Morgunblaðið - 03.01.1978, Blaðsíða 3

MORGUNBLAÐIÐ. ÞRIÐJUDAGUR 3. JANUAR 1978
3
Ögri fékk4900
lestir á árinu
ÖGRI RE skuttogari Ögurvíkur
h.f. varð aflahæsti skuttogari
landsmanna á nýliðnu ári. Ögri
landaði síðast á árinu hinn 16.
desember og var afli togarans þá
orðinn 4896.6 lestir. IVIeð rétt að-
eins minni afla var systurskip
ögra og í eigu Ögurvíkur Vigri
með 4814.8 Iestir, en Vigri land-
aði síðast 14. desember. Hefur
hvorugur þessara togara fengið
jafnmikinn afla áður.
Þriðji aflahæsti skuttogarinn á
landinu á s.l. ári er svo Guðbjörg
ÍS, sem er skuttogari af minni
gerð með 4643 lestir, en á s.l. ári
var Guðbjörg með rétt um 4000
lestir. Þá munu nokkrir aðrir tog-
arar vera með í kringum 4000
lestir.
Þórður Ásgeirsson
form. loðnunefndar
SJÁVARÚTVEGSRÁÐHERRA hefur
skipað Þórð Asgeirsson. skrifstofu-
stjóra sjávarútvegsráðuneytisins.
formann Loðnunefndar frá 1. janúar
að telja. Tók Þórður við formanns-
stöðunni af Gylfa Þórðarsyni. sem
var formaður nefndarinnar frá upp-
hafi. en hefur nú látið af störfum hjá
sjávarútvegsráðuneytinu.
Loðnunefnd hefur nú fengið aukið
valdsvið, og i samtali við Morgunblað-
ið i gær sagði Þórður að nú hefði
nefndin vald til að beina skipunum til
ákveðinna staða Er það gert til þess að
sem flestar loðnuverksmiðjurnar fari
sem fyrst i gang. en með þvi móti er
talið að veiðin geti orðið mun meiri en
ella
Auk Þorðar Ásgeirssonar eiga sæti i
loðnunefnd þeir Andrés Finnbogason
og Björgvin Torfason
Edda Rlkharðsdóttir ásamt syni sfnum, en þau eru frá Þorlákshöfn og eiginmaöurinn Magnús
Brynjólfsson var þvf ekki nálægur er nt.vndin var tekin. i.jósm. k.v\
Fyrsta barnið fœddist um
klukkan 2:50 á nýársnótt
FYRSTI tslendingurinn sem
vitað er til að fæðst hafi á þessu
nýbyrjaða ári fæddist á Fæð-
ingarheimili Reykjavfkurborg-
ar. Var það kl. 2:50 á nýársnótt,
sveinbarn, sem vó 3560 gr. eða
rúmlega 14 merkur og er 51 sm
langur.
Foreldrarnir eru Kdda
Rikharðsdóttir og Magnús
Brynjólfsspn. búsett í Þorláks-
höfn, og er þetta annað liarn
þeirra. Skv. uppl.vsinguin er
Mbl. fékk á Fæðingarheiiiiilinu
heilsast þeim inæðginum vel og
fá þau að likindum að fara
heini uiii inestu hclgi.
Áramót úti á landi
víðast hvar með
hefðbundu sniði
Víðast hvar úti á landi voru
áramótin með mjög hefð-
bundnu sniði, brennur voru
viða, mikið var um flugelda-
skot og viðast hvar dönsuðu
menn inf í nýja árið. Yfirleitt
var veður nokkuð gott, þótt
sums staðar væri lítils háttar
snjókoma. Engin alvarleg slys
urðu á fólki og almennt var
mjög lítið um óhöpp, utan þess
að á Akureyri og Eskifirði urðu
tveir brunar.
Akureyri
Hér gengu áramótin mjög vel
fyrir sig. Mjög mikið var skotið
upp af flugeldum og bálkestir
voru tendraðir, þrátt fyrir að
hríðarmugga hafi verið á
gamlaárskvöld, en veðrið var
þó mjög milt og þægilegt. Sam-
kvæmt upplýsingum hjá lög-
reglunni hér í bæ, voru þessi
áramót mjög álika venjulegri
helgi, sem sagt mjög róleg mið-
að við það sem venjulega er.
Sv.P
Blönduósi
Mjög gott veður var hér á
gamlaárskvöldi og setti það
sinn svip á annars mjög góða
stemmningu manna hér. Að
venju var tendraður mikill bál-
köstur fyrir ofan bæinn og var
þar mjög fjölmennt, sérstak-
lega vakti athygli að börnin í
bænum mættu flest í grímu-
búningum. Mjög mikið var
skotið upp af flugeldum, en
engin slys urðu á fólki hér um
áramótin. Að lokum var hér
mikill dansleikur þar sem dans-
inn dunaði fram undir morgun
og þótti hann takast hið bezta.
Þá má geta þess að í byrjun
hins nýja árs fór að kyngja hér
niður snjó í algeru logni og nú
er hér hnédjúpur snjór víðast
hvar, þar sem á gamla árinu var
SnjÓlaUSt. Hafþór.
Eskifjörður
Áramótin hjá okkur hér voru
mjög friðsöm og góð. Veður var
ágætt þótt smá snjófjúk hafi
verið á stundum á gamlaárs-
kvöld, það kom þó ekki í veg
fyrir að skotið var upp margs
konar skoteldum. Hér varð það
óhapp að skemma í eigu Hrað-
frystistöðvar Eskifjarðar brann
að hluta til, en mjög litlar
skemmdir urðu þó, þar sem það
eina sem brann voru nokkrir
tugir fiskkassa.
Ævar
Hólmavík
Mikill friður og ró rikti hér
um áramótin. Hér var á Hólma-
vík haldinn áramótadansleikur
sem var mjög vel sóttur og var
það mál manna að hann hefði
tekist með ágætum. Hér er jörð
alhvít, þó ekki hafi kyngt niður
miklum smjó; færð er hér með
ágætum suður úr. Fólk sem
kom hingað um hátiðarnar í
jólaleyfi er um þessar mundir
að tygja sig til heimferðar, en
óvenjumikill fjöldi fólks, þó
mest skólafólk hefur verið hér
yfir hátíðarnar.
Andrés.
Húsavfk
Hér var hríðarveður um ára-
mótin, sem var þess valdandi að
ekki var kveikt í áramótabál-
kestinum, en þó var miklu af
flugeldum skotið hér í loft upp.
Hér dönsuðu menn að venju
inn í nýja árið á fjölsóttum ár
mótadansleik, en annars má
segja að það hafi verið mjög
rólegt hér eins og alltaf áður
um áramótin. Þetta síðasta ár
hefur verið hér á Húsavík mjög
gott utan þess að síðustu dag-
arnir voru nokkuð rysjóttir.
Hér er nú mjög snjólétt, en
mikil hálka er hér víðast hvar.
Fréttaritari.
Hvanneyri, Borgarfirði
Áramótin hér gengu stórtíð-
indalaust fyrir sig. Mjög gott
veður var með smá snjókomu.
Áramótadansleik sem vera átti
i Brautartungu varð að fresta
þar sem hljómsveitin, sem
koma átti úr Reykjavík komst
ekki upp eftir. Engin óhöpp
urðu hér um áramótin, hvorki á
mönnum né eignum.
ðfeifíur.
Höfn Hornafirði
Áramótin gengu mjög vel fyr-
ir sig eins og endra nær. Hér
var hið ágætasta veður. Engin
óhöpp urðu á fólki vegna með-
ferðar skotelda, og almennt
engin óhöpp.
Klias.
Isafjörður
Hér var leiðindatíð um ára-
mótin, sem leiddi til þess að
mjög lítið var um útiveru fólks
hér eins og annars er venja til á
þessum tímamótum. Hátíðin
gekk þó alveg stórtiðindalaust
fyrir sig og án öhappa. Flestir
bátarnir lágu i höfn hér milli
hátíðanna og eru þeir um það
bil að leggja af stað aftur til
veiða. Það hefur aftur vakið
nokkurn ugg manna að rekis er
óvenjumikill við land hér á
vesturhorninu.
Clfar.
Sauðárkrókur
Áramótin gengu í garð með
mjög hefðbundnum hætti.
Tendraður var bálköstur, skot-
ið flugeldum og farnar blysfar-
ir. Nokkur ærsl voru hér í unga
fólkinu um áramótin, þó engin
veruleg ólæti. Veður var hér
ágætt um hátíðina.
(iuðjón.
Lodnu-
flotinn
farinn
til veida
GERT var ráð fyrir að stór hluti
loðnuflotans léti úr höfn eftir
miðna'tti s.l. nótt. Vitað er um
fjóra báta sem létu úr höín fyrir
miðnætti I fyrrinótt, og éinhverj-
ir héldu til veiða í gær, en annars
eru margir skipstjórnarmenn
þannig gerðir að þeir hefja ekki
nýtt úthald á mánudegi.
Loðnubátarnir halda nú allir á
miðin noröur af landinu, en strax
eftir áramót í fyrra fór loönan að
veiöasl norður af Kolbeinsey.
Hvarflaði ekki að mér að
lánafyrirgreiðslan væri
tengd fjármunum bankans
— segir fyrrverandi forstjóri
Dósagerðarinnar og Bláskóga
SLEITULAUST er unnið að rann-
sókn á meintu misferli deildar-
stjóra ábyrgðardeildar Lands-
banka Islands, að því er Hallvarð-
ur Einvarðsson rannsóknarlög-
reglustjóri tjáði hlaðinu í gær.
Hallvarður kvað ekkert nýtt af
rannsókninni að frétta. Gagnaúr-'
vinnsla málsins væri ákaflega
tímafrek og rannsóknin gengi þvi
hægt fyrir sig. Einn maður situr í
gæzluvarðhaldi vegna málsins,
deildarstjórinn fyrrverandi.
Morgunblaðið sneri sér í gær til
Björgólfs 'Guðmundssonar fyrr-
verandi forstjóra fyrirtækjanna
Dósgerðin hf. og Bláskógar hf., en
deildarstjórinn mun hafa veitt
þessum fyrirtækjum fjárhagslega
fyrirgreiðslu og notað til þess
fjármuni, sem hann er grunaður
um að hafa tekið frá Sindra hf.
Björgólfur sagði .
— Það hvarflaði aldrei að mér
að persónuleg lánafyrirgreiösla
forstöðumanns ábyrgðardeildar-
innar þegar um hana var að ræða
væri á nokkurn hátt tengd fjár-
munum bankans eða viðskiptafyr-
irtækja hans. Enda var sú lána-
fyrirgreiðsla ekki eingöngu bund-
in við ábyrgðardeildina. Viðskipti
fyrirtækjanna Við bankann hafa
lengi verið mjög mikil. Þegar mál-
ið var í frumrannsókn bauð ég
fram bókhaldsgögn þeirra fyrir-
tækja, sem ég veitti forstöðu til
þess að flýta rannsókn málsins.
Vegna þess hve rannsöknin er á
viðkvæmu stigi get ég ekkert
meira sagt um málið en það er
von mín að rannsókninni verði
hraðað eftir föngum og allt gert
til þess að rétt og sönn niöurstaöa
fáist sem fyrst.