farþegam-
ir stukku hljóðandi alls staðar
úr flakinu og skreiddust í burtu
frá því.
Meðal þeirra er lífs komust
var Gilbert Baker, brezkur bisk-
up frá Hong Kong. Sagði hann
fréttamönnum að flestir farþeg-
ana hefðu verið sofandi er flug-
vélin tók iniðrL Baker sagðist
hafa stokkið út um riíu á vélimni
þegar er hún staðnæmdist. Rann
sóknarnefnd frá Bandaríkjumum
er á leið til Kalkúbta fál að reyna
að komast fyrir um orsök slyss-
ins.
Þetta er annað flugslysið f
Indlandi á tveimiur vikum, en 28.
maí sl. fórst Corvair 990 þota
skömmu eftir flugtaik frá Bom-
bayflugvelli og fórust allir sem
um borð voru, 29 manns.
Verzl unarhúsnæði
fyrir búsáhaldaverzlun, óskast til leigu. Kaup á
húsnæði í byggingu eða verzlun án vörubirgða
kemur til greina.
Tilboð í síma 17-7-71.
FYRIR 17. JÚNÍ
BARNAFÁNAR — BLÖÐRUR —
FILMUR — SÓLGLERAUGU.
OPIÐ ALLAN DAGINN 17. JÚNÍ.
VERZLUNIN ÞÖLL, Veltusundi,
(gegnt Hótel ísland bifreiðastæðinu).
í SLENDIN
SJÁIÐ ÍSLENDINGAR OG HAFIÐ OG
NJÓTIÐ GLÆSILEGRAR SKEMMTUNAR
KEFLVÍKINGA, SEM HEFST KL. 3.
GAR O G HAFID
DAGUR KEFLAVÍKUR I DAG
SKEMMTIDAGSKRÁ KL. 3
j LAUGARDALSHÚLL —
í dag er dagur Keflavíkur á sýni ngunni íslendingar og hafið með
sérstakri skemmtidagskrá kl. 3.
D A G S K R Á :
1. HLJÓMAR leika og syngja.
2. HELGI SKÚLASON Ies upp.
3. LÚÐRASVEIT PILTA leikur undir stjórn
HERBERTS H. ÁGÚSTSSONAR.
4. KRISTINN REYR les Ijóð.
5. REIPTOG.
6. SIGFÚS IIALLDÓRSSON leikur á píanó og syngur.
Skemmtuninni stjórnar Helgi S. Jónsson.
Sérstakt tækifæri fyrir alla fjölskyldunua.
ÍSLENDINGAR OG HAFIÐ