Morgunblaðið - 21.07.1978, Side 8
8
MORGUNBLAÐIÐ, FÖSTUDAGIJR 21. JÚLÍ 1978
Taugastríðið heldur áfram í Baguioborg:
Kortsnoj tefldi með sól-
gleraugu og lét auk þess
gegnumlgsa stólinn sinn
ÖNNUR einvígisskák
þeirra Karpovs heims-
meistara og Kortsnojs
áskoranda, sem tefld var í
Baguioborg á Filipseyjum
í gær þótti mun hressilegri
en fyrsta skák heims-
meistaraeinvígisins. Kapp-
arnir sömdu að vísu um
jafntefli í 29. leik en
taflmennska þeirra var
fjörug og skemmtileg og
Kortsnoj kom öllum á
óvart með afar sjaldgæf-
um leik sem Karpov fann
þó auðveldlega vörn við og
skákin leystist upp í jafn-
tefli. Það var Karpov sem
bauð jafnteflið og
Kortsnoj þáði það sam-
stundis. Skáksérfræðingar
sögðu eftir skákina að hún
hefði verið verðug viður-
eign tveggja skákjöfra.
Taugastríðið utan taflborðs-
ins hélt einnig áfram í gær.
Þegar Kortsnoj mætti til tafls-
ins í gær var hann með heljar-
mikil sólgleraugu með spegil-
gleri og bar hann gleraugun á
meöan taflið stóð yfir. Sam-
kvæmt upplýsingum aðstoðar-
manna Kortsnojs er ástæðan sú
að Karpov hafi þann sið að stara
langtímunum saman í augu
andstæðingsins og þyki ýmsum
skákmönnum þetta afar óþægi-
legt og taugastrekkjandi. „Nú
þegar Kortsnoj hefur sett upp
gleraugun sér Karpov bara
sjálfan sig þegar hann starir
framan í Kortsnoj," sögðu að-
stoðarmennirnir.
I ævisögu sinni, „Skákin er
mitt líf“, kemur Kortsnoj inn á
Þarna fer einvígið fram. Húsið var byggt sérstaklega fyrir einvígið og sýna myndirnar hvar menn
eru að leggja síðustu hönd að verki innanhúss og utan.
þann vana heimsmeistarans að
einblína á andstæðing sinn
meðan andstæðingurinn á leik.
Segir hann frá því að eitt sinn
hafi hann brugðið á það ráð,
þegar hann fann augu Karpovs
brenna á sér, að líta skyndilega
upp og spyrja: „Er það eitthvað
sem þú vilt segja við mig?“
Karpov á þá að hafa svarað
neitandi og farið frá skákborð-
inu.
Það var líka annað sem vakti
athygli manna áður en 2.
einvígisskákin hófst í gær.
Nokkrum mínútum áður en
skákin átti að hefjast birtust
verkamenn á sviðinu, þar sem
taflið fer fram, og héldu þeir á
hvítum splunkunýjum stól fyrir
Karpov. Sovézka sendinefndin
hafði kvartað yfir stólnum, sem
Karpov sat á í 1. einvígisskák-
inni. Sagði nefndin í kvörtun
sinni, að stóllinn hefði verið
óþægilegur ásetu og auk þess of
lágur.
Það voru einnig heilmiklar
tilfæringar áður en Kortsnoj
féllst á að nota stólinn, sem
hann sat síðan á í 1. skákinni.
Lét hann gegnumlýsa stólinn
áður og yfirfara hann með
sérstökum geislamæli. Ekkert
athugavert mun hafa komið
fram við þá athugun. Minnir
þetta óneitanlega á stólamálið í
einvíginu hér í Reykjavík 1972,
þegar Spassky og aðstoðarmenn
hans kröfðust þess að stóll
Spasskys yrði gegnumlýstur,
þar sern þeir töldu að rafbylgju-
tækjum hefði verið komið þar
fyrir. Ekkert fannst í stólnum
frekar en í stól Kortsnojs.
Báðir skákmennirnir hvíldust
vel fyrir 2. einvígisskákina.
Kortsnoj synti i sundlaug hótels
síns en Karpov gat ekki leikið
tennis eins og hann venjulega
gerir vegna rigningar.
En greinilegt var að báðir
mættu vel hvíldir til skákarinn-
ar því hún var vel og skemmti-
lega tefld eins og sjá má hér á
síðunni. Gunnar Gunnarsson
skákmaður skýrir skákina.
3. einvígisskákin verður tefld
á laugardaginn og hefur
Kortsnoj þá hvítt. Raymond
Keene, aðstoðarmaður
Kortsnojs, lét eftir sér hafa, að
í 3. skákinni hygðist Kortsnoj
fara nýjar leiðir en skýrði það
þó ekki nánar.
Kortsnoj sótti stíft
— Karpov varðist
Önnur skákin i heimsmeist-
araeinvíginu varð aðeins lengri
og talsvert tilþrifameiri heldur
en sú fyrsta. Kortsnoj beitti nú
fyrir sig einu þekktasta vopni
sinu frá fyrri árum sem ekki
hefur sézt lengi í áskorenda-
keppni né heldur heimsmeist-
arakeppni. Þessi skák bar með
sér öll einkenni baráttuvilja og
áræðis Kortsnojs, sem hafði
greinilega undirbúið sig vel
fyrir þessa byrjun því þegar
hann kom með nýjung í 14. leik
hafði hann einungis notað 4
mínútur af umhugsunartíman-
um en Karpov hins vegar 50
mínútur. En eftir þann leik
skiptist upp á mönnum og taflið
einfaldaðist og jafnteflið blasti
von bráðar við.
2. skákin
Hvítt: Karpov
Svart: Kortsnoj
Spánski leikurinn.
1. e4 — e5 (Strax í fyrsta leik
gefur Kortsnoj tóninn: í fyrra
einvígi þeirra fyrir 4 árum
svaraði Kortsnoj yfirleitt með 1.
— e6 þ.e. Franskri vörn sem
enduðu flestar með jafntefli. Nú
hyggst hann reyna eitthvað
nýtt).
2. RÍ3 - Rc6, 3. Bb5 (Þessi
leikur sést í handritum frá
árinu 1490 og birtist i skák-
fræðiriti Ruy Lopez á Spáni
1561 og er þess vegna talin elzta
skákbyrjun vorra tíma)
3. - a6, 4. Ba4 - Rf6, 5. (H)
— Rxe4, (Teningnum er kastað!
Kortsnoj velur „opnu vörnina"
svokölluðu í Spánska leiknum,
en sá leikur er hlekkur í
umfangsmesta og flóknasta af-
brigði í Spánska leiknum og
hefur alltaf skotið upp kollinum
öðru hvoru þó svo leikurinn hafi
ekki sézt í neinu af áskorenda-
einvígjunum undanfarið né síð-
ustu keppni þeirra Kortsnojs og
Karpovs. Kortsnoj hefur beitt
þessum leik í mörg ár meö
góðum árangri og var um tíma
sérlegur sérfræðingur í þessu
afbrigði. Leikurinn býður upp á
vissa áhættu fyrir svartan: með
því að drepa peðið á e4 reynir
svartur að koma mönnum sínum
í ákjósanlegar stöður svo fljótt
sem mögulegt er og auka þeim
svigrúm. Á móti verður hann að
taka á sig verulega veikingu á
drottningarvæng sem er helzti
annmarki þessa leiks. Tilgang-
urinn með peðsráninu er ekki sá
að vinna peð heldur vill svartur
nota tækifærið og þróa menn
sína meðan hvítur eyðir tíma í
að vinna peðið til baka. Svartur
reynir venjulega að skapa sem
mestar flækjur og hindra aö
hvítur fái alltof frjálsar hendur
á miðborðinu. Við sjáum á
lærdómsríkan hátt hvernig
þetta gengur fyrir sig i þessari
skák) V
6. d4 - b5,7. Bb.3 - d5,8. dxe5
— Bd6, 9. c3 — Bc5 (Kortsnoj
velur skarpasta framhaldið en
einnig er oft leikið 9. — Be7.
Textaieikurinn sýnist í fljótu
bragði beinskeyttari vegna þess
t.d. að svartur miðar nú með
tveimur mönnum á reitinn f2, en
leikurinn hefur jafnframt þann
ókost að hann kemur í veg fyrir
framrás c-peðsins, tekur reit af
riddaranum á e4 og að síðustu
má benda á að biskupinn er
þarna ekki lengur til varnar á
kóngsvængnum. Slíka kosti og
galla verða skákmeistarar að
gera upp við sig og meta).
10. Rbd2 - 0-0,11. Bc2 - Bf5!
(Svartur reynir eftir fremsta
megni að halda spennunni á
miðborðinu. Þessi ieikur er
runninn undan rifjum Larsens
sem einnig hefur á undanförn-
um árum haft mikið dálæti á
þessari vörn en einnig hefur
verið reynt 11. — f5!?).
12. Rb3 - Bg4 (í skák frá 1971
milli Karpova — Sawons lék sá
síðarnefndi 12 — Bg6 en eftir
13. Rfd4! fékk hvítur betri stöðu)
13. Rxc5 — Rxc5, 14. Hel
14. — d4! (Endurbót Kortsnojs
á þessu afbrigði og alger nýjung
sem Karpov verður nú að ráða
fram úr á eigin spýtur)
15. h3 - Bh5. 16. cxd4 (Ef 16.
g4 —d3!)
16. - Bxf3. 17. Dxí3 - Rxd4,
18. Dc3 (Nú hugsaði Kortsnoj
sig um í 26 mínútur. Hann hefur
báða riddara á móti biskupapari
hvíts og vel staðsettan riddara
á d4 sem hann reynir nú að láta
standa þar sem lengst).
18. - Dd5! 19. Be3 - Rxc2
(Svartur tekur þann kost að láta
af hendi riddarann fyrir hvít-
reitabiskup hvíts en um leið er
kominn jafnteflisblær á
skákina)
20. Dxc2 - Rd3, 21. Hedl -
Hfd8. 22. I)xc7 - Dxe5. 23.
Dxe5 - Rxe5, 24. b3 - f6, 25.
Bb6 - Ilxdl, 26. Ilxdl - Hc8.
27. Hd2 - h5, 28. Be3 - Kf7,
29. M og hér bauð Karpov
jafntefli um leið sem Kortsnoj
þáði samstundis. Karpov hefur
ögn frjáisari stöðu sem þó
hvergi nærri réttlætir að teflt sé
áfram tii vinnings og jafnteflis
því réttlátust úrslit eftir stutta
en snarpa skák.