Morgunblaðið - 29.11.1968, Blaðsíða 3

MORiGUNBLAÐIÐ, FÖSTUDAGUR 29. NÓVEMBER 1968
3
„ÉG Á MARGA ferðina fram
á Eofsafrétt og hef þá alltaf
komið að Jökulsá eystri, sem
er öllum ófær, nema stærstu
fjallabílum og fuglinum fljúg
andi. Oft hef ég staðið á
hakka árinnar og séð í hugan-
um brú þar yfir og nú er þessi
draumsýn min að rætast“.
Þannig mælti Ingólfur Nikó
demusson frá Sauðárkróki,
þegar við hittum hann í porti
Vegagerðarinnar við Grafar-
vog í gær. Þar var Ingólfur
kominn með flokk manna og
brúna, en hana sóttu þeir aust
ur á Sólheimasand.
,,Þegar ég var að hugsa um
þetta“, heldur Ingólfur áfram,
„sá ég, að brú þarna yfir
kæmi ekki aðeins Skagafjarð
arhéraði til góða, heldur líka
öllu landinu, því Vesturbug
er greiðfært að Laugafelli. —
Ég fór að færa þetta í tal við
ýmsa menn og þegar ég fann,
Leiðangursmenn í Reykjavik (frá hægri) Guðmundur Elíasson, Sigurþór Hjörleifss., Hreinn
Þorvaldsson, Friðrik A. Jónsson, Þórður Eyjólfsson, Ingólfur Sveinsson og leiðangursstjórinn,
Ingólfur Nikódemusson. — Ljósm. Mbl.: Sv. Þorm.).
Með drauminn í farangrinum
að áhuginn var fyrir hendi,
ákvað ég að hrinda málinu í
framkvæmd.
Fyrsta skrefið var að hafa
tal af Gísla Felixsyni, yfir-
verkstjóra á Sauðárkróki, sem
kom mér í samband við Guð-
mund Arason verkfræðing hjá
Vegagerðinni. Við fórum
'frameftir og að brúarstæðinu
og mældum það“.
— Hvar á brúin að koma?
— Á Vesturbug, sem er suð
austanundan Vestari-Pollum.
Nú, þegar ég átti leið hingað
suður í vor, kom ég að máli
við vegamálastjóra og sagði
honum alla málavöxtu. Næst
hitti ég svo Jón B. Jónsson,
verkfræðing hjá Vegagerð
inni; það var í ágústmánuði,
og spurði hann bara hreinlega
að því, hvort við gætum ekki
fengið eina af þessum tíu, tólf
brúm, sem lægju með vegum
á Suðurlandi.
Hálfum mánuði síðar fékk
ég svo bréf frá Jóni, þar sem
sagði, að við mættum taka
22 metra stálgrindarbita úr
gömlu brúnni yfir Jökulsá á
Sólheimasandi og með fylgdi
teikning af brúnni.
Þetta var nú allt gott og
blessað. Næst var svo að
finna bílstjóra, sem vildu slást
í förina upp á þau býtti, að
við stæðum allir ábyrgir á
framkvæmdinni, hvað fjár-
hagslegu hliðina snertir.
— Þú hefur fengið þá?
— Ójá. Og vildu fleiri en
þurfti. Á sunnudag héldum
við svo áf stað frá Króknum
og vorum komnir á Sólheima-
sand á mánudagskvöld. Undir
Steinahlíðafjalli skall á okk-
ur ofsarok með grjóti og möl-
brotnaði þá framrúðan í jepp
anum mínum. Þetta var grjót
í völustærð. Strax á mánu-
dagskvöld hófumst handa við
að taka brúna sundur og
skipta okkur parti í þrjá
hluta.
— Hvernig gekk?
— Það gekk langt framar
djörfustu vonum. Á þriðju-
dagskvöld vorum við búnir
að lesta bílana og til Reykja-
víkur komum við svo klukk-
an 15 á miðvikudag.
— Og nú eruð við að leggja
í hann norður?
— Já. Það þýðir ekkert ann
að. Eins og dæmið stendur
nú ætlum við að flytja brúna
alla leið að brúarstæðinu á
Vesturbug.
— Þið farið þá upp úr Vest
urdal, eða hvað?
— Já, hjá Þorljótsstöðum.
Síðan upp hjá Stafnsvötnum,
vestan Reyðarvatns og svo
eins og leið liggur austan
Vestari-Polla og Vesturbug.
Þessi leið er meó snjóléttari
fjallaleiðum, einkum í norð-
austanátt. Á Vesturbug er ör-
uggt brúarstæði, vatnsborðið
er 13 metrar.
— Hvenær verðið þið komn
ir á leiðarenda?
— Það er ekki gott að segja.
Við högum ferðinni eftir að-
stæðum, en erum ekkert að
sperra okkur neitt í kapp við
tímann.
Við höfðum nú tafið Ingólf
góða stund og menn hans eru
orðnir óþreyjufullir. „Já, nú
förum við að hreyfa okkur“,
segir Ingólfur. „Bætið þið því
nú við, fyrst þið á annað
borð eruð að festa þetta á
blað, að Vegagerðin á skilið
miklar og góðar þekkir fyrir
aðstoðina við okkur, svo og
allir aðrir, sem við höfum
leitað til“.
Svo snarast Ingólfur inn í
jeppann, kvikur og hress. —
Hann lítur yfir bílana og
brosir. Nú þarf hann ekki
lengur að standa á bökkum
Jökulsár og láta sig dreyma,
því nú er hann með draum-
inn í farangrinum.
Bosnr Slyikfnríélngs
fatlaðrn og lamaðra
Á MORGUN, 30. nóvember,
klukkan 14, heldur Styrktarfé-
lags fatlaðra og lamaðra bazar í
æfingastöð félagsins að Háaleitis
braut 13.
Á bazarnum verður fjöldi eigu
legra muna, svo sem regnkápur
og slár fyrir gjafvirði, jólateppi
og skraut, skór, tágvörur, barna-
fatnaður og heilmikið af prjóna-
lesi.
Einnig verður leikfangahapp-
drætti á staðnum, og verður dreg
ið í því er líða fer á daginn.
Verði á bazarmunum er mjög
stillt í hóf. Félagið hefur haft
föndurkennara, frú Skúlínu Stef
ánsdóttur, sér til aðstoðar í
haust, um gerð bazarmuna.
Bazarmunir að Háaleitisbraut 13 hjá Styrktarfélagi fatlaðra og
lamaðra.
KARNABÆR
TÍZKUVERZLUN UNGA FÓLKSINS — SÍMI 12330.
í ÞESSARI AUGL. HEFST
VÖRUKYNNING OKKAR
Opið til kl. 4 á morgun, laugardag.
í GÆR VORU TEKNAR
UPP PEYSUR, SKYRTUR,
KJÓLAR, KÁPUR OG Á
MORGUN HEF ÉG SANN-
FRÉTT AÐ KOMI MEIRA
AF ÓDÝRUM KÁPUM UR
TWEED. EINNIG GLANS-
ANDI REGNKÁPUR, VESTI
O. FL.
HERRADEILD
PEYSUR: VTÐ HÖFUM EINKAUMBOÐ
FYRIR MARGA ÞEKKTUSTU PEYSU-
FRAMLEIÐENDUR ENGLANDS. ENG-
LENDINGAR HAFA LÖNGUM VERIÐ
ÞEKKTIR FYRIR PEYSUR. ÞESSI
VÖRUMERKI: JEFFERSON, CAPITOL,
BENTLEY, MACDOUGAL ERU HEIMS-
ÞEKKT. NÝKOMIÐ ÚRVAL AF PEYS-
UM FRÁ ÞESSUM FýRIRTÆKJUM.
DÖMUDEILD
PEYSUR: VIÐ HÖFUM EINNIG EINKA-
UMBOÐ FYRIR ÞEKKTUSTU PEYSU-
FRAMLEIÐENDUR BRETA. HVER
KANNAST EKKI VIÐ HAROLD
INGRAM OG JOHN GRAIG?
NÝKOMIÐ MIKIÐ ÚRVAL MINI-
PEYSUR FRÁ GUILDKNIT KNITVEÁR
LTD. ÚR 100% SHETLAND ULL OG
DRALON. EINNIG ÚRVAL PEYSUR
FRÁ JOHN GRAIG.
STAKSTIIIVAR
Hinn „pólitíski
armur“ verkalýðs-
hreyíingarinnar
Kommúnistar þreytast aldrei
á því að upplýsa landsmenn um
að Kommúnistaflokkurinn eigi
að vera hinn „pólitíski armur“
verkalýðshreyfingarinnar og
raunar hefur það verið skil-
greint mjög skilmerkilega í
kommúnistablaðinu hvað í því
fellst, þ.e. að kommúnistar eigi
að marka stefnu verkalýðsfélag-
anna, en þau eigi síðan að fram-
fylgja þeirri stefnu. Það er í'
fullu samræmi við þetta grund.
vallarsjónarmið kommúnista, að
stjóm Sósíalistafélags Reykja-
víkur sendi fulltrúum á ASÍ-
þingi boðskap fyrir tveimur dög-
um, þar sem stefnan er mörkuð,
sem kommúnistar heimta að
verkalýðshreyfingin fylgi. í þess
um boðskap segir m.a.: „Það
ástand í atvinnu- og launamál-
um, sem hér hefur verið lýst í
stuttu máli, krefst þess, að sam-
tök verkalýðsins bregðist af
hörku og einbeitni við þeirri gíf-
urlegu árás.... við skorum þess
vegna á þetta þing allslierjar-
samtaka verkalýðsins, að gera
skipulagslegar ráðstafanir til
þess að vígbúa samtökin til af-
dráttarlausrar baráttu ... Okkur
er ljóst, að sú barátta leiðir til
harðra átaka við fjársukksmenn-
ina og f jandsamlegt ríkisvald ...“
Kommúnistablaðið birti þennan
boðskap um „vígbúnað“ og fleira
með augsýnilegri velþóknun í
gær og veitti honum myndarlegri
sess í blaðinu en stjóm Sósíal-
istafélags Reykjavíkur hefur átt
að venjast um nokkurt skeið.
Eðvarð á að fram-
kvæma stefnuna
Skv. skilningi kommúnista á
afstöðu Kommúnistaflokksins til
verkalýðshreyfingarinnar er
fyrsta stigi baráttunnar nú lokið.
Flokkurinn hefur markað stefn-
una og komið henni á framfæri
við verkalýðsfélögin. Næsta stig
verður svo það að menn á borð
við Eðvarð Sigurðsson, Guð-
mund J., Snorra Jónsson, Jón
Snorra og Guðjón Jónsson, eiga
að framfylgja fyrirmælum
stjórnarmanna Sósíalistafélags
Reykjavíkur, þeirra Steingríms
Aðalsteinssonar, Guðna Guöna.
sonar, Ólafs Jenssonar, Eddu
Guðnadóttur, Högna ísleifssonar,
Guðmundar Jónssonar og Páls
Bergþórsonar. Þriðja og síðasta
stigið er svo það, að þegar bar-
áttunni er lokið eru ofangreind-
ir verkalýðsleiðtogar teknir fyrir
á fundi í Sósíalistafélagi Reykja-
víkur og væntanlega hundskamm
aðir fyrir lélega frammistöðu.
Það er nefnilega mjög erfitt að
gera spekingunum í Sósíalista-
félaginu til hæfis.
Hvað segja fulltrúar
á ASÍ-þingi?
En hvað skyldu fulltrúar á
ASÍ-þingi segja um slíkan boð-
skap. Skyldu þeir ekki velta því
fyrir sér hvemig þetta erindi
hefur komizt á borð þeirra? Gæti
ekki verið að þær spumingar
vöknuðu hvemig á því stendur
að stjórnmálafélagi er heimilað
að dreifa slíkum áróðursplögg-
um á þingi Alþýðusambands Is-
lands. Hver er ábyrgur fyrir
því?
«r

t
«.