Morgunblaðið - 01.10.1976, Qupperneq 14

14
MORGUNBLAÐIÐ, FÖSTUDAGUR l.OKTÖBER 1976
Sigurður
Jónsson,
bæjarfulltrúi

Sárin grædd í Eyjum. Og
þetta er ekkert smáræðis
verk eins og sjá má á
stærðinni á jarðýtunum í
flaginu þar sem þær róta
moldinni yfir vikurlagið.
Uppbygg-
ingin í
Eyjum gengur vel
GIFURLEGUR fjöldi bæði er-
lendra og innlendra ferða-
manna hefur sótt Eyjar heim í
sumar. Það sem vekur einna
mesta athygli túrista nær und-
antekningalaust, er hve öll end-
uruppbygging hefur vel tekist.
Fyrir nokkru var blaðið
SJÁVARFRÉTTIR á ferð hér.
Um för sína segja þeir m.a.
„Hlýtur það að vekja í senn
furðu og aðdáun allra þeirra er
koma til Vestmannaeyja af hve
miklum dugnaði og krafti hefur
verið unnið að enduruppbygg-
in’gu eftir eldgosið, og hve ótrú-
lega skamman tíma það hefur
tekið að fá hjól athafnalífsins
til þess að snúast að nýju.“
Þannig er yfirleitt dómur
þess fólks, sem heimsækir okk-
ur og glöggt er gests augað.
Þrátt fyrir það er til litill
hópur þröngsýnismanna, í Eyj-
um og á fastalandinu, sem neit-
ar að viðurkenna að endurupp-
byggingin hafi tekist með ágæt-
um. Telur þröngsýnishópurinn,
að það þjóni betur imynduðum
pólitiskum hagsmunum. Reynt
er á allan hátt að grafa undan
trausti bæjarstjórnar. Því er
lætt inn hjá fólki, að bæjar-
stjórn, upp til hópa sé saman-
sett af úrræðalausu, fram-
kvæmdalausu og jafnvel illa
meinandi fólki. Hún hafi ekk-
ert jákvætt gert.
Af og til hefur þessum sjón-
armiðum verið hampað í Morg-
unblaðinu af Arna Johnsen
blaðamanni.
Vegna alls þessa þykir mér
rétt að drepa á nokkur verk-
efni, sem er verið að vinna að í
Eyjum og hefur verið unnið að
á undanförnum mánuðum. Þá
geta þeir lesendur Morgun-
blaðsins, sem enn hafa ekki
komið til Eyja, betur dæmt um,
hvort ekkert sé gert af hálfu
bæjarstjórnar i uppbygging-
unni.
ÍÞRÓTTAMIÐSTÖÐ
Á METTÍMA
Sunnudagurinn 12. sept. s.i.
var mikill gleðidagur i okkar
uppbyggingarstarfi. Þá var eitt-
hvert glæsilegasta íþróttahús
landsins vigt við hátiðlega at-
höfn. Fyrír mánuði var sund-
höllin tekin í notkun.
Það var á Þorláksmessu 1974
að bæjarstjórn samþykkti að
taka tilboði Klemmensen og
Nilsen um byggingu hússins.
31. maí 1975 tekur svo mennta-
málaráðherra fyrstu skóflu-
stunguna. Á 15. mán. er mann-
virkið, sem er 3300 ferm., full-
gert. Mun þetta vera mettími á
íslenskan mælikvarða. Kostnað-
ur verður samtals um 390
milljónir króna. Hlutur bæjar-
sjóðs i kostnaðinum verður ná-
lægt 200 milljónum.
Með tilkomu hússins skapast
frábær aðstaða til allra iþrótta-
iðkana, sem Eyjamenn munu
örugglega sýna að þeir kunna
að meta. Þótt hér sé um mjög
fjárfreka framkvæmd að ræða,
er ég sannfærður um, að engin
vildi nú vera án hússins, eða
skipta fyrir einhverja aðrar
framkvæmdir í bænum.
NÝTT SKIPOG
FERJUAÐSTAÐA
í sumar gátum við einnig
fagnað komu nýs skips þ.e.
Herjólfi. Bæjarsjóður hefur
lagt töluvert fjármagn til hluta-
félagsins og á eftir að gera á
næstunni. Menn skulu gera sér
grein fyrir þvi, að nýtt skip
hefði aldrei komið hingað nema
fyrir jákvæða afstöðu bæjar-
stjórnar til málsins.
Fullkominn ferjuaðstaða var
útbúin í höfninni og gekk verk-
ið sérstaklega fljótt og vel.
Kostnaður við verkið varð samt
ekki nema um 20 milljónir
króna og stóðst fullkomlega
áætlun.
HITAVEITAN
HEFUR FORGANG
Þegar gosið stóð sem hæst
datt örugglega engum í hug, að
hraunið sem þá rann ætti eftir
að skapa möguleika á hitaveitu
fyrir kaupstaðinn. Nú er þetta
orðin staðreynd. Um nokkurt
skeið hefur Sjúkrahúsið verið
hitað upp með varma frá
Hraunveitunni. Hefur þetta
reynst mjög vel og gefur vissu-
lega tilefni til verulegrar bjart-
sýni um frekara framhald. Hús-
in austast í bænum eru nú sem
óðast að tengjast veitunni. Það
er stefna bæjarráðs og bæjar-
stjórnar að framkvæmdum við
hraunveituna verði hraðað svo
sem kostur er.
Olíukostnaður okkar er um
250 milljónir á ári og því mikið
hagsmunamál að geta nýtt
hraunvarmann til upphitunar
húsa. Nýlega sendi Fjarhitun
h.f. frá sér greinargerð vegna
nýtingar hraunhitans. Segir
þar m.a. „Álitið er að aðalaflið
frá hraunveitunni þurfi ekki að
vera tryggt nema í um 10 ár, til
þess að þessi breyting eigi rétt
á sér. Hins vegar er engum
möguleikum kastað á glæ, held-
ur er hvenær sem er hægt að
setja upp aðra tegund aflgjafa,
ef hraunveitan uppfyllir ekki
þær vonir, sem bundnar eru við
hana.“
Á þessu sést, að áhættan er
engin að halda áfram með verk-
ið. Það er stefna bæjarstjórnar,
að þetta mál hafi forgang.
NÝTT RÁÐHÚS
Nýlega hafa bæjarskrifstof-
urnar flutt megnið af sinni
starfsemi 1 nýja Ráðhúsið. Áður
var þetta hús Sjúkrahús 1 Eyj-
um, en þegar það nýja var tekið
í notkun var samþykkt að gera
gamla húsið að Ráðhúsi. Allar
endurbætur eru vel gerðar og
húsið allt hið vistlegasta, þó án
nokkurs iburðar. Aður voru
skriftofur kaupstaðarins I
leiguhúsnæði, þar sem vinnuað-
staða var orðin léleg.
LÓÐIR OG
IBÓÐAMÁL
A undanförnum mánuðum
hefur mikið af tekjum bæjar-
sjóðs farið í það að gera lóðir á
ýmsum stöðum i bænum bygg-
ingarhæfar. Slikar fram-
kvæmdir sjást ekki mikið á yf-
irborðinu. Mjög verulegt átak
var t.d. gert í hverfinu vestur á
Hamri. Þar þurfti á skömmum
tíma að gera mörg hundruð lóð-
ir byggingarhæfar, skólp, raf-
magn o.fl. Þetta hefur kostað
bæjarsjóð gífurlega fjármuni.
Á sinum tíma samþykkti bæjar-
stjórn að láta byggja 66 Ibúðir í
fjölbýlishúsum. Einnig tók
Framkvæmdanefnd sú er sá um
framkvæmdir að sér að láta
byggja 36 ibúðir fyrir stjórn
verkamannabústaða. Nú hefur
verið flutt í allar þessar fbúðir
utan 18, sem eru verkamanna-
íbúðir.
Bæjarsjóður hefur nú tekið
11 af umræddum íbúðum sem
leiguíbúðir fyrir starfsfólk sitt.
AÐRAR FRAMKVÆMD-
IR
Hér hafa verið nefndar
nokkrar stórframkvæmdir en
að mörgu öðru er einnig verið
að vinna. Má t.d. nefna eftirfar-
andi af mörgu: t sumar hefur
verið unnið við safnhúsið á
hverjum degi. Liklegt er að
uppúr áramótum geti Bókasafn
Vm. flutt í húsið. Á undanförn-
um árum hefur safnið ætíð ver-
ið á hrakhólum með bókakost
sinn. Verulegt átak hefur verið
gert 1 viðgerðum á gangstétt-
um, en í gosinu skemmdust þær
verulega. Þótt Viðlagasjóður
sjái að mestu um uppgræðsluna
og hafi gert stórátak í þeim
efnum þá lendir samt sem áður
sumt á bæjarsjóði. Þannig var
unglingavinna og vinnuskóli á
vegum bæjarsjóðs I sumar. Við-
hald gatna er alltaf töluvert,
sér I lagi í tfðarfari eins og í
sumar. Nýr smábarnaskóli er
nýrisinn í Hamarshverfinu, fyr-
ir fjóra yngstu aldurshópana
sem þar búa.
FÉLAGSLEG
ÞJÓNUSTA
ER MIKIL
Miðað við aðra staði landsins
erum við sérstaklega vel stödd
hvað varðar félagslega þjón-
ustu, en hún kostar bæjarsjóð
mikla fjármuni.
Við rekum hér tvö dagheimili
fyrir börn og einn leikskóla.
Eitt fullkomnasta sjúkrahús
landsins er hér. Nýtisku dvalar-
heimili fyrir aldraða. Stórt fé-
lagsheimili og leikhús. Viðhald
og nokkuð af rekstri skólanna
lendir á bæjarsjóði. Iþróttavell-
irnir tveir eru dýrir 1 rekstri.
Styrkir til allra mögulegra fé-
laga og félagasamtaka í bænum
til að þau geti haldið uppi sinni
starfsemi. Hér er alls ekki verið
að telja þetta eftir. En fólk
verður að gera sér grein fyrir
þvi, að eftir þvi sem þjónustan
við borgarann er meiri á þess-
um sviðum verður minna til af
fjármunum í verklegar fram-
kvæmdir.
4500 ÍBtJAR
Fjöldi Ibúa i Eyjum er nú um
4500. Einmitt vegna þeirra
framkvæmda og þeirrar þjón-
ustu sem að framan er rakin
hefur fólk sóst eftir að koma
hingað að nýju. Margt aðkomu-
fólk hefur einnig komið hingað
vegna þess að Vestmannaeyjar
eru að verða I röð fremstu
kaupstaða landsins, hvað allan
aðbúnað og þjónustu við þegn-
ana áhrærir. Hér hefur einnig
verið næg atvinna.
VIÐLAGASJÓÐUR
OG
(JTTEKTARNEFND:
Margir hafa orðið til þess að
gagnrýna Viðlagasjóð fyrir
slæma frammistöðu gagnvart
Vestmannaeyingum. Einnig
hefur rlkisvaldið verið dregið
inn I þessa gagnrýni. Mín skoð-
un er sú, að gagnrýni þessi eigi
ekki rétt á sér á þessu stigi
málsins. Þegar þetta er ritað
hefur enn ekki farið fram loka-
uppgjör við bæjarsjóð. Það get-
ur þvl enginn fullyrt, hvernig
endanlegum bótagreiðslum
verður háttað. Stjórn Viðlaga-
sjóðs hlýtur að skilja vanda
okkar og sýna skilning. Viðlaga-
sjóður var settur á laggirnar á
sínum tlma til að bæta það tjón,
sem yrði af völdum náttúru-
hamfaranna.
Fyrir nokkru var skipuð
þriggja manna nefnd, af Al-
þingi, til að gera úttekt á stöðu
bæjarsjóðs Vm. Nefndin hefur
ekki enn lokið störfum. Hver
segir að hún verði neikvæð I
okkar garð? Mér finnst mun
líklegra, að hún verði jákvæð
og bendi háttvirtri ríkisstjórn
á, að enn vantar verulega fjár-
muni til að bæjarsjóður geti f
framtíðinni staðið á eigin fót-
um. Málum okkar verður sýnd-
ur skilningur, m.a. vegna þess
hve plássið er mikilvægt fyrir
þjóðarbúið í heild.
Geir Hallgrímsson forsætis-
ráðherra hefur marglýst þvi yf-
ir, bæði I Eyjum og á Alþingi,
að staðið verði við allar skuld-
bindingar gagnvart Vest-
mannaeyjum. Fjármagn verði
útvegað til uppbyggingarstarfs-
ins. Ég treysti fullkomlega orð-
um forsætisráðherrans 1 þess-
um efnum.
Menn ættu þvi að leggja nið-
ur ótimabæra gagnrýni og sjá
til hvað útúr störfum nefndar-
innar kemur.
ÝMISLEGT
ÓGERT
Auðvitað viðurkenni ég eins
og allir aðrir, að ýmislegt er
ógert, hvernig ætti llka annað
að vera. En menn verða að gera
sér grein fyrir því, að hvorki
hafa verið til fjármunir né
mannskapur til að gera alla
hluti I einu. Það hefur ekki
skort vilja bæjarstjórnar til að
gera hlutina.
Gatnakerfið er enn ekki kom-
ið í lag. Margar malbikaðar göt-
ur eru hreinlega ónýtar og
slæmar yfirferðar. Stórátak
verður að gera I þessum efnum.
Gatnagerðaráætlun til 10 ára
hefur verið gerð og er áætlaður
kostnaður á núgildandi verð-
lagi um 1100 milljónir króna.
Skipalyftan er mál, sem unn-
ið er að. Frárennsli norður fyr-
ir Eiði hefur beðið, en þolir
ekki langa bið til viðbótar.
Þannig væri áfram hægt að
telja upp æði margt sem ógert
er. Það er mín trú eins og
flestra Vestmannaeyinga, að
með samstöðu okkar og velvilja
stjórnvalda takist að leysa þessi
mál sem önnur.
Vonandi eiga sem flestir
landsmenn kost á því að heim-
sækja okkur og sjá með eigin
augum, hve vel hefur tekist til
við alla enduruppbyggingu
bæjarins.
Sigurður Jónsson.