Morgunblaðið - 24.06.1977, Blaðsíða 30

30
MORGUNBLAÐIÐ, FÖSTUDAGUR 24. jUNl 1977
(----
Nýir menn með flest
handknatfleiksliðin
SVO lítur út, að flest 1. deildarliðin í handknattleik
muni ráða nýja þjálfara næsta keppnistímabil. Að vfsu
hefur ekki verið gengið frá ráðningu þjálfara nema hjá
fáum félögum, en eftir þvf sem Morgunblaðið hefur
hlerað þá gætu þjálfarar félaganna orðið eftirtaldir.
VALUR — Sú hugmynd hefur
komið upp í herbúðum Vals-
manna að fá þá Þórarin Eyþórs-
son og (Sunnstein Skulason til að
taka við liðinu. Hilmar Björnsson
hefur ráðið sig i Sviþjóð næsta
vetur, en þessa dagana er Hilmar
rúmliggjandi vegna brjóskloss í
baki, sem gerði fyrst vart við
síðastiíðinn vetur. Höfðu Vals-
menn hugsað sér að Hilmar
stjórnaði Valsliðinu í leikjum og á
æfingum þar til hann færi til Svi-
þjóðar.
FH — Eins og hjá Val er ekki
ákveðið hver verður með liðið
næsta vetur, en rætt hefur verið
um að reyna að fá Birgi Björnsson
og Auðun Öskarsson til starfa.
KR — Nýiiðar KR hafa endurráð-
ið Geir Hallsteinsson sem þjálfara
og Sigurð Öskarsson honum til
aðstoðar. Er landsliðið verður i
keppnisferðum erlendis mun
Sigurður stjórna æfingum og
leikjum KR—liðsins.
FRAM — Ekki er endanlega
ákveðið hver verður með Framlið-
ið næsta vetur, en yngri menn-
irnir i liðinu hafa lýst yfir áhuga
sínum á að fá Jóhann Inga
Gunnarsson til að taka við liðinu.
Jóhann Ingi hefur leikið með Val
undanfarin ár, en einnig þjálfað
hjá IR og var fyrir tveimur árum
um tima í Júgóslaviu og kynnti
sér þjálfun handknattleiksmanna
þar.
ARMANN' — Olfert Nábye kom
Ármenningum upp í 1. deild með
góðum sigri í 2. deild síðastliðinn
vetur. Mun hann verða áfram
með liðið næsta vetur.
VlKINGUR — Pólverjinn Kuchta
verður með Víkingsliðið næsta
vetur og hafa Víkingar fyrir
skömmu fengið undirskrifaðan
samning frá þessum fyrrverandi
fyrirliða pólska landsliðsins.
IIAUKAR — I herbúðum Hauka
hefur ekki verið gengið frá ráðn-
ingu þjálfara, en eins og sagði í
Morgunblaðinu í gær hefur Hörð-
ur Hilmarsson verið orðaður við
starfið.
IR — Stærsta spurningamerkið
verður að setja við ÍR-inga, þar er
allt i rólegheitunum ennþá og lít-
ið farið að ræða um ráðningu
þjálfara fyrir næsta vetur.
HAVERTlÐ frjálsíþróttamanna stendur yfir um þessar
mundir og þvf þykir okkur við hæfi að birta þessa
skemmtilegu hástökksmynd. Ekkert sést af stökkvaran-
um nema fæturnir, en greinilega hefur stökkið ekki
heppnast þvf ráin er á niðurleið eins og stökkvarinn.
Holbœkberst
núá botninum
(JTLITIÐ er ekki gæfulegt hjá Holbæk f dönsku 1. deildinni. Liðið er
nú þriðja frá botni og að undanförnu hefur hvorki gengið né rekið hjá
liðinu. Atli Þðr Héðinsson leikur sem kunnugt er með liðinu og á
undan honum var Jóhannes Eðvaldsson meðal leikmanna liðsins.
Hefur Holbæk undanfarin ár verið meðal beztu liðanna f Danmörku.
Um síðustu helgi tapaði Holbæk Frem 14 23:17 16
0:3 á útivelli fyrir AGF, en OB B 1901 14 21:20 15
sem hefur örugga forystu í 1. Köge 14 27:19 14
deildinni vann Frem 3: 1, einnig á KB 14 25:21 14
útivelli. Staðan f dönsku 1. deild- Kastrup 14 18:24 13
inni er nú þessi: Esbjerg 14 16:17 12
OB 14 34:12 23 B 1909 14 22:27 11
Randers Fr. 14 22:17 19 Fredriksh. 14 18:30 10
B 1903 14 28:19 17 Hoibæk 14 16:30 10
Vejle 14 30:23 17 B 93 14 18:34 9
AGF 14 25:20 17 Aab 14 7:20 7
Eirfkur Þorsteinsson og Hörður Hilmarsson f návfgi f leik Vals og
Vfkings á dögunum.
Lilleström
meö sex stig
á næsta liö
EKKERT virðist geta stöðvað
Lilleström í norsku 1. deildinni
og liðið hefur heil sex stig fram
yfir næsta lið þegar 10 umferðir
hafa verið leiknar. Virðist það
skipta Lilleström litlu máli þó
Tom Lund leiki ekki með liðinu
vegna meiðsla, aðrir hafa orðið til
að taka upp merki þessa snjall-
asta leikmanns norsku knatt-
spyrnunnar.
Tor Egil Johannsson tók vrð
fyrirliðastöðunni af Tom Lúnd í
siðasta leik og gerði það ekki
endasleppt því hann var maður-
inn á bak við góðan 3:1 sigur gegn
Brann, sem fyrirfram hafði verið
talið að yrði helzti keppinautur
Lilleström um norska meistaratit-
ilinn. Tom Lund verður ekki með
í Landsleiknum gegn íslandi í
næstu viku, en Tor Egil verður
trúlega fyrirliði norska landsliðs-
ins.
1 2. sæti í norsku 1. deildinni er
Bodö/ Glimt og hefur þetta kraft-
mikla lið frá Norður-Noregi kom-
ið mjög á óvart i 1. deildinni í ár.
Undir forystu Haralds Bergs,
fyrrverandi atvinnumanns i
Hollandi, hafa nýliðarnir rutt
hverri hindruninni af annarri úr
veginum. Á botninum í norsku 1.
deildinni eru Rosenborg og Váler-
engen með 4 stig og vann Váler-
engen, eina liðið frá Ósló í 1.
deildinni, sinn fyrsta sigur um
helgina, er liðið mætti Start á
útivelli.
Staðan í 1. deildinni hjá frænd-
um okkar Norðmönnum er nú
þessi:
Lilleström 10 8 2 0 22- 3 18
Bodö/Glimt 10 4 4 2 13— 10 12
Molde 10 5 2 3 13— 10 12
Hamarkam. 10 4 3 3 16— 14 11
Bryne 10 4 2 4 16— 12 10
Viking 10 3 4 3 16— 13 10
Moss 10 4 2 4 14— 19 10
Mjöndalen 10 4 2 4 7— 12 10
Start 10 3 4 3 11 — 17 10
Brann 10 3 3 4 15— 14 9
Rosenborg 10 1 2 7 7- 15 4
Válerengen 10 i 2 7 11 — ■22 4
SLÖK DOMGÆSLA ORSÖK
MIKILLA MEIÐSLA LEIK
MANNA í 1. DEILDINNI?
MIKIL meiðsli hrjá nú leikmenn liðanna í 1. deildinni og kunna þau að hafa mikil áhrif á
gengi liðanna í 1. deildinni. Gleggsta dæmið um þetta eru meiðsli Sigurláss Þorleifssonar,
hins snjalla framherja Vestmanneyinga. Sigurlás lék mjög vel í fyrsta leik Eyjamanna gegn
Fram, en ÍBV vann þann leik 2:0. Meiddist Sigurlás f leiknum og var frá næstu leiki
ÍBV-liðsins, sem tókst ekki að skora meðan Sigurlás var á sjúkralistanum. Eftir að hann kom
aftur til sögunnar hefur dæmið farið að ganga upp hjá ÍBV og liðið er nú komið af
hættusvæðinu I 1. deildinni.
En það eru fleiri en Eyjamenn, sem
farið hafa illa út úr meiðslum. KR-ingar
eru með hálft liðið á sjúkralista, Víking-
ar hafa verið óheppnir og í rauninni
eru 5—6 menn f hverju liði meiddir
eftir leiki í 1 deildinni, þó svo að þeir
taki þátt í leikjum félaga sinna. En hver
er ástæðan fyrir þessum miklu meiðsl-
um?
Trúlega eru leikir 1 deildarinnar í ár
harðari en nokkru sinni og þar sem
leikir eru örari en áður þá gefst leik-
mönnum minna tækifæri til að fá sig
góða af meiðslum áður en kemur að
næsta leik. Leikmenn eru greinilega f
góðri Ifkamsþjálfun og gefa ekkert eftir
f návígi, sem sfðan hefur þær afleiðing-
ar að alltof margir leikmenn liggja f
valnum, þrátt fyrir góða Ifkamsþjálfun
Þá hafa klækir atvinnuknattspyrnu-
mannsins f stöðugt meira mæli flutzt
inn f íslenzku knattspyrnuna og dómar-
arnir virðast ekki taka eftir hinum eilffu
spörkum f kálfa eða leggi, pústrum
með olnbogum og slíkt
DÓM ARARNIR
VERÐA
AÐ TAKA SIG Á
Eins og áður sagði er Víkingur eitt
þeirra liða, sem farið hefur illa út úr
meiðslum f ár og við báðum Eirík
Þorsteinsson fyrirliða Víkinga að segja
sitt álit á ástæðunum fyrir hinum tíðu
meiðslum knattspyrnumanna.
— Það er náttúrulega ekki ný bóla
að knattspyrnumenn meiðist, því knatt-
spyrnan er hörkuíþrótt. þar sem
meiðsli geta átt sér stað, sagði Eirfkur
— Mér finnst þó að meiðsli í ár séu
óvenju mikil og alltof mikil Ef við lítum
á Víkingsliðið þá hafa Róbert, Óar og
Gunnlaugur verið frá í marga leiki
vegna meiðsla og Diðrik, Gunnar Örn
og ég erum í rauninni á „hækjum' þó
við séum að berjast inni á vellinum
Hjá KR-ingunum er þetta enn verra,
þar eru Hálfdán, Ottó, Magnús, Birgir
og Haukur frá vegna meiðsla og sjálf-
sagt fleiri. Hjá Val er Guðmundur nef-
brotinn og Sigurður einnig meiddur og
svona mætti halda áfram að telja hvert
liðið af öðru Þegar allt kemur til alls þá
eru 5—6 leikmenn meira og minna
meiddir hjá hverju liði
— Að mínu viti er það ekki aðal-
ástæðan fyrir meiðslunum að leikurinn
sé orðinn harðari en áður, heldur hitt
að dómgæzlan er einfaldlega slök f
flestum tilfellum Dómarar leyfa alltof
mikið af óþarfa brotum og hreinlega
hleypa leiknum upp með þeim, en svo
eru þeir sf og æ að stöðva leikinn
vegna einhverra smábrota. Aðalatriðið
finnst mér að láta leikinn ganga og svo
verða dómararnir að taka meira tillit til
hagnaðarreglunnar en þeir gera.
— Eftir að a-þýzki dómarinn
Glöckner dæmdi landsleikinn gegn N-
írum á Laugardalsvellinum og hló er
Teitur þóttist vera meiddur, liggur við
að leikmenn í 1. deildinni megi deyja
drottni sínum inni á vellinum án þess
að dómararnir stöðvi leikinn eða leyfi
þjálfurum að hlynna að þeim. Þetta
hafa íslenzkir dómarar tekið upp eftir
þeim a-þýzka, en ég held að meiri
nauðsyn hafi verið á að fara eftir hon-
um í ýmsum öðrum atriðum
— Ég veit að það er mjög hæpið
fyrir leikmann að gagnrýna dómara f 1.
deildinni á miðju keppnistímabilinu
En ég held að það sé nauðsynlegt fyrir
dómara að taka sig á og samræma
gerðir sínar Við getum t.d. nefnt að í
fyrsta leik mótsins var gróflega brotiðá
Sigurlási og hann var frá í nokkrar
vikur. Að vfsu var dæmt fríspark, en sá
brotlegi fékk ekki gult spjald eða rautt
eins og hann hefði átt að fá. Pétur
Ormslev braut gróflega á Hálfdáni
Örlygssyni fyrir skömmu, aðeins var
dæmt fríspark, engin áminning.
Skömmu sfðar sagði Pétur einum ol
mikið og þá var gula spjaldið um leið
komið á loft. Dómarar eru alltof við-
kvæmir fyrir smávægilegum hnjóðs
yrðum í hita leiksins, en sjá svo jafnvei
í gegnum fingur sér ef um gróf brot er
að ræða
— Þegar ég tala um þessa hluti þá
er það ekki bara frá sjónarmiði Víkings-
ins, sem ég segi þetta Ég held flestir
leikmenn 1 deildarinnar séu sama
sinnis og ég og vildu borga mikið fyrir
að dómgæzlan batnaði og að meira
samræmi yrði í henni, sagði Eirfkur
Þorsteinsson að lokum
—áij