Morgunblaðið - 13.05.1978, Blaðsíða 31
MORGUNBLAÐIÐ, LAUGARDAGUR 13. MAÍ 1978
31
ÞAÐ hefur orðið að samkomu-
lagi að undirritaður skrifi
vikulegar greinar um knatt-
spyrnu í Morgunblaðið í
sumar. Reynt verður að bera
sem víðast niður, og ræða það
jafnan sem verður í brenni-
depli hverju sinni. Jafnan
verður 1. deildarkeppnin í
sviðsljósinu. en annað sem gera
má ráð fyrir að helst verði á
döfinni verðun landsliðsmáj.
málefni og skipulag K.S.Í.
Þjálfaramál. ungiingaknatt-
spyrna. fjármál knattspyrnu-
félaga og sitthvað fleira.
1. deild 1978
Þegar 1. deildarkeppnin hefst
er jafnan rætt um að knatt-
spyrnu vertíðin hefjist fyrir
alvöru. Áður en deildaskipting
var upp tekin, var jafnan talað
um Islandsmótið. Mér hefur
alltaf fundist fallegra að tala
um íslandsmótið og mun því
jafnan nota það orð frekar en 1.
deild. í dag hefst því Islands-
mótið með tveimur leikjum. I
Vestmannaeyjum leika heima-
menn við Víking og í Kópavogi
Breiðablik við nýliðana K.A. frá
Akureyri. íslandsmeistararnir
frá í fyrra hefja sína vörn n.k.
þriðjudag gegn sigurvegurum 2.
deildar s.l. ár, Þrótti. Sama dag
fær Keflavík F.H. í heimsókn og
fyrstu umferð lýkur síðan á
miðvikudaginn með leik Vals og
Fram. Síðan rekur hver leikur-
inn annan, 89. leikurinn verður
27. ágúst eða á 104 dögum
(furðuleg niðurröðun) en síðasti
leikurinn verður 10. september
milli Vals og Akraness.
Spáð í framtíðina
I upphafi Islandsmóts er
mönnum hugleikið að spá um
hver vinni Islandsmótið og
hampar þá jafnan hver sinni
hjörð sem mest. Ég spái því að
í ár verði keppnin einhver sú
jafnasta og mest spennandi sem
þekkst hefur. Þessu til
stuðnings legg ég til vorleiki þá
sem fram hafa farið undanfarn-
ar vikur. Flestir hafa þeir verið
mjög jafnir, enginn skarað
verulega framúr.
AKRANES Árangur Akra-
ness s.l. 4 ár undir stjórn
þjálfara síns Kirby er frábær.
Þrír íslandsmeistaratitlar og
tvisvar Bikarúrslit. Lið Skaga-
manna hefur leikið opinn,
hraðan og hvassan sóknarleik
þar sem eiginleikar vissra ein-
staklinga, t.d. Péturs Pétursson-
ar og Karls Þórðarsonar, ásamt
ágætum tengiliðum hafa notið
sín vel. Helsta veikleikann hefur
veriö aö finna í varnarleik en
hafa verður það jafnan í huga
þegar leikinn er jafn opinn
sóknarleikur og Akranes gerir
verður einhverju að fórna í
staðinrt. Það sem af er árinu
hefur Akranesliðið ekki tapað
leik og þegar unnið eitt mót, auk
þess að vera með nær óbreytt lið
frá í fyrra og verður að telja þá
líklega til að halda fast í
Bikarinn. Akranes verður enn á
ný í toppbaráttunni.
VALUR. Valsliðið kemur ekki
eins sterkt út í vor eins og s.l.
ár. Óvenjumikil meiðsli hafa
hrjáð leikmenn þess og slíkt
getur haft afgerandi áhrif á
vertíðina. Einnig hefur Valur
skipt um þjálfara og ráðið
Ungverjann Nemes í stað dr.
Iouri sem verður landsliðsþjálf-
ari. Ungversk knattspyrna
hefur jafnan verið hátt skrifuð
í heiminum og knattspyrnu-
þjálfaraskólinn ungverski einn
besti þjálfaraskóli sem þekkist,
þetta ætti því að gefa góðar
vonir um góðan fótbolta.
VESTMANNEYINGAR.
I.B.V. var það lið sem mest sótti
sig á s.l. ári eftir heldur slaka
byrjun. Liðið hefur verið skipað
kraftmiklum og afar leikglöðum
mönnum sem haft hafa mikla
ánægju af að leika knattspyrnu.’
Vegna þess hvað liðið leikur fáa
vorleiki er erfitt að ráða í getu
þess í upphafi, en ef fram heldur
sem horfði í fyrra, er liðið til
alls líklegt. Leikir liðsins voru
oft skemmtilegir á að horfa
fyrir beittan sóknarleik en
veikleikinn aðallega í varnar-
leik. Þjálfari er sá sami og s.l.
ár, Skinner.
VÍKINGUR. Verður Víkingur
efnilegt lið eitt árið enn, eða
springur liðið út og sýnir það
sem menn hafa vonast eftir
mörg undanfarin ár og blandar
sér loksins í toppbaráttuna?
Þessari spurningu verður fram-
tíðin að svara, því svo oft er búið
að vonast eftir betri árangri hjá
hinu ágæta Víkingsliði að ég
veit ekkert hvað ég á að segja.
Mörg undanfarin ár hafa
Víkingar byrjað vel í upphafi en
botninn jafnan dottið úr.
Happa- og glappa-aðferðin hef-
ur verið nokkuð áberandi, liðið
þarf að leika yfirvegaðra og
ákveðnara spil og minnka hlaup
og kýlingar.
Ungur leikmaður, Arnór
Guðjohnsen, leikur nú með
Víkingi í fyrsta skipti á þessu
ári. Hér er á ferðinni eitt mesta
knattspyrnumannsefni sem ég
hefi lengi séð og verður fróðlegt
að fylgjast með þessum unga
manni, ef reglusemi og áhugi
fara saman á þessi leikmaður
glæsta framtíð.
Ekki er ósennilegt að Víking-
ur tefli fram fleiri nýliðum en
önnur lið því 3. flokkur félagsins
s.l. tvö ár var eitt skemmti-
legasta unglingalið sem lengi
hefur leikið í Reykjavík. Ég held
að Víkingur blandi sér ekki í
toppbaráttuna að þessu sinni.
FRAM. Ekkert lið hefur
undanfarin ár misst jafn marga
leikmenn á stuttum tíma og
Fram, ýmist í atvinnumennsku
eða í önnur lið. All tíð þjálfara-
skipti hafa verið hjá Fram
undanfarið og að þessu sinni
tekur Guðmundur Jónsson aftur
við liðinu eftir 1 árs fjarveru.
Þegar Guðmundur hefur þjálfað
Fram hefur árangur jafnan
verið góður og spái ég að svo
verði nú. Fram hefur nær eitt
liða í 1. deild alltaf haft íslenzka
þjálfara, og hefur leikur liðsins
jafnan borið þess nokkur merki.
Brotthvarf markvarðar þeirra
Árna Stefánssonar er mikill
missir, en efnilegur unglinga-
landsliðsmarkmaður mun þar
fylla skarðið. Ég spái að Fram
rísi úr þeim öldudal sem liðið
var í í fyrra og verði til alls
líklegt.
KEFLAVÍK. Keflvíkingar
nær endurnýjuðu liö sitt í fyrra.
Margir skemmtilegir ungir
menn komu inn í liðið og skiluðu
betri árangri en menn þorðu að
vona. Liðið hefur á að skipa
jöfnum leikmönnum ásamt
mjög góðum markverði, sem
telja verður líklegan sem
„kandidat" fyrir landslið (Þor-
steinn Bjarnason). Á þessu
surnri mun liðið mótast og sýna
hvort hér er um framtíðarlið að
ræða eða ekki. Þjálfari Kefla-
víkur er fyrrum iandsliðsfyrir-
liði Guðni Kjartansson. Ég spái
að Keflavík sigli lygnan sjó á
þessari vertíð
BREIÐABLIK. Mjög skiptar
skoðanir virðast menn hafa um
árangur Breiðabliks að þessu
sinni. Margir álíta liðið eitt
mesta framtíðarlið deildarinn-
ar, aðrir neðan miðju og jafnvel
í fallbaráttu. Mér finnst liðið
hafa leikið of einhliða knatt-
spyrnu og ekki getað skipt um
„tempó“ þegar á hefur þurft aö
halda og því nær hjakkað í sama
fari, ekki leikið illa og ekki vel.
Höfuðverkur liðsins hefur
stundum verið að vantað hefur
góðan markvörð, en góður
markvörður getur verið gulli
betri á stundum. Breiðablik
hefur ráðið tékkneskan þjálfara,
sem komið hefur fram í blaða-
viðtölum með athyglisverðar
tillögur varðandi þjálfun og
verður því fróðlegt að fylgjast
með þjálfun liðsins. Liðið hefur
verið skipað jöfnum leikmönn-
um, en sóknarleikurinn jafnan
betri helmingur liðsins. Ég spái
að Breiðablik eigi í nokkru basli
með sæti sitt í 1. deild.
ÞRÓTTUR. Þróttur leikur að
nýju í 1. deild eftir 1. árs setu
í 2. deild. Þróttur hefur lengi
verið nokkurs konar „jó-jó“-lið
milli deilda, en ég spái að því sé
lokið í bili og Þróttur haldi sínu
sæti þetta ár. Liðið er skipað
ungum leikmönnum sem nær
allir hafa haldið hópinn í
gegnum yngri flokka félagsins,
og jafnan verið í fremstu röð
unglingaliða mörg undanfarin
ár. Liðsmenn eru stórir og
kraftmiklir, en leika kannski að
sama skapi ekki ýkja fallega
knattspyrnu, knattspyrnu þó
sem oft gefur mörk.
Sérstaklega vil ég vekja
athvgli á markakóngi 2. deildar
s.l. ár, Páli Ólafssyni, en þar er
mikið efni á ferðinni, og ekki
ólíklegt að hann eigi eftir að
hrella margan markvörðinn í
sumar, auk þess sem landsliðs-
sæti ætti ekki að vera langt
undan. Þó þarf þessi ungi
leikmaður að temja sér prúðari
leik en hingað til, og hafa í huga
leikbann það sem Evrópusam-
bandið dæmdi hann í í leik
unglingalandsliðsins s.l. haust
en það leikbann er þyngsti
dómur sem íslenskur knatt-
spyrnumaður hefur fengið,
nokkuð sem ekki bara Páll
Ólafsson þarf að hugsa um,
heldur stjórnendur unglinga-
landsliða í sumar. Erfitt verður
að ætla Þrótti ákveðið sæti en
ég spái að þeir haldi sínum hlut.
Þjálfari Þróttar er Þorsteinn
Friðþjófsson fyrrum leikmaður
Vals og fyrrum þjálfari Breiöa-
bliks.
F.II. Hafnarfjarðarliðið hefur
átt erfitt uppdráttar undanfarin
ár og jafnan verið í aftari hluta
liða í deildinni. Leikur liðsins
s.l. ár var mjög misjafn. Þó lék
liðið oft einhvern skemmtileg-
Valur og
ÍA berjast
um titilinn
asta fótbolta sem boðið var uppá
s.l. ár, fyrir hvað þeir léku opinn
bolta og voru ekki rígbundnir
við leikkerfi. Einstaklingar liðs-
ins fengu því stundum að sýna
listir sínar sem gáfu möguleika
á fjölbreyttari leik. Liðið leikur
yfirleitt léttan, fljótandi bolta.
Leikir liðsins í vor gefa ekki
miklar vonir um bata frá fyrra
ári og því verður að ætla að liðið
eigi í erfiðleikum með tilveru
sína i deildinni áfram. Þjálfari
F.H. er sami og í fyrra, Þórir
Jónsson.
K.A. Á s.l. ári tryggði K.A. sér
í fyrsta sinni í sögu félagsins
sæti í 1. deild. Frami félagsins
í knattspyrnu hefur verið skjót-
ur, var í 3. deild 1975. Róður
þeirra að þessu sinni verður
erfiður. Byrjunin mun þó verða
einna þvngst því vegna búsetu
þeirra á Akureyri, verða þeir að
leika 4 fyrstu leiki sína á
útivöllum og getur því árangur
í þeim leikjum haft varanleg
áhrif á framhaldið.
Liðið verður nokkuð óskrifað
blað og því afar erfitt að skipa
því á bás í lokin. Dyggir
áhorfendur þeirra á Akureyri og
nærsveitum munu hafa góð
áhrif á liðið í heimaleikjum, og
mun sá hópur sem jafnan sækir
knattspyrnuleiki á Akureyri,
setja skemmtilegan blæ á 1.
deildarkeppnina fyrir norðan,
og íslandsmótið í heild.
Að leikslokum
Hér að framan hefur verið
rætt vitt og breitt um Islands-
mótið í sumar. Niðurstað^n
verður sú að ég spái að enn verði
það Akranes og Valur sem
berjast muni um sigur í íslands-
mótinu. Fram, Keflavík og
Vestmannaeyingar koma mikið
við sögu og hafa jafnvel loka-
áhrif á hverjir verði íslands-
meistarar. Víkingur og Þróttur
niunu verða miðskips en Breiða-
blik, F.H. og K.A. berjast fyrir
sæti sínu næsta ár. Ég trúi því
að þetta íslandsmót verði jafnt
og spennandi og það lið sem
verður aðeins heppnara en
annað og missir fæsta leikmenn
frá vegna meiðsla verði sigur-
vegari.
Ég spái því einnig að nokkrir
nýir leikmenn (ungir) setji
meiri svip á þetta íslandsmót i*n
undanfarin ár, og nokkrir þeirra
eigi eftir að marka djúp spor í
sögu íslenzkrar knattspyrnu.
Svo vel hefur víða verið unnið
málefnum knattspyrnunnar að
kornið er senn fullþro
Öllum leikmönnum, þjálfuru:",,
dómurum forráðamönnum
laga og vallarstarfsmönnum
óska ég gæfu og gengis á
komandi „knattspyrnuvertíð",
áhorfendur býð ég velkomna á
völlinn í von um góða skemmt-
un.
HM
í
K
N
A
T
T
S
P
Y
R
N
U