Morgunblaðið - 04.11.1977, Blaðsíða 3

MORGUNBLAÐIÐ, FÖSTUDAGUR 4. NÓVEMBER 1977
Bráðabirgðavegur lagð-
ur vestan Bjarnarflags?
Ljósm. Mbl. Frióþjófur.
Mvndin þessi er tekin af vegavinnu á leiðinni frá Re.vkjahlíð niður að
Skútustöðum, en þær framkvæmdir ganga vel.
Reynihlfð, 3. nóvember
frá Ágústi I. Jónssyni,
blaðamanní Morgunblaðsins.
VEGURINN í gegnum Bjarnar-
flag er mjög vandfarinn vegna
hins mikla gufuútstreymis þar og
hylur gufan veginn alveg á köfl-
um. Vegna þessa eru uppi hug-
myndir um að leggja bráða-
birgðaveg fyrir vestan gufu-
svæðið. Akvörðun þefur þó ekki
verið tekin um hvort af þessari
framkvæmd verður.
Að sögn Jóns Illugasonar
oddvita formanns Almanna-
varnarnefndarinnar í Mývatns-
sveit, þykir vegurinn um Bjarnar-
flag hættulegur yfirferðar eins og
þar er nú ástatt. Þvi hefði verið
haft samband við vegamálastjóra
um lagningu bráðabirgðavegar
vestan gufusvæðisins. Kæmi
hann þá trúlega á milli Létt-
steypunnar í Bjarnarflagi og
Jarðbaðshólanna þar vestur af.
Vegagerð úr Reykjahlíð að Geit-
eyjarströnd gengur vel og er
reiknað með, að henni ljúki á
næstu dögum. Þá er eftir að
ganga frá fjórum stuttum vegar-
köflum á leiðinni til Skútustaða,
en verði tið góð næstu daga ættu
þær framkvæmdir ekki að taka
langan tíma.
Rafmagnslinur til Léttsteyp-
unnar í Bjarnarflagi sigu mjög i
dag vegna ísingar og var talin
hætta á að þær myndu gefa sig
undan þunganum. Starfsmenn
rafmagnsveitnanna voru fengnir
til að hreinsa línurnar. Að sögn
Jóns Illugasonar er algengt að
ísing setjist á linur i Bjarnarflagi.
Eftir að gufustreymi jókst þar,
hefur hætta á slíku aukist til
muna. Kapallinnn frá gufuafl-
stöðinni í Bjarnarflagi er hins
vegar í jörðu á þessu svæði.
Almannavarnanefndin í
Mývatnssveit flutti nýlega í nýtt
húsnæði skammt fyrir ofan sjálft
Reykjahlíðarhverfið. Áður hafði
nefndin haft aðsetur i símstöðinni
í Reykjahlíð. Sagði Jón Illugason
í dag, að greinilega hefði komið í
ljós í gærmorgun er óróa varð
vart á jarðskjálftamælum hver
nauðsyn hefði verið á sérstöku
húsnæði fyrir nefndina. Áður
hefði mikið álag lent á simstöð-
inni, en i hinu nýja húsnæði voru
þrir sjálfvirkir símar auk þriggja
handvirkra, en einn' þeirra var
tengdur beint til Almannavarna í
Reykjavík i gær.
Það helzta sem vantaði í nýju
stjórnstöðina, sagði Jón, væri
aukið rými fyrir lögreglu, björg-
unarsveit og fréttamenn, sem
þyrftu að fá upplýsingar um
framvindu mála. Eftir hrinuna í
september var símalinum úr
Mývatnssveit fjölgað um þrjár en
þrátt fyrir það var þá mikið álag á
símstöðinni í gærmorgun. Radíó-
áhugamenn hafa verið fengnir til
að koma norður í Mývatnssveit ef
likur eru taldar á hættuástandi.
Komu þeir fljúgandi norður í
gærmorgun og settu upp tæki sín.
Þetta fyrirkomulag er þó aðeins
til bráðabirgða, þar sem ekki er
hægt að treysta á að flugveður sé,
þegar þörf er á radíóáhugamönn-
unum. Hefur almannavarna-
nefndin sótt um fé til að kaupa
sterkar talstöðvar til að setja upp
i stjórnstöðinni.
Að sögn Jóns Ulugasonar er það
fjölmennur hópur sem er tiltæk-
ur til að sinna ákveðnum verkefn-
um, ef hættuástand skapast, t.d.
vegna eldgoss. Og má nefna, auk
almannavarnarnefndarinnar
sjálfrar, slökkvilið, björgunar-
sveitina Stefán, slysavarnadeild
kvenna og kvenfélagskonur —
sem betur fer hefur ekki komið
til þess að þurft hafi að kalla til
starfa alla þessa hópa, sagði Jón
Illugason.
Kortsnoj segist
ekki geta verið
með í Reykja-
víkurskákmótinu
VIKTOR Kortsnoj hefur nú
svarað boði Skáksambands ts-
lands um þátttöku f Reykja-
vfkurskákmótinu. Segist
Kortsnoj þvf miður ekki koma
því við að taka þátt í skákmót-
inu, en segir, að sér Iftist mjög
vel á fyrirhugað keppnisfyrir-
komulag.
Þá hefur S.I. fengið staðfest
að Smejkal mun taka þátt f
mótinu f stað Horts, en júgó-
slavarnir Lubojevik og Kura-
jika geta ekki tekið þátt i mót-
inu vegna þátttöku f júgó-
slavneska meistaramótinu.
Hins vegar buðu júgóslavar
upp á alþjóðlega meistara með
hálfan stórmeistaratitil,
Marianovicc, en S.í. hefur
ekki hug á að fá hann til móts-
ins.
Stjórn S.l. hefur ákveðið að
skrifa Hiibncr og bjóða honum
þátttöku í mótinu.
Spennistöðin
í Breiðholti :
T jón af
völdum
brunans
var lítið
„FJARHAGSLEGT tjón af völd-
um brunans i spennistöðinni í
Breiðholti var mjög Iftið, það var
aðeins hluti af streng innan
spennistöðvarinnar sem brann og
er þegar búið að skipta um hann.
Aðalverkið hefur farið f að
hreinsa spennistöðina að innan.
en sót lagðist yfir allt,“ sagði
Aðalsteinn Guðjohnsen raf-
magnsveitustjóri Reykjavfkur í
samtali við Morgunblaðið f gær.
Að sögn Aðalsteins hefur komið
i ljós, að orsökin fyrir því að það
kviknaði i strengnum, var, að of
mikið álag var á honum. Sagði
hann að þegar yrði settur niður
sverari strengur til að fyrirbyggja
að svona nokkuð kæmi fyrir aft-
ur. Eldurinn i spennistöðinni kom
upp um kl. 19 í fyrrakvöld, og þá
strax fór rafmagn af Breiðholti 3.
Eftir skamma stund var rafmagni
hleypt á hluta af hverfinu og var
rafmagn komið á allt hverfið um
kl. 21.30 eða 2!4 klst. eftir að
rafmagnið fór.
Þú notarhendurnarekki bara
í uppþvottinn
...svo það er eins gott að fara vel
með þær. Nýi Palmolive uppþvotta
lögurinn varnar því að húðin
þorni oggerir hendurnarfallegri
og mýkri í hverjum uppþvotti.
Taktu eftir hvernig þú notar hendurnar. Þú tjáir
með þeim tilfinningar þínar, sorg og gleði. Farðu
þess vegna vel með þær.
í nýja Paimolive uppþvottaieginum er protein,
sem verndar húðina og gerir hendurnar fallegri og
mýkri i hvert skipti, sem þú þværð upp.
Nýi Palmolive uppþvottalögurinn er mjög
drjúgur, aðeins nokkrir dropar og diskarnir verða
skínandi hreinir.
Nýi Palmolive uppþvottalögurinn með protein.