Morgunblaðið - 24.06.1977, Blaðsíða 5

5
MORGUNBLAÐIÐ, FÖSTUDAGUR 24. JUNÍ 1977
Landsfundur Sjálfstæðisflokksins 1977
SJONARMIÐ
S JÁLFST ÆÐIS-
MANNA
Sveitarstjórnarmál
Sjálfstæðisflokkurinn telur, að öfl-
ug sveitarfélög séu traustasti horn-
steinn lýðræðis i landinu Engin
stjórnvöld standa fólkinu nær en
sveitarstjórnir. Því lýsir flokkurinn
yfir:
1. Sameiginlegum verkefnum
rikis og sveitarfélaga ber að fækka,
þegar ekki fer saman stjórnunar- og
fjárhagsleg ábyrgð
2. Fela ber sveitarfélögum
landsins eða samtökum þeirra
(héraða eða landshluta ) staðbundin
verkefni, svo sem rekstur og upp-
byggingu grunnskólans, heilsu-
vernd utan sjúkrahúsa, byggingu og
rekstur heimila fyrir yngstu og elztu .
borgarana, svo að umfangsmestu
verkefnin séu nefnd
3. Félagsleg þjónusta sveitar-
félaganna fer vaxandi Efla ber sem
mest þann þátt. sem fram fer á
heimilunum, svo sem heimilishjálp
til sjúkra og aldraðra svo og bygg-
ingu ibúða fyrir aldraða i tengslum
við dvalarheimili eða heilsugæzlu-
stofnanir Vistgjöld á barnaheimilum
verði í samræmi við raunverulegan
kostnað, jafnframt því, sem tekið sé
tillit til sérstakra aðstæðna ein-
stæðra foreldra og þeirra, sem eru
fjárhagslega illa settir.
4. Ríkisvaldið annist alla fram-
haldsmenntun, sjúkrahúsrekstur og
löggæslu, svo að nefnd séu nokkur
verkefni, sem eru eða hafa verið
sameiginleg
5. Skattar verði fluttir frá ríki til
sveitarfélaga samhliða færslu verk-
efna
6. Þjónustufyrirtæki og stofnan-
ir sveitarfélaga skulu rekin á ábyrgð
kjörinna sveitarstjórna Afskipti rikis-
ins af fjaldskrám ganga þvert á boð-
aða stefnu stjórnvalda um sjálfræði
sveita rfélaga
7. Sjálfstæðisflokkurinn telur
ekki ástæðu til, að núverandi stærð
og skipulag sveitarfélaga hafi áhrif á
einföldun verkaskiptingu þeirra og
ríkisins Þar sem svo háttar til, að
sveitarfélögum er, vegna stærðar
sinnar, um megn að fást við þau
verkefni, sem þeim er ætlað. telur
Sjálfstæðisflokkurinn eðlilegt, að
þau leysi þessi einstöku verkefni
með frjálsum samtökum sín á milli
án íhlutunar ríkisvaldsins. Slík skipt-
ing landsins í samstarfssvæði, hlýt-
ur að mótast af eðli viðkomandi
verkefna, og ákvörðun um þau á
þess vegna að vera í höndum
sveitarfélaganna sjálfra
Húsnæðismál
Sjálfstæðisflokkurinn vill stuðla
að því. að fólk eigi ætið kost á
fjölbreyttu ibúðarhúsnæði og um-
hverfi i samræmi við þarfir, óskir og
fjárhagsgetu, og að frumkvæði í
þessum málum sé hjá einstaklingum
og samtökum þeirra
Leggja ber áherzlu á þá grund-
vallarstefnu Sjálfstæðisflokksins, að
fólk með almennar tekjur geti ætíð
eignazt eigið íbúðarhúsnæði með
aðgengilegum lánum. Því er það
óhjákvæmilegt, að lánastarfsemi
Byggingarsjóðs ríkisins verði hagað
þannig, að það fólk, er kaupir eða
byggir sína fyrstu íbúð. fái umtals-
verða hækkun lána frá því sem nú
er, og unnið verði að því í áföngum
á næstu 5 árum, að lánaréttur þess
verði allt að 80% af byggingar-
kostnaði
Koma þyrfti á samstarfi milli
sveitarfélaga og Byggingarsjóðs rík-
isins um endurnýjun og endurhæf-
ingu íbúða í eldri bæjarhverfum i
þeim tilgangi að nýta til fulls þær
þjónustustofnanir. sem þar hefur
verið komið upp
Lánveitingar til kaupa á notuðu
íbúðarhúsnæði verði auknar veru-
lega Ef um er að ræða fyrstu íbúð.
verði lánsfjárhæð i sama hlutfalli og
við nýtt íbúðarhúsnæði
Lán til viðhalds og endurhæfingar
á eldri íbúðum verði aukin og látin
ná til fleiri aðila.
Sjálfstæðisflokkurinn telur rétt. að
mismunandi þjóðfélagshópar búi
saman á íbúðarsvæðum. enda sé allt
umhverfi mótað með þarfir þeirra i
huga
Nauðsynlegt er að efla rannsóknir
á ibúðarhúsnæði og skipulagi fyrii
íslenzkar aðstæður, sem stuðlar að
aukinni hagkvæmni og gæðum
íbúða ásamt fegurra og betra
heildarumhverfi
Starfsemi tæknideildar Húsnæðis-
málastofnunar ríkisins takmarkist
við eftirlit og leiðbeiningarstarfsemi
Bygging hagkvæmra, ódýrra fbúða
sé tryggð með eðlilegri samkeppni
byggingaraðila, með því að þeim sé
auðveldað að koma nýjungum á
frámfæri og með nægilegu og stöð-
ugu framboði á hentugum
byggingarlóðum Byggingariðnaðin-
um sé gert kleift að þróast i að verða
framleiðsluiðnaður
Höfðingleg gjöf
til Bústaðakirkju
Skúli Oddleifsson í Keflavík
hefur afhent sóknarnefnd
Bústaðakirkju i Reykjavík
höfðinglega peningagjöf. Er
þetta ekki í fyrsta skiptið, sem
kirkjan nýtur vinsemdar Skúla
og rausnar, af þvi að áður hefur
hann gefið henni bæði hátiða-
hökul og skirnarfont.
Engan þarf að undra hug
Skúla Oddleifssonar til
Bústaðakirkju, þegar þess er
gætt, að prestur kirkjunnar er
séra Ólafur dómprófastur, son-
ur Skúla. En tilefni gjafarinnar
núna er það, að Skúli kvæntist
fyrir 50 árum, þ.e. hinn 24.
júni 1927, Sigriði Ágústsdóttur
frá Birtingaholti og hefðu þau
þvi átt gullbrúðkaupsafmæli
núna á Jónsmessunni Frú
Sigríður andaðist 16. nóv.
1961. Börn þeirra hjóna, önn-
ur en séra Ólafur, eru Helgi,
leikari i Reykjavik og systurnar
Móeiður og Ragnheiður, hús-
freyjur í Keflavik.
Fyrir hönd bústaðakirkju og
allra þeirra, sem meta þá kirkju
og það starf, sem þar er unnið,
vil ég færa Skúla Oddleifssym
hugheilar þakkir og bið honum
og fjölskyldu hans blessunar á
þessum bátiðisdegi.
Ásbjörn Björnsson
form. sóknarnefndar.