Morgunblaðið - 28.02.1974, Side 3
MORGUNBLAÐIÐ, FIMMTUDAGUR 28. FEBRUAR 1974
3
Kjartan Guðjónsson.
Öskar Magnússon.
Jón Gunn^ir Gíslason.
Sigurjón Bjarnason.
Valgerður Sveinsdóttir. Jóhann Jóhannsson.
Síðastliðinn sunnudag, 24. febrúar, var framboðs-
listi Sjálfstæðisfélags Eyrarbakka við komandi
hreppsnefndarkosningar samþykktur samhljóða á
fundi félagsins. Helgina áður hafði farið fram próf-
kjör með þátttöku 160 manns.
Framboðslisti
Sjálfstæðisflokksins
á Eyrarbakka
Listann skipa eftirtaldir:
1. Kjartan Guðjónsson formaður
Verkalýðsfélagsins Bárunnar
2. Óskar Magnússon skólastjóri og oddviti
3. Jón Gunnar Gíslason vélvirki
4. Sigurjón Bjarnason gæzlumaður
5. Valgerður Sveinsdóttir húsmóðir
6. Jóhann Jóhannsson útgerðarmaður
7. Ólafur Vilbergsson skipstjóri
8. Magnús Karel Hannesson kennari
9. Eiríkur Guðmundsson trésmiður
10. Bjarni Jóhannsson skipstjóri
11. Jóhann Gíslason vélvirki
12. Guðmundur Guðjónsson bifreiðarstjóri
13. Böðvar Sigurjónsson garðyrkjubóndi
14. Sigurður Andersen símstöðvarstjóri.
Aðalfulltrúi f sýslunefnd:
Óskar Magnússon skólastjóri.
Varafulltrúi í sýslunefnd:
Jóhann Jóhannsson útgerðarmaður.
Helgi Tómasson sýn-
ir í Þjóðleikhúsinu
Ballettdansarinn Helgi
Tómasson ásamt 10 sólódönsur-
um frá New York City ballett-
flokknum eru væntanlegir til
tslands n.k. þriðjudag og mun
flokkurinn halda sex sýningar
á vegum Þjóðleikhússins.
Fyrsta sýningin verður mið-
vikudaginn 6. marz og síðan
verður ein sýning á dag fram til
sunnudagsins 10. marz, en þá er
í ráði að efna til tveggja
sýninga. Aðal mótdansari
Helga í þessum ballettsýning-
um verður hin þekkta sóló-
dansmær Kay Mazze.
Helgi Tómasson er nú álitinn
meðal fremstu dansara heims
og hefur hann dansað með
mörgum heimsþekktum ballett-
flokkum svo sem ballettflokki
Roberts Joffreys, Harkness-
ballettinum og síðan 1970 með
New York City ballettflokkn-
um, sem er nú einn þekktasti
ballettflokkur vestan hafs.
Sólödansmærin Kay Mazze.
Mótdansari Helga er eins og
áður segirKay Mazzo, sem einn-
ig er talin í hópi fremstu list-
dansara heims. Hún hóf feril
sinn með New York City
ballettinum árið 1962, þar sem
hún hefur starfað síðan — sem
sólódansari síðan 1965. Hún
hefur m.a. komið fram áalþjóð-
legum sýningum í Berlín og
Genf og hlotið margs konar
viðurkenningu fyrir list sina,
m.a. verðlaun sem kölluð eru
Madamoiselle Merit Award árið
1970.
Helgi Tómasson gisti Reykja-
vík fyrir þremur árum og hélt
ballettsýningar í Þjóðleik-
núsinu ásamt sólódansmeynni
Elisabeth Carroll. Aðsókn að
þeim sýningum var mjög góð og
urðu margir frá að hverfa. I
þetta skipti er hann ekki
einungis með frábæran mót-
dansara heldur og marga aðra
úrvaldsdansara, þannig að allar
likur eru á að færri komist að
en vilja á sýningar hans að
þessu sinni. Aðgöngumiðasala
hefst föstudaginn 1. marz.
Helgi Tómasson.
Búnaðarþing vítir starfs-
mann Búnaðarfélagsins
SÁ atburður gerðist í gær á loka-
fundi Búnaðarþings að þingið
samþykkti vítur á Gunnar
Bjarnason ráðunaut, fyrir baráttu
hans gegn sköttun á útflutnings-
hrossum. Viturnar voru sam-
þykktar með 19 atkvæðum gegn 1
(Egils Jónssonar), en 5 sátu hjá.
Þar sem Gunnar Bjarnason er
einn af elztu starfsmönnum Bún-
aðarfélagsins, hefur þar að baki
sér 35 ára starf í þágu landbúnað-
arins má þetta teljast allsögulegur
atburður, ekki sízt þar sem um-
ræður um víturnar og samþykkt
þeirra var gert að honum fjarver-
andi.
Fara víturnar hér á eftir:
„Dagblaðið vísir birti 21. og 23.
febrúar sl. viðtal við Gunnar
Bjarnason, svína- og alifuglaráðu-
naut Búnaðarfélags Islands og
umsjónarmann með hrossasölu. I
viðtölum þessum er því ranglega
haldið fram, að seljendur hrossa
greiði Búnaðarfélagi íslands
skatta af útflutningsverði þeirra.
Ennfremur eru bændur landsins
bornir þeim alvarlegu sökum, að
þeir telji ekki fram til skatts tekj-
ur af hrossasölu innanlands.
Búnaðarþing lýsir furðu sinni á
þessum fullyrðingum starfs-
manns Búnaðarfélags íslands og
vítir þau harðlega. Skorar þingið
á Gunnar Bjarnaso'n að biðjast
afsökunar á þessum ummælum á
opinberum vettvangi."
Morgunblaðið náði tali af Gunn-
ari Bjarnasyni síðdegis í gær og
bað hann um að svara nokkrum
spurningum um þettamál.
— Búnaðarþing segir þig fara
ranglega með það f viðtali við
Vísi, að seljendur hrossa greiði
Búnaðarfélagi tslands skatta af
útflutningsverði þeirra. Hverju
viltu svara þessu ?
— Búnaðarþing lagði það til á
s.l. vetri að lagður yrði skattur á
Gunnar Bjarnason.
sum útflutt hross, 20% á útflutta
stóðhesta og 10% á útfluttar
hryssur. Þetta gjald er ætlunin að
nota til hrossakynbóta, en ekki er
enn vitað, hvernig með skal fara,
þar sem félagið hefur ekki enn
gefið út reglugerð um það. Þetta
ákvæði varð svo að lögum í apríl
s.l. Búnaðarfélagið á að ráðstafa
þessu fé likt og fé til nautgripa-
ræktar og jarðræktar. Þegar ríkis-
sjóður greiðir fé til Búnaðarfé-
lagsins þá er það kallað framlag,
þótt það sé skattfé. En þegar til-
tölulega fáir bændur og hestaeig-
endur eru skattlagðir um millj-
ónaupphæðir í fjöldans þágu, þá
finnst mér hæpið að kalla það
„framlag", enda er þetta oftast
kallað manna á meðal „hrossa-
skattur Búnaðarfélagsins". —
Mér er sama hve miklar vítur ég
fæ gegn þessum ranglætisskatti.
Eg mun halda baráttunni gegn
honum áfram meðan ég stend
uppréttur. Þetta væri aumt þjóð-
félag, ef enginn vildi berjast gegn
ranglæti aðeins af þeim sökum, að
svo fáir menn eiga i hlut. Ég held
við vitum enn hvað orðið dreng-
skapur þýðir.
— Þú ert líka víttur fyrir að
bera á menn slælega tíund hrossa
og tekna af hrossasölu.
— Já, ég gat þess, að margir
vildu heldur selja hesta innan-
lands á lægra verði en til útlanda
þar sem skattayfirvöld ná ekki
alltaf tilþeirra viðskipta. Þetta er
ekkert launungarmál, og því síður
feimnismál. Ritstjóri Vísis sagði
áðan við mig i samtali, að það
væri svona álíka hneykslanlegt að
segja að giftur maður svæfi hjá
konu sinni eins og það að segja að
hestamenn gerðu hestakaup án
þess að tíunda slík viðskipti til
skattajTirvalda. Og í þessu sam-
bandi vil ég lika benda á, að ég lít
á hestasölu sportmanna sömu
augum gagnvart skattayfirvöld-
um og laxasölu eða laxaneyzlu
sportveiðimanna. Allt frá land-
námstið mun hrossatíund bænda
ætíð hafa verið með frjálslegra
móti. Svo er enn, enda er þetta
verðlítill bústofn nema mönnum
takist að fá markað fvrir þau er-
lendis. Þá hefur stóðið ætíð orðið
góð eign. Það er mjög auðvelt að
eyðileggja þennan hestaútflutn-
ing aftur og er skatturinn ein af
leiðunum tilþess.
Ætli við svíkjum ekki öll skatt í
þessu landi í einhverri mynd. Og
er ekki einmitt nú verið að breyta
skattalögum vegna þess hve þau
íþyngja samvizku okkar og dag-
legu lífi.
— Viltu nota tækifærið hér til
þess að biðjast afsökunar á um-
mælum þínum?
— Samvizku mína ræði ég
kveld hvert við Drottin minn. en
fulltrúar Búnaðarþings ráðasjálf-
ir hvað þeir samþykkja. Þegar ég
sagði konu minni tíðindin um
þessar vítur i dag, sagði hún að-
eins þetta: „Eru mennirnir svona
rökþrota?"