Morgunblaðið - 11.05.1976, Page 37
2florjjimWní>ií>
MORGUNBLAÐIÐ, ÞRIÐJUDAGUR 11. MAl 1976
19
—
Enn óvíst
hver tekur
við afÓmari
Enn er óráðið hver tekur við
starfi Omars Ragnarssonar sem
íþróttafréttaritari sjónvarps-
ins. Sigrún Stefánsdóttir, rit-
stjóri tslendings á Akureyri,
var meðal þeirra, sem sóttu um
starfið og að sögn Péturs Guð-
finnssonar hjá sjónvarpinu er
enn ekki ákveðið hver fær
starfið. Pétur taldi líklegt að
staðan yrði veitt fljótlega og þá
einhverjum úr þeim hópi, sem
sótti um starfið, er það var aug-
lýst fyrir nokkru síðan.
Skúli varð
meistari á
NM í kraft-
lyftingum
Austfirðingurinn Skúli
Óskarsson tryggði sér
Norðurlandameistaratitil
í kraftlyftingum í sínum
þyngdarflokki um helg-
ina, en Norðurlanda-
mótið fór að þessu sinni
fram í Þrándheimi. Náði
Skúii sínum bezta
árangri til þessa og lyfti
samtals 650 kg og er sá
árangur jafnframt ís-
landsmet. Sem kunnugt
er varð Skúli þriðji á
heimsmeistaramótinu í
lyftingum, sem fram fór í
Englandi í vetur.
Holbœk
og Atla
gengur vel
Holbæk er nú f 2. sæti I
dönsku 1. deildinni og hefur
liðinu gengið mjög vel að
undanförnu. Um helgina
sigraði Holbæk lið Esbjerg 2:0
og fór leikurinn þó fram á
heimavelli Esbjerg. Atli Þór
Héðinsson leikur eins og kunn-
ugt er með liði Holbæk og
hefur honum gengið vel í leikj-
um liðsins að undanförnu. Atli
skoraði þó ekki I leiknum um
helgina, en hefur skorað þrjú
mörk fyrir aðallið Holbæk. Hol-
bæk er komið í úrslit dönsku
bikarkeppninnar og á einmitt
að leika gegn Esbjerg í úrslita-
leiknum. t deildinni er Holbæk
í öðru sæti ásamt Frem, en
þessi lið eru með einu stigi
minna en B-1903, en hafa leikið
einum leik minna.
Reykjavíkurmeistarar Víkings, aftari röo frá vinstri: Bill Haydock þjálfari, Stefán Halldórsson, Adolf Guomundsson,
Magnús Bárðarson, Gunnlaugur Kristfinnsson, Helgi Helgason, Róbert Agnarsson, Lárus Jónsson, Kári Kaaber,
Bergþór Jónasson, Sigurður Gunnarsson og Ásgrlmur Guðmundsson formaður knattspyrnudeildar Víkings. Fremri
röð: Óskar Tómasson, Ragnar Gíslason, Magnús Þorvaldssön, Diðrik Ólafsson, Eirlkur Þorsteinsson fyrirliði,
Jóhannes Bárðarson og Haraldur Haraldsson. (Ljósm. RAX).
Víkingur meistari
VÍKINGAR unnu auðveldari sigur á Val í úrslitaleik Reykjavíkurmótsins í knattspyrnu i
gærkvöldi en búast hefSi mátt við eftir fyrri leikjum þessara liða i mótinu að dæma. Úrslit
leiksins urðu 2:1 sigur Vikinga, en i leikhléi var staðan 1:1. Urðu Vikingar því Reykjavíkur-
meistarar, hlutu 10 stig, en Valur og Fram urðu jöfn i 2. sæti með 8 stig.
Nokkurt rok var á Melavellinum í gærkvöldi og því
ekki sérlega auðvelt að leika knattspyrnu. Sóttu Vals-
menn undan vindinum og ekki voru liðnar nema 3
mínútur af leiktímanum þegar staðan var orðin 1:0 fyrir
þá. Ingi Bjöm Albertsson skoraði markið eftir að Atli
Eðvaldsson hafði kastað inn I teiginn úr innkasti. Voru
Víkingarnir illa sofandi á verðinum er markið var skorað
og leikmenn Vals óvaldaðir í teignum.
Vikingar bættu mjög úr þessu er leið á leikinn. Þeir
voru fljótari á boltann og tókst oft að leika laglega
saman. Á 34. mínútu hálfleiksins var dæmd vítaspyrna
á Vilhjálm Kjartansson, en hann brá Óskari Tómassyni
innan vítateigs. Eiríkur Þorsteinsson framkvæmdi
spyrnuna og skoraði örugglega. Rétt áður en þetta
gerðist hafði Guðmundur Þorbjörnsson átt þrumuskalla
að marki Víkinga en Diðrik Ólafsson varði mjög glæsi-
lega. Knötturinn barst yfir í vítateig Valsmanna og á
sömu mínútunni átti Stefán Halldórsson skot rétt yfir úr
góðu færi.
Annað mark Víkinga kom á 65. mínútu leiksins og
var mjög vel að því staðið hjá Víkingum. Stefán
Halldórsson og Gunnlaugur Kristfinnsson léku
skemmtilega í gegnum vörn Valsmanna og endaði
sóknarlotan með stungusendingu Gunnlaugs á Stefán,
sem var í góðu færi í vítateignum og skoraði í hliðar
netið framhjá Sigurði Dagssyni 2:1 og fleiri mörk voru
ekki skoruð í leiknum og það var aðeins síðustu
mínúturnar að Valsmenn reyndu að reka af sér slyðru-
orðið en allt kom fyrir ekki. Víkingar voru vel að
þessum sigri komnir og að baki honum stóð liðsheildin
Oruggten ekki auðvelthjáKR
KR-INGAR fengu þrjú stig fyrir leik sinn gegn
Þrótti á laugardaginn en úrslit leiksins urðu 4:1,
KR-ingum ( vil. Sá sigur vannst þó ekki átakalaust
og voru Þróttarar sfzt lakari aðilinn í leiknum allt
fram í miðjan seinni hálfleikinn. Höfðu þeir
reyndar skorað eina mark leiksins er þá var komið
sögu. Þá var sem allur vindur væri úr liði Þróttar
og skoruðu KR-ingar f jögur mörk það sem eftir var
leiktímans. pyrjr j,rý(( skoraði Sverrir Brvnjólfs-
son, en fyrir KR þeir Árni Guðmundsson (2),
Börkur Ingvarsson og Sverrir Herbertsson.
1 V í ál ^ í
;m ** m,- Mk
Frá því nokkru eftir ára-
mót hefur yngsta kyn-
slóðin mætt ötullega í
víðavangshlaup, sem
ýmis íþróttafélög hafa
gengist fyrir. Hljóm-
skálahlaup, Austurbergs-
hlaup, Fylkishlaup og
Breiðholtshlaup hafa
verið hlaupin og þó að
margir keppendanna
hafi ekki verið háir í loft-
inu þá hafa þeir ekkert
gefið þeim stærri og
eldri eftir. Þessar svip-
myndir tók Friðþjófur
Helgason er Breiðholts-
hlaup ÍR var að hefjast á
sunnudaginn undir rögg-
samri stjórn Guðmundar
Þórarinssonar íþrótta-
kennara.