Morgunblaðið - 02.11.1968, Side 20

20
MORGUNBLAÐIÐ, LAUGARDAGUR 2. NÓVEMBER 1968
Geir Hallgrímsson svarar fyrirspurnum fundargesta. Við hlið hans sitja fundarstjóri, María
Pétursdóttir .hjúkrunarkoa, og fundarritari, Agnar Friðriksson, viðskiptafræðinemi.
- FYRIRSPURNIR
Framhald af bls. 13
Vesturbænum, vil ég leyfa mér
að gera eftirfarandi fyrirspurn
til háttvirts borgarstjóra:
Hvenær verður hafizt handa
um að fjarlægja hin einskis
nýtu blikkport við Fischers-
sundið. Þessi stutta gata er einn
aðalgöngustígurinn úr gamla
hluta Vesturbæjarins í miðborg-
ina og margir eiga þar leið um
oft á dag. En í skammdeginu er
þessi stígur sannkölluð skugga-
leið. Og oft hef ég heyrt konur
kvarta yfir ónæði drukkinna
manna, sem þarna híma í skúma-
skotum, er kvölda tekur, og eiga
það til að áreita vegfarendur.
í miðborginni er mikill hörgull
á bílastæðum og virðist því
liggja í augum uppi, að nýta
beri þessar blikkportalóðir til
þeirra hluta. Og þessi skökku og
skældu port geta verið hreinn
skaðvaldur, en ég veit dæmi þess
að vegfarendur hafi rifið fatnað
sinn, sem of nærri þeim hafa
gengið.
Borgarstjóri: Ég er sammála fyr
irspyrjanda um það, að þarna
er um grindverk að ræða, sem
ekki eru til prýðis. í>ó er þarna
um að ræða grindverk um eign-
arlóðir borgara, sem bærinn út
af fyrir sig getur ekki krafizt
niðurrifs á nema að metið sé, að
um slíka óprýði sé að ræða eða
hættu fyrir gangandi vegfarend
ur, að nauðsynlegt sé að fjar-
lægja þau. Og ég er ekki frá
því, að það sé vel hægt að rök
styðja slíkt álit í þessu tilviki.
Varðandi Grjótaþorpið í heild
sinni, er ætlunin að það sé í
raun og veru það svæði í gamla
bænum, sem helzt komi til kasta
borgaryfirvalda að hreinsa veru
lega til. Ætlunin er, að Suður-
gata framlengist í boga um
grjótaþorpið og síðan í brú nið
ur í Geirsgötu og jafnframt
komi gangbrautir, upp í gegn
um Fischersund. Auðvitað verð-
ur þetta ekki alveg á næstunni
en smátt og smátt þarf að
hreinsa til á þessu svæði og með
al annars að þessu leyti, sem
fyrirspyrjandinn nefnir.
Kristmann Magnússon, Tún-
götu 29: 1) Þó borgarstjóri hafi
að sumu leyti getið framkvæmda
í hitaveitumálum, þá langar mig
til að spyrja, hvort einhverjar
sérstakar ráðstafanir hafa ver-
ið gerðar til þess að tryggja
nægjanlega heitt vatn á Landa-
kotssvæðið og þá um leið um
Skólavörðuhæðina.
2) Er möguleiki á því að auka
þrýsting á kalda vatninu (og á
ég þar ekki við heita vatnið í
kuldakasti) í Vesturhænum, en
þrýstingur þar er verulega mik
ið minni en eðlilegt er.
3) Mér skilst að það sé háð
samþykkt borgarstjórnar, hver
ökuhraði innan borgarsvæðisins
sé. Mig langar því að spyrja
hvenær búast megi við hækkun
lágmarksökuhraða, svo hægt
verði með góðri samvizku að
aka á réttum hraða.
Borgarstjóri: Varðandi fyrstu
fyrirspurnirnar um framkvæmd
ir í hitaveitumálum, þá skal ég
geta þess, að á s.l. ári hefur
hitaveitan gert ýmsar fram-
kvæmdir, mismunandi miklar, á
dreifikerfinu í Vesturbænum,
samtengingar og annað því um
líkt á 21 stað. Samsvarandi end
urbætur í Austurbænum hafa
verið gerðar á 36 stöðum. Jafn-
framt hefur svo verið haldið á-
fram að koma fyrir hemlakerf-
um í hitaveitukerfunum til þess
að miðla heita vatninu betur á
milli húsanna og jafna þrýst-
inginn og hygg ég að nú sé
lokið við um það bil að setja
slíkt hemlakerfi á helming
þeirra kerfa, sem ætlunin er að
tengja, eða um 3500 af 7000. Þá
hiefur varmaafl hitaveitunnar
aukizt mjög mikið á síðasta ári
og vonandi verður nýting þess
að sama skapi betri.
Varðandi möguleika á því að
auka þrýsting á kalda vatninu
í Vesturbænum get ég ekki svar
að fullkomlega. Eg hygg, að við
höfum alla jafna og raunar er
hægt að fullyrða það, að nægi-
legt vatnsmagn er til staðar eft-
ir að Bullaugnavirkjunin var
tekin í notkun. Þó er hún ekki
nema að nokkru leyti nýtt. Þar
er hægt að fá meira vatn og
auka þess vegna aðfærsluna í
bæinn og þrýstinginn almennt í
bænum. Mér skilst, að það sé nú
ekki annars staðar heldur en í
og við Landakotshæðina og ef
til vill á örfáum stöðum í Skóla-
vörðuholti, sem ber á því, að
þrýstingur kalda vatnsins falli,
til úrbóta er dælustöð og ein-
hverjar endurbætur á dreifi-
kerfi.
Það er rætt um ökuhraða inn-
an borgarsvæðisins. Ég veit ekki
hvenær álitið er óhætt að
hækka lágmarksökuhraða eftir
H-daginn. Það hefur verið svo
að slysatölu hefur verið haldið
í skefjum eftir H-daginn, þó bar
á því núna með haustkomunni
að slysafjöldi jókst, og það get-
ur verið þess vegna, að nokkuð
verði dregið við sig að auka
ökuhraðann, en með því að ég
renni þarna blint í sjóinn, þá
held ég, að ég hafi ekki fleiri
orð um það, hvenær slík hækk-
un mun eiga sér stað.
Jóhannes Jóhannessen, Vest-
urgötu 41: Mig langar til að
spyrjast fyrir um örlög Selbúð-
ar. Ég reikna með, að þær eigi
að rífa, og þá vildi ég gjarnan
vita hvenær, og mér dettur í
hug í sambandi við Selbúðirnar,
hvort ekki gæti þarna orðið um
lóðir undir barnaleikvelli, gæzlu
leikvelli eða hvað það nú heitir
að ræða. Og svo vil ég að lok-
um þakka borgarstjóra fyrir
fundinn.
Borgarstjóri: Selbúðir eru á
skrá sem heilsuspillandi hús-
næði, sem verði að rífa, ásamt
með húsum eins og til að mynda
Höfðaborginni. Það hafa verið
gerðar áætlanir um skipulagt
niðurrif þessara húseigna í eigu
borgarinnar, sem heilsuspillandi
eru, og samkvæmt því verða
rifnar 10-15 íbúðir í Höfðaborg
núna fyrir áramót og síðan 20
íbúðir þar á hverju ári, en áætl
unin tekur að vísu ekki til vals
á einstökum húseignum eða röð
á niðurrifi einstakra heilsuspill
andi húseigna borgarinnar, en
ég hygg að Selbúðirnar séu þar
mjög ofarlega á dagskrá. Og án
þess að ég geti áttað mig á því
nú á stundinni, þá getur vel kom
ið til greina að við getum leyst
það mál, sem var hér fyrr á dag
skrá á fundinum, þ.e.a.s. varð-
andi leiksvæði fyrir þau börn
sem búa við Vesturgötu og Rán
argötu og ekki hafa fullkomið
leiksvæði enn sem komið er, í
sambandi við það.
Hjörtur BjÖrnsson, Holtsgötu
26: Þó alltaf sé verið að bora í
Blesugróf og 120 stiga heitt vatn
komi úr hverri holu, kemst þó
ekkert af þes3u vatni vestur yf-
ir Túngötuhæð Þar hefur hita-
veita verið mjög léleg í haust,
og í dag 30.10. rétt seytlar þar
úr krönum.
Borgarstjóri: Það eru mér mik
il vonbrigði að heyra þessa fyr-
irspurn. Eg get alveg trúað ykk
ur fyrir því, að ég gerði það nú
síðast allra mála, áður en ég kom
á þennan fund, að hafa sam-
band við hitaveitustjóra og
spyrja um hvernig hitaveitan
stæði sig í þessu fyrsta kulda-
kasti vetrarin3. Og sannleikur-
inn er sá, að það er nóg heitt
vatn á geymunum og ég held
þess vegna, að þarna hljóti ann-
að tveggja að vera um að ræða,
að í þessari götu og í nágrenni
Holtsgötu 26 sé enn ábótavant
um einhverjar götuleiðslur eða
tengingar, eða að innanhúskerf-
ið hafi svikið. Það er alveg sjálf
sagt að hafa samband við hita-
veitu varðandi þetta og leiðbein
ingadeild hennar. Ég tel ofmælt
að þarna komi ekkert heitt vatn
vestur yfir Túngötu og alla vega
getum við núna sagt það sem
við gátum ekki sagt áður, að
það á að vera til nóg vatn
fyrir alla borgarbúa. Og þess
vegna getum við takmarkað
þá möguleika sem um er að
ræða og koma í veg fyrir það
að hiti komist í tiltekið
hús. f þessu tilviki get ég þess
vegna ekki ímyndað mér að
annað sé að heldur en að ein-
hverju leyti gatnakerfi í allra
næsta nágrenni eða þá húskerfið
sjálft.
Helgi Sæmundsson: Mig lang-
ar að þakka þorgarstjóra fyrir
fundinn, þetta er skemmtileg til
breyting og það er margt, sem
hefur komið á dagskrá. Mig
langar að spyrja um tvö eða
þrjú atriði. Það er í fyrsta lagi
um þá starfsemi sem er rekin
á mótum Suðurgötu og Reykja-
víkurvegar. Það er nú kannski
erfitt að fara nákvæmlega út í
þetta, en í stuttu máli sagt
á þarna sér stað Viðgerð á
langferðabílum. Og afleiðing sú,
þessari starfsemi er eðlilega sú,
að gatan flóir út í olíu. Þarna
er mikil umferð og ekki sízt
umferð á börnum á leið í skól-
ann að vetrinum og sem leika
sér þarna á sumrin. Og í tilefni
af þessu langaði mig að spyrja:
Er nauðsynlegt að hafa svona
starfsemi eftir að í hverfinu
hefur risið fjölmenn og falleg
byggð, og viðhorfin eru orðin
allt önnur heldur en var áður
en þessi nýja byggð kom þarna
til sögu. Ég veit að það er
kannski erfitt að koma þessu í
kring vegna þess að það mætti
kannski deila um fegurðar- og
þrifnaðarsjónarmið almennings
annars vegar og einkahagsmuni
hins vegar, en í þessu efni verð-
ur að koma til samvinna meðal
aðila, sem hlut eiga að máli. Og
í sambandi við þetta langaði mig
að spyrja borgarstjóra um Njarð
argötuna eftir að henni var lok-
að, sem var mjög þörf ráðstöf-
un á sínum tíma, Njarðargatan
var hin mesta slysahætta í borg-
inni og þarna höfðu átt sér stað
mjög hryllileg slys á ára-
skeiðinu frá striðslokum og
þangað til fyrir 3-4 árum, a.m.k.
fjögur stórslys er ég man eftir,
og var því alveg sjálfsagt að
loka Njarðargötunni. Að vísu
hefði kannski verið ástæða til
að reyna í millitíðinni að
upplýsa hana eins og aðrar
götur, en það er nú önnur saga.
En eftir þetta væri mikil á-
stæða til að íhuga, hvort ekki
þyrfti að gera eitthvað fyrir
Reykjavikurveginn annars vegar
og hina götuna, sem liggur að
flugvellinum hins vegar. Þá götu
kann ég nú ekki að nefna, það
er nú af því ég er nýfluttur i
hverfið og kannski af því að ég
er ekki eins minnugur á nöfn
eins og sumt annað. En væri
ekki ástæða til a.m.k. að mal-
bika Reykjavíkurveginn og gera
eitthvað fyrir þetta umhverfi,
sem er eitt af borgarhverfum
Reykjavíkur.
Ég vil segja borgarstjóra, vini
mínum, það, að mín skoðun er sú
að það sé gert alltof lítið fyTÍr
borgarhliðin í Reykjavík. Það
lagast inn við Elliðavog, þegar
ný brú kemur á Elliðaárnar og
nýr vegur út úr bænum þar, en
aðstæður hafa verið mjög erf-
iðar við það borgarhlið. Hitt
borgarhliðið sem er þegar komið
er úr Hafnarfirði til Reykjavíkur
eða farið úr Reykjavík til Hafn
arfjarðar, er ekki einn af feg-
urðarblettunum á borginni, og
furðulegt, að ekki skuli vera
gert neitt til að bæta aðstæð-
urnar þarna, bæði til þess, að
þær séu út af fyrir sig betri
með tilliti til samgangnanna, sem
er auðvitað aðalatriðið, og svo
hitt hvað þetta er hryllilega
ljótt. Þetta er eins og varta á
andliti borgarinnar.
Reykjavíkurflugvöllur er orð
inn svo fjölsóttur staður, að það
verður áreiðanlega að gera eitt-
hvað í sambandi við það. Ég
vinn á skrifstofu í Þingholtun-
um og þrjú kvöld ekki alls fyrir
löngu átti ég leið úr Þingholt-
unum og niður í Lækjargötu til
að taka strætísvagn suður í
Skerjafjörð. f öll þessi kvöld
átti sér stað kappakstur bíla eft
ir Lækjargötunni upp Amt-
mannsstíginn, eftir Þingholtun-
um, og þetta var eins og hring-
ekja í kappakstri, en bara mun
urinn sá að þetta gerist á ákaf-
lega hættulegum slóðum í
Reykjavík. f eitt skipti munaði
mjög litlu að slys yrði, vegna
þess að gamall maður, sem var
að fara yfir götuna, var hér um-
bil lentur undir einum bílnum.
Það var alveg ljóst, að í öll
skiptin var um að ræða sömu bíl
ana. Ég tók að vísu ekki núm-
er af þeim vagna þess, að það
er ekki mitt verk að kæra svona
atferli til lögreglunnar, en það
er ákaflega hvimleitt að ekki
sé hægt að koma svona atriðum
í viðunandi form. Og mig grun-
ar, að þarna eigi sér stað kapp-
akstur eða einhverjar skemmti-
siglingar eftir götum hjá ung-
lingum. f eitt skiptið af þessum
vakti það mjög athygli mína, að
tveir lögregluþjónar stóðu fyr-
ir framan Menntaskólann og
gátu haft eins aðstöðu til þess
eins og ég að fylgjast með þessu
en þeir höfðu öðru að sinna.
Þeir voru að deila um það hvor
yrði betri forseti í Bandaríkj-
unum, Humprey eða Nixon. Væri
ekki ástæða til, að það verði
frekar hugsað um umferðina í
miðborginni að þessu leyti en að
við bíðum bara eftir úrslitunum
í Bandaríkjunum á þriðjudag-
inn kemur?
Borgarstjóri: Varðandi bif-
reiðaverkstæði langferðabíla við
Reykjavíkurveg og Suðurgötu,
hefur það eins og fyrirspyrjandi
sagði reyndar verið þarna um
áratuga skeið og þótt það hafi
ekki gert skaða í upphafi, þá
er það til trafala nú orðið. Og
í þeim tilgangi að koma þessari
starfrækslu burtu þaðan, hefur
félaginu verið úthlutað lóð á
öðru svæði, sem ætlað er til
slíks reksturs. Hinsvegar hafa
framkvæmdir ekki gengið mjög
hratt, eftir því sem mér sýnist
alla vega, og skal ég því ekki
lofa hvenær þessi starfræksla
getur farið þarna burtu. Ég veit
ekki hvernig samningsaðstaða
fyrirtækisins er á húsnæði þar
eða lóðum.
Um Rvíkurveg er það að segja,
að hann á samkvæmt aðalskipu-
lagi að falla niður á þessum
kafla fyrir norðan og austan
þessa bílabragga. Hins vegar eiga
tengslin við byggðina hérna meg
in flugbrautarinnar að fara um
nýja veginn meðfram flugbraut-
inni og eru það einu tengslin,
sem sú byggð á að hafa við
gatnakerfið, þar til ákveðin hef
ur verið nákvæmar nýting lands
ins austur og suður af núverandi
prófessorabústöðum en það land
svæði er meira og minna haft til
haga fyrir háskólann og starf-
semi hans og stofnana hans í
framtíðinni.
f sambandi við tengslin við
flugvöllinn almennt, þá hafa þau
verið talin nægileg, ef til komi
vegur frá Loflteiðahótelinu yfir
í Hafnarfjarðarveginn, sem hef-
ur verið byggður nú í sumar,
ásamt með framlengingu Sóleyj-
argötu fram hjá Loftleiðahótel-
inu og suður fyrir Öskjuhlíð, er
fari svo eftir suðurhlið Foss-
vogsdals og tengist aðal gatna-
kerfinu upp við Elliðaár.
Ég get verið sammála Helga
Sæmundssyni um það, að það
skiptir miklu máli, hvernig geng
ið sé um borgarhliðin. Borgar-
hlið Reykjavíkur eru hinsvegar
utar heldur en Elliðaárnar eru,
en vegna þess að hann nefndi
Elliðaárnar, þá gefur það mér
tilefni til þess að nefna, að bygg
ing Elliðaárbrúar og aðalumferð
argötu frá henni og austur úr
og norður úr er á vegum
Vegamálastjórnar ríkisins þar
sem skilin á milli innanbæjar-
gatna og þjóðvega eru þar sem
Elliðaár eru nú. En það breytir
ekki nauðsyninni á því, að þarna
sé vel gengið um, þar sem um-
ferð er mest.
Ég skal svo ekki leggja mörg
orð í belg um keyrslu ungling-
anna um miðbæinn eða kappakst
ur, veit þó, að lögreglan hefttr
haft töluverð afskipti af þessu
máli og rent að loka ýmsum göt-
um og breyta til frá viku til
viku í þeim tilgangi að stöðva
slíkan eltingarleik eða tilgangs-
lausa rúntkeyrslu. Slíkar ráð-
stafanir hafa gagnað misjafnlega
og þess vegna held ég það
breyti ekki miklu, þótt forseta-
kosningar gangi um garð I
Bandaríkjunum, það er alltaf
hægt að finna sér eitthvað at-
hyglisvert umræðuefni og ég
held það sé ekki vegna þess, að
lögreglan hafi ekki gert sér
grein fyrir þessum vanda og gert
ráðstafanir til þess að koma f
veg fyrir þetta, heldur hitt að
unga fólkið brýtur sér alltaf
nýjar leiðir meira og minna.