Morgunblaðið - 28.10.1977, Blaðsíða 23

MORGUNBLAÐIÐ, FÖSTUDAGUR 28. OKTÓBER 1977
23
sjúkrahúsinu þráði hún að fara
heim til sin. Móðir hennar kom þá
frá Siglufirði til þess að hjúkra
henni og hún hafði þvi eiginmann
sinn og móður sina nótt og dag við
sjúkrabeð sitt. Hún var umvafin
kærleika og blíðu til hinstu stund-
ar.
Ég bið guð að styrkja Má, for-
eldra hennar og systkini. Megi
minning hennar lifa í hjörtum
ástvina hennar. —
Tengdamóðir.
I dag fer fram útför Þyríar
Hólm. Kynni mín af Þyrí hafa
ekki verið löng, en verið mjög
ánægjuleg og lærdómsrík og þyk-
ir mér sárt að endir skuli bundinn
á þau aö sinni.
Ég kynntist Þyrí er hún starfaði
hjá Jóhanni Ólafssyni og Co. fyrir
rúmu ári og átti ég þar mikil og
góð samskipti við hana, naut
hennar ráðlegginga og aðstoðar í
miklum mæli varðandi þau vöru-
kaup sem ég hafði þá nýlega byrj-
að á. Síðan átti ég viðskipti við
hana er hún og eftirlifandi maður
hennar, Már Jónsson, stofnuðu
Innrömmun Þyríar Hólm og ann-
aðist ég þá móttöku og afgreiðslu
hluta mynda þeirra og kynntist
góðum frágangi og vandaðri
vinnu þeirra hjóna og var sérstak-
lega eftir því tekið. Einnig átti ég
þess kost að koma á þeirra yndis-
lega heimaili í Bröttukinn 18 í
Hafnarfirði og sjá hve þau höfðu
búið heimili sitt smekklega mest
með eigin útsjónarsemi enda sam-
vinna þeirra hjóna með einsdæm-
um.
Ævi Þyríar er mér ekki svo
kunn, en hún er fædd 21. apríl
1946 á Siglufirði, dóttir hjónanna
Þórleifs Hólm og Sesseliu Jóns-
dóttur sem eru búsett á Siglufirði.
Atján ára giftist hún eftirlifandi
manni sínum, Má Jónssyni. Um
tíma ráku þau hannyrðaverzlun
og prjónastofu i Keflavík, og sið-
an starfaði hún um sjö ára skeið
hjá Jóhanni Ölafssyni og Co, þar
til að hún lét þar af störfum í vor
til að aðstoða mann sinn við inn-
römmunargerðina vegna mikilla
anna þar. í ágúst var hún lögð inn
á spítala í smá aðgerð, en kom þá í
Ijós að veikindi hennar voru mun
meiri og alvarlegri en í fyrstu var
talið, lá hún í tæpa tvo mánuði á
spítala og var maður hennar
henni mjög mikill stuðningur í
veikinum hennar. Síðustu vikurn-
ar Iá Þyrí heima hjá sér, þar sem
hún naut mikillar umönnunar
eiginmanns sins og móður. Hún
lést að heimili sinu 21. október
síðastliðinn.
Það er erfitt að sætta sig við að
svona ung og hress kona skuli
vera horfin okkur um tíma.
Með þessum fáu línum vil ég
þakka Þyrí fyrir stutt en góð
kynni, og bið Guð að varðveita
minningu hennar.
Ég og fjölskylda mín vottum
Má, foreldrum hennar, systur og
öðrum aðstandendum okkar
dýpstu samúð við fráfall hennar.
Guðfinna Helgadóttir.
þESSI
RÝMINGARSALA
VERDUR EKKI
ENDURTEKIN
30% afsláttur af rýmingarsöluverði, á öllum vörum
í dag og fram að hádegi á morgun.

V I D LÆKJARTORG
'/W\
r*