Morgunblaðið - 28.08.1976, Blaðsíða 5

MORGUNBLAÐIÐ, LAUGARDAGUR 28. AGUST 1976
5
Loðnan feit og góð
ENGIN loðnuveiði var í gær, en
vinnsla gekk vel á þeim stöðum,
sem bátarnir lönduðu á í fýrra-
dag, en það var i Siglufirði,
Bolungarvík og á Raufarhöfn,
auk þess sem einn bátur landaði á
Krossanesi.
Loðnan er mjög góð og feit.
Samkvæmt upplýsingum Markús-
ar Kristinssonar á Siglufirði er
hún um 19 til 20% feit og yfirleitt
er hún öll yfir 16%. Er hér þvi
um mjög gott hráefni að ræða,
sem allt fer í bræðslu. Ástæð
an er sú að bátarnir setja forma-
lin í aflann, þar sem um 12 til 14
klukkustunda sigling er af miðun-
um í land og auk þess getur það
tekið um 3 sólarhringa fyrir skip-
in að fá þennan afla. Er þvi loðn-
an orðin talsvert gömul, þegar til
bræðslu kemur.
1 sumar hafa borizt á land i
Siglufirði um 33 þúsund tonn af
loðnu. Bræðslan hefur gengið vel
og hafa þegar verið brædd um 30
þúsund tonn.
Hrapaði 1
skarð er
myndaðist
vegna
vatnsaga
SVO sem fram kemur í
annarri frétt í blaðinu í
dag hafa orðið miklar
vegaskemmdir á Snæfells-
nesi sökum vatnavaxta.
Eitt óhapp hlauzt af vega-
skemmdum í gær, er séra
Jón Þorsteinsson, sóknar-
prestur í Grundarfirði, og
fjölskylda hans slösuðust
er bifreið þeirra hrapaði í
3ja metra djúpt skarð, sem
komið hafði i veginn
skammt vestan Grundar-
fjarðar.
Slysið varð við bæinn Skerð-
ingsstaði við brúna á Hólalæk,
sem er skammt vestan við þorpið
Grundarfjörð. Séra Jón var þar á
ferð í bil sínum ásamt konu sinni
og tveimur dætrum. Þegar þau
komu yfir brúna stakkst bifreið
þeirra í skarðið á veginum. Jón
komst upp á veginn og gat látið
vita af ferðum slnum með aðstoð
bíls. Var fjólskyldan flutt til
Stykkishólms.
Til allrar hamingju voru
meiðsli fólksins ekki mikil og
sagði fréttaritari Mbl. i Grundar-
firði, Emil Magnússon, að útlitið
hefði verið mun verra í fyrstu.
Séra Jón hlaut aðeins smáskrám-
ur og yngri dóttirin meiddist ekk-
ert. Hin eldri skarst svolitið i and-
liti, en prestfrúin kinnbeinsbrotn-
aði og skarst einnig eitthvað. Bif-
reið þeirra er talin gjörónýt, en
hún var nýleg Cortina.
Flugfreyiur
sýna föt
FLUGFREYJUR hjá flugfélaginu
International Air Bahamas, sem
er eign Flugleiða hf., hafa tekið
upp þá nýbreytni á flugleiðinni
Luxemburg— Bahamaeyjar að
hafa 40 til 50 mínútna tizku-
sýningu eftir að hafa veitt farþeg-
unum hressingu. Hefur þetta
mælzt vel fyrir meðal farþeganna
á þessari 10 klukkustunda löngu
flugleið.
Um borð i flugvél Bahamas eru
6 flugfreyjur. Við hvert sæti i
flugvélinni er bæklingur með
upplýsingum um flíkurnar, sem
til sýnis eru, svo að farþegarnir
geti haft sem mest gagn af tizku-
sýningunni.
Gfsli Sigurgeirsson
Nýr ritstjóri
ÍSLENDINGS
NYR ritstjóri hefur verið ráðinn
að akurevska biaðinu fslendingi.
Er það Gfsli Sigurgeirsson, sem
starfað hefur við biaðið að meira
eða minna ieyti sfðastliðin 3 ár.
Tekur hann við ritstjórn af
Sigrúnu Stefánsdóttur.
Gísli hefur til þessa séð um
íþróttafréttir íslendings, jafn-
framt því sem hann hefur verið
auglýsingastjóri og annast hvers
konar störf fyrir blaðið, ef á hefur
þurft að halda I forföllum ann-
arra — eins og segir í íslendingi
sjálfum.
Síðasta ferð
í Þjórsárdal
EINS OG undanfarin sumur hafa
Landleiðir hf. haldið uppi kynnis-
ferðum um Þjorsárdal og þó að
verðurfarið hafi verið þeim þungt
í skauti svo sem öðrum hér á
Suðurlandi hefur dalurinn oftar
en hitt boðið upp á milt og þurrt
veður síðdegis. Á morgun
(sunnudag) verður siðasta ferðin
farin og ef veður leyfir verður
staldrað við til berjatínslu í um
tvær stundir inn hjá Stöng en á
þeim slóðum er nú mikið af
krækiberjum. Farið verður frá
Umferðarmiðstöðinni kl. 10 árd.
og leiðsögumaður verður Gísli
Guðmundsson.
Þjófiiaðir auk-
ast á Italíu
RÆÐISMAÐUR Islands i Genova
á italiu hefur sent sendiráðinu i
Kaupmannahöfn bréf þar sem
bent er á og ferðamenn varaðir
við sívaxandi farangurs- og tösku-
þjófnaði i landinu, sem bitni eink-
anlega á kvenfólki. Segir í bréf-
inu að þjófnaðir af þessu tagi hafi
aukizt eins og aðrir glæpir á
ítalíu, og hafi óviðbúnir ferða-
menn mjög orðið fyrir barðinu á
þessum þjófum.
j£-
EFÞAÐERFRETT-
NÆMTÞÁERÞAÐÍ
MORGUNBLAÐENU
\m AUGLÝSINGA- SÍMINN F.R-
22480
Góður
sigur
Inga
gegn
Tukmakov
Biðskákir úr fyrstu þrem
umferðum Reykjavíkurskák-
motsins voru tefldar siðdeg-
is í gær, og lauk öllum nema
einni, skák Antoshins og
Björns Þorsteinssonar úr 3.
umferð.
Björn Þorsteinsson átti
biðskák við Keene úr 1. um-
ferð. Þar stóð Björn höllum
fæti, hafði peði minna og
lakari stöðu. Og þótt hann
berðist af hörku, komst
hann ekki hjá þvi að gefast
upp eftir liðlega 60 leiki.
eftir JON Þ. ÞOR
Úr 2. umferð átti Björn
biðskáfk gegn Matera. Sú
skák var unnin fyrir Banda-
ríkjamanninn, þegar hún fór
i bið, og ekki varð honum
skotaskuld úr að vinna úr
yfirburðunum.
Eins og skýrt var frá i
grein um aðra umferð
gerðist það einna mark-
verðast þar, að Ingi R.
Jóhannsson sneri á sovézka
stórmeistarann Tukmakov i
tímahrakinu og átti unna
stöðu þegar skákin fór í bið.
Skákin fer hér á eftir:
Hvitt: V. Tukmakov
Svart: Ingi R Jóhannsson
Tarrasch vörn
1. c4 — Rf6, 2. Rc3 — e6
3. Rf3 — c5, 4. g3 —
Rc6, 5. Bg2 — d5, 6. cxd5
— exd5, 7. d4 — Be7, 8.
0-0 — 0-0, 9 Bg5 — c4,
10. Re5 — Be6, 1 1. e3 —
Rd7, T2. Rxc6 — bxc6,
13 Rxe7 — Dxe7, 14 b3
— cxb3, 15. Dxb3 —
Hab8, 16. Dc2 — Hb4. 17
a3 — Hb7, 18. Ra4 —
Hc8, 19. Hfc 1 — c5, 20
e4 — dxe4, 21. Bxe4 —
Bb3, 22. Dd3 — c4, 23
Df3 — Hbb8, 24. Rc3 —
Rf6 25 Bc6 — Hd8, 26
d5 — Dc5, 27. Df4 — h6
28 a4 — a6, 29 Hab1 —
Hd6, 30. He1 — Hbd8,
'31 He3 — Bc2 32 Hb7
— g5, 33. De5 — Bg6
34. h3 — Kg7, 35. De7 —
Dd4, 36 Hf3 — h5, 37
Be8 — g4, 38. Bxf7? —
H8d7, 39. Hxd7 — Hxd7
40. Dxf6 — Dxf6, 41. Hxf6
— Kxf6, 42. Be6 — Hb7
43. hxg4 -— hxg4 44. Bxg4
— Hb3, 45. Re2 — c3
46. d6 — Hc1, 47. Kg2
c2, 48 d7 — Ke7 og hvitur
gafst upp.
Og ekki brást Guðmundi
bogalistin gegn Vikcevic
Hann vann þá skák af miklu
öryggi og nákvæmni, þrátt
fyrir harðvituga mótspyrnu
andstæðingsins. Þvi miður
hef ég þessa skák ekki undii
höndum sem stendur, en
vonandi birtist hún hér
blaðinu innan skamms.
Timman held-
ur sínu striki
EINHVERN veginn var
minna fjör og minni
stemmning í 3. umferð
Reykjavíkurskákmótsins
en verið hafði í hinum
fyrri. Ástæðan var ef til
vill sú, að þegar flestir
áhorfendur komu um og
eftir klukkan 19 hafði
þegár verið samið um
jafntefli í tveimur skák-
um: Helgi Ólafsson og
Ingi R. sömdu eftir að-
eins 13 leiki, og Keene og
Guðmundur Sigurjóns-
son eftir 17. En I hinum
skákunum var barizt. Og
nú beindust augu flestra
til skáka stórmeistar-
anna.
Þar er fyrst að hyggja að við-
ureign Westerinens og Friðriks
Ólafssonar, sem fer hér á eftir
með örstuttum skýringum.
Hvítt: H. Westerinen
Svart: Friðrik Ólafsson
Sikileyjarvörn
1. e4 — c5, 2. Rf3 — e6, 3. b3
(Hægfara uppbygging, en
Westerinen vill forðast
teóriuna).
— d5, 4. exdó — exd5, 5. Bb2 —
Rf6, 6. Bb5+ — Rc6, 7. De2+ —
Be7, 8. Bxf6
(Tvistrar peðstöðunni, en í
4
œSœ1
3. umferðin
cfíir JÓN I>. ÞOR
betra að leika a3, sem hefði
leitt til auðunninnar stöðu. Og
nú náði Tukmakov mótspili. 20.
leikur hans er stórsnjall og eft-
ir 21. Rcl? hefur hann jafntefl-
ið i hendi sér. Og þá gerðist
undrið. . .
Hvítt: Margeir Pétursson
Svart: V. Tukmakov
Grúnfeldsvörn
1. c4 — Rf6, 2. Rf3 — g6, 3. Rc3
— d5, 4. d4 — Bg7, 5. e3 — 0-0,
6. b4 — b6, 7. Bb2 — c5, 8. bxc5
— bxc5, 9. Hcl — cxd4, 10.
Rxd4 — Bg4, 11. f3 — e5, 12.
Rb3 — Be6, 13. cxd5 — Rxd5,
14. Rxd5 — Bxd5?, 15. Ba3 —
Rc6, 16. Bxf8 — Bxf8, 17. Bc4
— Rb4, 18. 0-0 — Bxc4, 19.
Dxd8 — Hxd8, 20. Hxc4 —
Friðrik í sókn
staðinn fær svartur biskupa-
parið og sóknarmöguleika á g-
línunni. Þess vegna var ef til
vill betra að leika 8. Re5).
8. — gxf6, 9. 0-0 — 0-0, 10. Hel
— Bd6, 11. h3 — Kh8, 12. Rc3
— Hg8, 13. Khl — Be6, 14.
Bxc6 — bxc6, 15. Rh4?
(Ónauðsynlegt timatap. Betra
var 15. d4).
15. — f5, 16. Rf3 — Df6, 17.
Hgl — Dh6, 18. Ra4 — Hg7, 19.
Rh2 — Hag8, 20. De3 — Df6,
21. Hael
(Ekki 21. Rxc5 vegna Hxg2
o.sv.frv.).
21. — d4, 22. Dd3 — Bd5, 23.
Rf3 — Hg4I, 24. Rxc5?
(Tapar manni en hvað átti hvít-
ur að gera?).
24. — Bxc5 og hvítur gafst upp.
Ef 25. hxg4 þá Dh6+ og vinnur.
Margir fylgdust einnig með
skák Margeirs Péturssonar og
Tukmakovs. Margeir beitti
gegn Grunfeldsvörn andstæð-
ingsins afbrigði sem hann hef-
ur áður teflt með góðum
árangri. Stórmeistarinn virtist
hins vegar ekki þekkja það
gjörla og fékk gjörtapað tafl í
byrjun, tapaði skiptamun í 15.
leik. En þá fór Margeir að tefla
ónákvæmt, í 18. leik var t.d.
Hd3!, 21. Rcl? — Hd2!, 22. a4
— Rc2, 23. Hf2? ? ? — Hdl+,
24. Hfl — Hxfl og hvltur gafst
upp.
Timman náði nú forystunni
einn er hann sigraði Banda-
ríkjamanninn Matera örugg-
lega með svörtu mönnunum.
Af stórmeistaranum Najdorf
er það aftur á móti að segja, að
hann beitti Philidorsvörn gegn
Vukcevic og átti i hálfgerðu
basli framan af en tókst að
rétta við og varð skákin jafn-
tefli eftir liðlega tuttugu leiki.
Björn Þorsteinsson hafði
svart gegn Antoshin og veitti
harða mótspyrnu framart af
Þegar líða tók á kvöldið virtist
úthaldið bregðast hjá Birni og
átti hann lakari stöðu er skákin
fór í bið.
Gunnari Gunnarssyni urðu á
mistök í byrjun sem leiddu til
þess að Haukur Angantýsson
náði öruggu frumkvæði, vann
peð og siðan skákina örugglega
Eftir 3 umferðir hefur Timm
an forystu með 3 v. og Najdorf
er í öðru sæti með 2,5. Staða
annarra keppenda er nokkuð
óljós vegna mikils fjölda bið
skáka. Fjórða umferð verður
tefld í dag og hefst taflið kl. 14.