Morgunblaðið - 24.10.1975, Blaðsíða 28
28
MORGUNBLAÐIÐ, FÖSTUDAGUR 24. OKTÓBER 1975
— Haust 1975
Framhald af bls. 8
muni svo ekki standa undir nafni,
er fram í sækir. Undirritaður
skrapp um síðustu helgi norður
til að skoða sýninguna og kynnast
viðhorfum norðanmanna og hann
varð ekki fyrir vonbrigðum.
Akureyri og umhverfi skartaði
sínum fegurstu haustlitum, hvert
sem litið var, og það var mikil
upplifun útaf fyrir sig, móttökur
og fyrirgreiðsla myndlistarmann-
anna voru með ágætum og allar
upplýsingar lágu á lausu. Fjórtán
myndlistarmenn taka þátt í sýn-
ingunni og þaraf helmingur frá
Reykjavik, en þeir eru Baltasar,
Hringur Jóhannesson, Jóhannes
Geir, Jónas Guðmundsson,
Kjartan Guðjónsson, Veturliði
Gunnarsson og örlygur Sigurðs-
son. Framlag þeirra er verulegur
styrkur fyrir sýninguna, og um
leið er það vísbending um, að
reykvískir myndlistarmenn muni
standa við hlið starfsbræðra sinna
fyrir norðan i framtíðinni um allt
sem til heilbrigðrar döngunar
horfir. Óþarfi er að tíunda frekar
framlag þeirra, vegna þess að
myndirnar standa fyrir sínu og
eru einkennandi fyrir list þessara
manna, sem allir Reykvíkingár
þekkja, sem eru með á nótunum.
En svo að við víkjum svolítið að
framlagi heimamanna, þá koma
fram sérkennilegir hæfileikar í
myndum Aðalsteins Vestmanns,
einkum i myndinni „Vetur III“,
sem er langsamlega athyglisverð-
ust mynda hans, en litirnir eru
kaldir og óferskir. Gísli Guðmann
sýnir 3 látlausar pastelmyndir,
sem vinna á við nánari kynningu.
Hallmundur Kristinsson hugsar
djúpt I myndheimi sínum, senni-
lega alltof djúpt á köflum, þannig
að það þrengir að myndtjáningu
hans, athyglísverðasta mynd hans
var nr. 10 „Kenning". Helgi
Vilberg hefur tekið miklum fram-
förum síðan ég fylgdist með
honum í skóla, og það er einmitt
rétta þróunin. Hann hefur lagt út
á braut súrrealistiskar hug-
myndafræði og hefur þegar náð
áhugaverðum árangri, þannig að
maður bíður spenntur eftir
áframhaldinu. Báðar myndir hans
á sýningunni sýna ágæt myndræn
tilþrif. Óli G. Jóhannsson er með
stórum sannfærandi myndir en
hann sýndi á samsýningunni i
Norræna húsinu en þó virðast
þær enn dálítið hrátt unnar.
Valgarður V. Stefánsson heldur
sig enn sem fyrr við pasteltækn-
ina, og mynd hans, „Gamla góða
Akureyri", er sú bezta er ég hefi
séð frá hans hendi. Akríl-myndir
Vetrarfagnaður
Skagfirðinga-
félagsins
verður haldinn að Átthagasal Hótel
Sögu 1. vetrardag laugardaginn 25.
október 1975 og hefst kl. 20.30. Verið 1
velkomnir félagar og gestir.
rrr-
Skagfirðingafélagið í Reykjavík.
/ \
Viö afgreiöum
litmyndir
yöar á3 dögum
Umboösmenn um land allt
— ávallt feti framar.
Hans Petersen?
Bankastræti — Glæsibæ
S 90.31.3 39SQ0
Arnar Inga virka frekar óþjálar á
augað i lengdina, en hann sýnir
áhugaverð tæknibrögð f mynd
sinni „Fimbulvetur".
Að Iokum þakka ég áhugavert
framtak þeirra norðanmanna,
góða gestrisni og árna þeim allra
heilla I viðleitni sinni við að auka
veg norðlenzkrar menningar.
Bragi Ásgeirsson.
— Fyrirspurnir
á Alþingi
Framhald af bls. 13
2. Hvenær má vænta afgreiðslu
lána til eldri Ibúða, sem sótt var
um fyrir 1. okt. s.l.?
3. Til hve margra leiguíbúða á
vegum sveitarfélaga hefur leyfi
verið veitt til þessa dags? Hve
margar þeirra hafa fengið fulla
fj ármagnsfyrirgreiðslu ?
Um virkjunarrannsóknir á
Fljótsdalsheiði
Frá Helga F. Seljan
1. Hvenær er niðurstaðna að
vænta af rannsókn þeirri á virkj-
un Bessastaðaár, sem fram hefur
farið, þannig að fullnaðarákvörð-
un um virkjun megi taka?
2. Er það rétt, að Sviss
Aluminium eða aðrir erlendir
aðilar hafi átt einhverja aðild að
rannsókninni eða eru uppi áform
um slfka aðild hvað snertir
frekari rannsókn eða fram-
kvæmdir varðandi hugsanlega
stórvirkjun þar eystra?
Um hæli fyrir drykkju-
sjúka á Vífilsstöðum
Frá Helga F. Seljan
Hvenær má vænta þess, að hæli
fyrir drykkjusjúka á Vífilsstöðum
sem staðið hefur að heíta má full-
búið frá því i mai s.l. vor, taki til
starfa, og hvað veldur þeim
óhæfilega drætti, sem orðið hefur
á þvf að koma þessari nauðsyn-
Iegu stofnun I fullan rekstur?
Um þátttöku ríkissjóðs í
greiðslum til löggæslu-
manna
Frá Karvel Pálmasyni
Hvaða reglur gilda um þátttöku
ríkissjóðs í gröiðslu kostnaðar
vegna starfa löggæslumanna á
stöðum þar sem ekki eru fast-
ráðnir lögreglumenn?
Um frumvarp til laga um
kvikmyndasjóð
Frá Axel Jónssyni
Hvað líður meðferð á frumvarpi
til laga um kvikmyndasjóð, sem
efri deild Alþingis samþykkti 15.
maí 1975 að vísa til ríkisstjórnar?
— Minning Jón
Framhald af bls. 31
beiðni Jóns Péturs að kenna við
nýja skólann, að þá fóru þeir
saman í svartasta skammdegi,
prestur og organisti í fjúki yfir
Bjarnarfjarðarháls til Kaldrana-
neskirkju og héldu þar jólaguðs-
þjónustu.
Ég minnist síðar jólaveislunnar
miklu, sem Drangsneshjónin
héldu heima i húsi sínu. Þar var
söngur og skemmtan og samræð-
ur góðar og gestir margir. Mikil
fágun á öllu. Hvorttveggja var, að
veitendur voru glæsileg hjón og
skemmtileg heim að sækja, og
eins að veglega var veitt og hag-
lega fyrir komið, enda geymist
minning þessa glaða dags og
minnir á forna risnu Islendinga.
— Ekki þurfti þar vfn til þess að
samveran væri innileg og
ángæjan fullkomin.
Seinna fluttu þau hjón til
Reykjavikur og settust þar að. Ég
get enn ekki hugsað til þeirra
umskipta fyrir þeirra byggð. En
þeim vegnaði einnig vel í Reykja-
vík. — Og söm var þeirra vinátta.
Svo var það, eftir að nýja sálma-
bókin kom út, þá segir Ingólfur
við Jón Pétur: Viltu nú ekki
semja lag við sálminn hennar
Rósu? — Hann minnti snöggvast
á feiminn dreng, og segir: Ég, sem
ekkert hef lært! Ég kann ekki nóg
í tónlist til þess að semja lög.
Þetta var svo lítið, sem ég lærði.
— Alla tið bjó sársaukinn inni-
fyrir. Krafa listamannsins um
fullkomna þekkingu.
Við komum þar litlu seinna. Og
Ingólfur segir: Jæja, ertu búinn
með lagið? — Þá lét hann okkur
heyra það. Hann sagði á eftir: Ég
var búinn að semja lagið, er ég
kom mér ekki að því að segja það.
— Okkur þykir lagið mjög fallegt.
Það var vel sungið af karlakórn-
um Fóstbræðrum, þegar hann var
jarðaður. En þar var líka leikið
annað lag eftir hann: Strandir,
sem hann samdi við samnefnt
kvæði í bók minni Fjallaglóð. —
Hann saknaði síns heimalands og
bernskutúna, þegar suður kom,
þó að dult færi. Hann fann ein-
hvern streng frá sinni norður-
byggð í þessu kvæði. Og við
kvæðið „Veruleikans blóm“ í
sömu bók var hann að semja lag
Ég fékk að heyra drög að þvi,
yndislega tóna. Hann sagði að
vísu: Þetta er ekki hægt að spila
fyrr en ég er alveg búinn með
lagið. — En skyndilega var hann
kallaður Guðs kalli. Og lagið hans
fagra hvarf með honum. En hve
mörg lög hafa horfið þannig, sem
enginn vissi af? Af þvi að krafa
listamannsins um þá þekkingu,
sem gefur manninum möguleika
til þess að meta rétt sfn eigin
verk, þar fyrir utan gefur stærra
svið.
Þegar ég frétti, að Jón Pétur,
kirkjuorganisti, væri dáinn, þá
fannst mér eins og við andláts-
fregn sr. Sigurðar Einarssonar:
Eins og hrokkinn væri strengur
úr hörpu landsins. Djúpur sökn-
uður, heitur og langvarandi.
Rósa B. Blöndals.
Kjötbúð Suðurvers býður
karlmenn velkomna
til matarkaupa í dag.
Okeypis uppskrift fylgir
kjötkaupunum fyrir
byrjendur og þá,
sem lengra eru komnir.
(Vertu sannur karlmaður —
og gefðu konunni kjöt að borða)
AVALLT eitthvað
GOTT í MATINN
45-47 Sími 35645
Opið til kl. 10
í kvöld og til 12
laugardag
Ármúla 1A. Húsgagna og heimilisd. S-86-11 2
Matvörudeild S 86-111, Vefnaðarv.d. S-86 113
Vörumarkaðurinn hf.