Morgunblaðið - 09.07.1968, Side 11

IIORGUNBLAÐIÐ, ÞRIÐJUDAGUR 9. JÚLÍ 1968
11
Harðri baráttu um Norðurl.meistaratitil í tug-
þraut lauk með sigri Svíans HEDMARKS
— úrslit fengust ekki fyrr en í síðustu grein
1500 metra hlaup tugþrautarinnar að hefjast. Lengst til vinstri er Svíinn Hedmark en lengst tilvinstri á hvitum bol er Daninn
Jensen. Svo sem sjá má gefur Svíinn honurn nánar gætur.Skömmu síðar tóku þeir forystu í hlaupinu.
— ÞÚ verður — þú skalt!, sagði
einn af dönsku fararstjórunum
þegar Steen Scmidt Jensen var
að afklæðast æfingabúningnum
fyrir 1500 metra hlaupið í Norð-
urlandameistarakeppninni í tug-
þraut á sunnudaginn. Jensen
horfði um stund á keppinaut
sinn, Svíann Hedmark, sem einn-
ig var að búa sig undir hlaupið.
Xil þess að eiga möguleika á
sigri þurfti Daninn að vinna
hlaupið með töluverðum yfir-
burðum. Hann átti fyrir miklu
betri tíma í hlaupinu en Sviinn,
svo hann átti vissulega mögu-
leika. En Hedmark var líka
ákveðinn. Fyrir hlaupið sagðist
hann vona fastlega að það 73
stiga forskot sem hann hefði eft-
ir 9 greinar mundi nægja.
Svo gall flauta ræsisins við og
von bráðar var hlaupið hafið.
Eftir nokkra metra hafði Jensen
tekið forystuna og stikaði áfram,
einbeittur á svip. En lledmark
gaf sig ekki; gætti þess að sleppa
ekki Jensen of langt á undan
sér„sér. Þannig fylgdust þeir að
þrjá fyrstu hringi hlaupsins. Þeg
ar'300 metrar voru eftir í mark-
íð lét Jensen til skarar skríða.
Hann tók mikinn sprett og neytti
síðustu krafta sinna. Hedmark
átti ekki svar við sprettinum og
óðum dró í sundur. Báðir gerðu
eins og þeir gátu og komu ör-
magna í mark. Aðeins eitt var
eftir, að bíða úrskurðar tíma-
varðanna, — bíða og sjá hvort
sigur Jensens í hlaupinu hefði
orðið nógu stór.
En svo reyndist ekki vera.
Jensen hljóp á 4:26,2 mín., en
Hedmark á 4:33,8 mín. Stigin
sem skildu að voru aðeins 22.
Hedmark hlaut 7625 stig og Jen-
sen 7603. Báður voru því yfir
gildandi Norðurlandameti Dan-
ans í þrautinni, en hins vegar
fást þessi afrek ekki tekin gild
sem met, þar sem of mikill með-
vindur var í fyrstu greinum
keppninnar. Þegar dómarar
birtu úrskurð sinn eftir hlaupið,
gekk Daninn til Svíans og ósk-
aði honum til hamingju m<|Ö
handabandi. Harðri en drengi-
legri keppni var lokið.
★ Valbjörn hætti
Það varð snemma ljóst í
tugþrautarkeppninni, að aðal-
keppnin mundi standa milli Jen-
sens og Hedmark. íslendingar
höfðu gert sér miklar vonir um
að Valbjörn mundi blanda sér i
þá baráttu og eftir fyrstu grein
keppninnar leit út fyrir að þær
vonir mundu rætast. En svo kom
á daginn að Valibjörn hætti
keppni eftir þrjár greinar. Kvað
sig kenna svima. Þá varð Páll
Eiríksson einnig að hætta eftir
2 greinar. Tognaði hann illa í
langstökkskeppninni. Jón Þ.
Ólafsson var því einn eftir til
að halda uppi heiðri fslands, og
verður ekki annað sagt en hann
hafi staðið sig með sóma. Hans
aðalkeppikefli að undanförnu
hefur verið Olympíulágmarkið i
hástökki, og hann hefur því lít-
ið sinnt þvi að æfa undir tug-
þraut.
Jensen tók forystuna eftir
fyrstu grein, en í næstu grein,
langstökkinu, náði Hedmark
Framhald á fbls. 24
Við getum hjálpaö hvor
öðrum að ná Evrópuklassa
Sagði Hedmark að unnum
sigri í tugþraut
Það voru fyrst og fremst
hinar hörðu og góðu hlaupa-
brautir á Laugardalsvellinum,
sem gerðu gæfumuninn fyrir
mig, sagði Linnart Hedmark,
sigurvegarinn í tugþraut að
keppni lokinni. Að vísu er
vindurinn erfiður viðureignar
og kaldinn bætir ekki úr skák
— en þessi tvö atriði eru þau
einu sem ég hef yfir að
kvarta. En umfram allt látið
koma fram þakklæti til vall-
arstjórans fyrir hinn ágæta
völl og göðu brautir.
Lennart Hedmark er 23 ára
og íþróttakennari. Hann hef-
ur tvö undanfarin ár einbeitt
sér a'ð tugþraut og keppt 7
sinnum hvort ár. Hann er
einkar þægilegur maður í við
móti og hógvær í framkomu.
Ég ætla mér að reyna að
ná Evrópuklassa á þessu ári.
Það skortir enn nokkuð á að
svo sé. Lágmark til að teljast
til hans er 7800 stig. Það er
mitt takmark — helzt í ár. Eg
tel að Steen Schmidt Jensen
geti einnig náð þeim klassa,
en hann þarf einkum að
leggja áherzlu á að bæta kast
árangur sinn.
— Ég setti persónulegt met
í einni grein í þessari tug-
þraut. Það var í 100 m hlaupi.
Árangurinn í stangarstökki,
400 m og kúluvarpi var lakari
en ég hef áður náð í þraut. I
öðrum greinum náði ég mín-
um bezta árangri í þrautar-
keppni. Það réði úrslitum.
— Spjótkastið — mín bezta
grein tókst ekki vel — sagði
Hedmark er við beindum tali
að þeirri grein. Og hann
bætti við. Ég hef kennt
eymsla í handlegg, þannig að
ég hef ekki viljað taka á í
spjótkastinu, því ef ég beitti
mér að fullu nú, yrði ég e.t.v.
frá mánuðum saman. að er
hins vegar ekkert leyndar-
mál, áð á Mexico-leikjunum
læt ég ekkert ósparað. Þá
beiti ég mér til fulls í spjót-
kastinu — næst síðustu grein-
inni — og hleyp þá 1500 m
með hendina í fatla ef með
þarf.
Við beindum tali að gagn-
rýni Dana á tímatökuna í 100
m hlaupinu, þar sem þeir
töldu Hedmark hafa fengið
of góðan tíma og töldu Ijós-
myndir sanna sitt mál.
Tímatakan í 100 m hlaup-
inu voru mistök. Ég átti 1/10
úr sek. lakari tíma en Val-
bjöm. En eftirá gleðst ég yfir
að sá tímamun'ur gef.ur 22
stig eftir stigatöflu en ég
vann þrautina með 22 stiga
mun.
Að lokum ítrekaði Hed-
mark að hann væri Dananum
þakklátur fyrir „dráttinn“ í
1500 m hlaupinu og einmitt
1500 m hlaupið hefði odðið til
að hann náði bezta árangri
sem náðst hefur á Norður-
löndum. En hann kvaðst og
vona að bæði hann og Jensen
næðu sem fyrst Evrópuklassa
og til þess gætu þeir hjálpað
hvor öðrum. Hér kvaðst hann
hafa átt góða daga og góða
dvöl og sér mundi ekki úr
minni líða ágæti Laugardals-
vallarins.
— A. St.
Jensen Danmörku og Hedmark Svíþjóð virtust perluvinir
spjölluðu saman áður en 1500 metra hlaupið hófst.